Магазин

Создаваме за иднината: Како сериите Samsung Galaxy S и Z ја редефинираат издржливоста и долговечноста

Нашите смартфони се повеќе од само уреди — тие се наши лични дата-центри. Често се првата работа по која посегнуваме откако ќе ја вклучиме машината за кафе и последната пред да ги измиеме забите навечер. Samsung ја разбира оваа длабока поврзаност и ги создаде сериите Galaxy S и Z да бидат повеќе од врвни технолошки направи. Овие премиум уреди се изградени да траат, овозможувајќи им на корисниците да добијат максимална вредност од својата инвестиција со години наназад.

Ајде да погледнеме како Samsung ја редефинира издржливоста кај своите серии Galaxy S и Z.

Galaxy Z серијата: Уметноста на издржливото преклопување

Galaxy Z Fold7 и Flip7 се повеќе од само преклопливи телефони — тие се инженерски ремек-дела дизајнирани да ги издржат предизвиците на секојдневната употреба. Еве како Samsung обезбедува овие уреди да го издржат тестот на времето:

Подобрен механизам на шарките: Armor FlexHinge кај Fold7 и Flip7 е 27% потенок и 43% полесен од претходната генерација, нудејќи мазно искуство при преклопување, додека истовремено ја одржува долготрајната издржливост.

Напредна дисплеј технологија: Главниот екран на Fold7 е 39% потенок благодарение на титаниумска решетка што го заменува слојот од јаглеродни влакна. Оваа иновација не само што ја зголемува издржливоста, туку овозможува и помазно, поодзивно допирно искуство.

Робустни надворешни материјали: Со Corning® Gorilla® Glass Ceramic 2 на надворешниот екран и рамка од Advanced Armor Aluminum, Z серијата се одликува со издржлива надворешност подготвена за секоја ситуација.

Отпорност на вода: IP48 рејтингот кај Fold7 и Flip7 нуди поголема сигурност, гарантирајќи дека уредите можат да издржат ненамерни прскања или лесен дожд.

Седум години безбедносни ажурирања: Samsung се обврзува на долготрајна употребливост, нудејќи седум години безбедносни ажурирања за Fold7 и Flip7, одржувајќи го вашиот уред сигурен со години.

Galaxy S серијата: Издржливост што се среќава со елеганција

Серијата Galaxy S25 ја продолжува традицијата на Samsung да го спојува елегантниот дизајн со бескомпромисна издржливост. Еве како серијата S25 е создадена да трае:

Подобрени материјали за издржливост: Серијата Galaxy S25 има Corning® Gorilla® Glass Victus 2 на задната страна, додека S25 Ultra располага со Corning® Gorilla® Armor 2 со антирефлексивен премаз. Ова резултира со 30% зголемување на издржливоста при тестови за паѓање.

Подобрен термален менаџмент: И покрај потенкиот дизајн, парните комори кај серијата S25 се значително зголемени — за 17% кај S25, 13% кај S25+ и 41% кај S25 Ultra — обезбедувајќи ефикасно дисипирање топлина за стабилни перформанси.

Потенок дизајн со подобрен стисок: Намалената дебелина кај серијата S25 го подобрува држењето без да ја компромитира издржливоста или перформансите, правејќи ја удобна и сигурна за користење.

Седум години безбедносни ажурирања: Сите уреди од серијата Galaxy S25 доаѓаат со седум генерации OS надградби и седум години безбедносни ажурирања, гарантирајќи долготрајна употребливост и спокој.

Зошто ова е важно?

Во време кога одржливоста е клучна, посветеноста на Samsung кон долговечност и издржливост не се однесува само на создавање подобри телефони — туку подобра иднина. Со комбинирање на иновативни материјали, напредно инженерство и програми за лесно сервисирање, Samsung обезбедува уредите од сериите Galaxy S и Z да не се само врвни, туку и создадени да траат.

Без разлика дали ја преклопувате иднината со Z серијата или ја доживувате елеганцијата на S серијата, јасно е едно: Samsung поставува нов стандард за издржливост во индустријата за смартфони.

И уште нешто

Samsung нуди иновативни програми за поддршка на корисници — како програмата за самостојна поправка (Self-Repair Program), достапна во САД, Кореја, 39 европски земји вклучувајќи ја и Северна Македонија и 9 земји во Латинска Америка, овозможувајќи им на корисниците лесно самите да го продолжат животниот век на уредите. И, последно но не помалку важно, Samsung нуди и далечинска поддршка, која вклучува дијагностика и решавање проблеми на уредите на корисниците — од далечина.

Останете со нас за следните две статии од оваа серија, каде ќе ги истражиме уште неколку клучни столбови на контролата на квалитетот за сериите Galaxy S и Z.

Try Galaxy

Пред да преминете на Galaxy, можете да го пробате искуството уште веднаш со апликацијата Try Galaxy, да ги истестирате најпопуларните функции на Galaxy AI, директно на вашиот сегашен телефон и да се уверите Galaxy искуството е единствено.

Магазин

CNN: Сè уште постои една прекрасна јужноевропска земја со вкусна храна, одлично вино и без туристи

Престижниот американски медиум CNN во обемна репортажа ја постави Македонија на мапата како една од последните неистражени дестинации во Јужна Европа – земја со исклучителна храна, врвно вино и речиси без туристички метеж.

Во текстот, Македонија е опишана како „пат помалку патуван“ каде драматичниот планински релјеф, слоевитата историја и искреното гостопримство создаваат уникатно културно и природно искуство. Лоцирана северно од Грција, земјата е наречена една од најпланинските во светот – каде „кога и да тргнеш, пред тебе и зад тебе има планина“.

И покрај тоа што по големина ѝ е слична на американската сојузна држава Вермонт, Македонија сè уште ги избегнува гужвите што се типични за популарните јужноевропски дестинации. Според локалните туристички работници, голем број патници само транзитираат низ земјата без да ги откријат нејзините потенцијали.

CNN ги издвојува духовните светилишта како Бигорскиот манастир и манастирот Свети Наум, а Охридското Езеро го нарекува „круниски дијамант“ со богат биодиверзитет и препознатливиот охридски бисер.

Гастрономијата е претставена како централно доживување – од „вонземски“ зеленчук произведен на мали семејни фарми, до традиционални специјалитети како ајвар, ракија, бурек, пастрмалија и тиквешките вина. Кафаната, како институција, е опишана како жив доказ за македонската традиција и културна издржливост.

Скопје се истакнува како град на контрасти со бруталистичка архитектура, османлиски дух во Старата чаршија и модерни градби, додека за авантуристите се препорачуваат Водно и кањонот Матка.

CNN заклучува дека Македонија нуди „повеќеслојно рурално искуство и едни од најубавите природни пејзажи што може да се видат во толку мала земја“, охрабрувајќи го светот да го открие овој балкански бисер пред да го преплават туристи.

Извор: 4news.mk

Магазин

„Stranger Things“ руши рекорди: Петтата сезона има 59,6 милиони прегледи во првите пет дена

Првиот дел од долгоочекуваната петта сезона на „Stranger Things“ беше објавен на 26 ноември, а веќе во првите пет дена оствари импресивни 59,6 милиони прегледи. Според пишувањето на Variety, ова е најдобриот старт што некогаш го имала серија на англиски јазик на платформата Netflix.

Овој резултат претставува значително надминување на веќе високата гледаност на четвртата сезона. Во 2022 година, кога Netflix сè уште ја мереше гледаноста според вкупно поминати часови, серијата во првите три дена собра 287 милиони часови гледање – бројка која се пресметува околу 22 милиони прегледи. Тоа дополнително го потенцира огромниот интерес што го привлече новата сезона.

Нови рекорди уште од премиерата

Иако петтата сезона е објавена пред само неколку дена, веќе донесе втор рекорд. Поради големото исчекување, сите четири претходни сезони минатата недела се најдоа меѓу Топ 10 најгледани на Netflix – првпат една серија да има четири сезони истовремено на листата.

Но, рекордите не застанаа тука. Во периодот од 24 до 30 ноември, „Stranger Things“ стана првата серија со пет сезони во Топ 10:
– петтата сезона го зазеде првото место,
– првата сезона беше трета со 8,9 милиони прегледи,
– четвратата сезона петта со 6,1 милиони,
– втората сезона шеста со 5,6 милиони,
– третата сезона осма со 4,6 милиони прегледи.

Финалето доаѓа на самиот крај од годината

Netflix минатата недела ги објави првите четири епизоди од новата сезона, а наредните три ќе бидат достапни за гледање на католички Божиќ, a големото финале е планирано за Нова година.

Со оглед на огромната гледаност и интересот што не се намалува, се очекува „Stranger Things“ уште долго да остане меѓу најпопуларните на Netflix. Проекциите се дека петтата сезона ќе се најде и на листата на најгледани серии на англиски јазик на сите времиња, каде моментално четвртата сезона е на третото место со 140,7 милиони прегледи во првите 91 ден.

Магазин

Како изгледаше во Тетово Сејф сити во 60тите

На оваа стара фотографија се гледа милиционер кој го сопира возилото на улиците на Тетово. Сцената ја прикажува секојдневната работа на органите на редот во градот во минатото, кога контролата на сообраќајот и безбедноста беа извршувани на традиционален начин, без модерни технолошки системи.