Илија Димовски, пратеник и координатор на пратеничката група на ВМРО-ДПМНЕ, како и директор на Центарот за комуникации, направи своја анализа во гостувањето во магазинот „Трилинг“:

Треба да видиме дали е реално сценариото за одложено дејство на уставните измени. Не можам да кажам затоа што ги немам во детали информациите. Не сум вклучен во она што значи дипломатија позади сцената. Ние имаме комплексна ситуација во односите со нашите соседи. Пред се тука мислам на Бугарија и на Грција. Од една страна приоритетно за државата е да изгради што е можно подобри односи со овие два соседи коишто се членки на ЕУ, коишто треба да бидат некаков стабилизирачки гарантор за целиот регион, коишто економски се посилни од нас, коишто треба да бидат некаков иницијатор за позабрзан економски развој кај нас. Од тој аспект мислам дека нашата држава треба да го гледа билатерален како мултилатерален. Ние немаме проблем со Бугарија или со Грција. Ние имаме проблем на признавање на постоењето и континуитетот на македонскиот народ. Тука е проблемот и со Преспанскиот договор. Тој погледнат низ грчката призма не е промената на името туку членот 7, каде што се дефинира и поделува македонскиот идентитет на два сосема различни идентитети – еден Хеленомакедонизам, еден Славјаномакедонизам. Тоа е амбицијата на грчката Република.

– И бугарската држава ја има истата таа амбиција, да искреира Бугаромакедонизам и нов Постмакедонизам кој. Ние треба да докажеме дека Македонизмот во едната, другата, третата, па ако сакате и во четвртата верзија со македонците – муслимани ии помаците, дека имаат свој корен, своја суштина, ист фолклор, ист јазик, обичаи, песни, херои низ историјата итн. Ние треба да се обидеме она што го прават како дезинтегративен процес спрема Македонскиот народ, некриејќи ги компонентите македонски во својата национална структура и Грција и Бугарија, ние да го искористиме во обратен процес и да создадеме мостови, да ги отвориме границите, да соработуваме на сите полиња.

– Преспанскиот договор е историска неправда спрема Македонскиот народ. Државата треба да има прагматичен и политички динамизиран однос кон Преспанскиот договор, којшто е адекватен на периодот во којшто се наоѓа државата – односите со ЕУ, со стратешките партнери итн. Но треба да не ја испуштаме позицијата во која што ќе велиме дека Преспанскиот договор е неправда спрема Македонскиот народ и Македонскиот народ има право на долга, средна или кратка перспектива да се бори против последиците од тој Преспански договор.

Според Димовски „уставни промени без одложено дејство се невозможни, а што е возможно ќе видиме“.

Во гостувањето во поткастот на Кристијан Ландов, ексначалникот Љубомир Ѓорчески, даде свое мислење за неколкуте обиди за убиство на Раде Штекли.

„Некаде во 2011 – 2012 година тој влегува во тие групации со Шевањ и маркинацијата негова е дека треба да биде ликвидиран. Тој најверојатно се има многу замерено со таа структура. Многу е тешко во тие кругови да преминете од една во друга конкуретна структура, а тоа го направи Штекли. Премина од Дуќанџик во Беланоца. Имаше објави во медиумите дека заминал во Дубаи да бара откуп кај Шевањ, но ете со фрлање на бомбата се покажа дека до прошка не е дојдено и дека Раде Штекли и натака е на списокот за ликвидирање и тој кога тогаш ќе биде ликвидиран. Локвидаторите  ќе бидат доведени во ситуација да му пукаат во глава за да бидат сигурни дека еднаш засекогаш го постигнале ефектот“ рече тој.

https://www.instagram.com/reel/DCpSBrluB0J/?igsh=bnRoOG94MDQwbzY4

Министерот за здравство Арбен Таравари, во интервјуто за Алсат ТВ вели дека не може да се каже дека албанскиот јазик е официјален во земјава, туку дека употребата на албанскиот е напредната.

„Официјално е кога се користи секаде и исто како и македонскиот јазик. За жал, албанскиот јазик е јазикот што го зборуваат само 20 отсто или повеќе од населението што живее во Република Македонија. Значи, не може да се каже дека албанскиот јазик е официјален јазик во Република Северна Македонија“,речеТаравари.

Тој додаде дека со Законот за употреба на албанскиот јазик се унапредува албанскиот јазик и додаде дека албанскиот не исчезнал од официјалната комуникација на некои министерства, туку дека проверката за тоа треба да им се препушти на надлежните институции.

„Дали очекувате ние како полиција да одиме и да интервенираме во министерствата?Институциите постојат, институциите мора да си ја работат својата работа. Верувам дека Агенцијата за имплементација на албанскиот јазик ќе се натера сама и во сите министерства и во сите институции каде што не се спроведува албанскиот јазик да ја добијат заслужената казна“, рече Таравари.