Премиерот Христијан Мицкоски истакна дека редовно тече исплатата на субвенциите во земјоделството.

– Што се однесува до тој дел од општеството, катастрофална и алармантна беше состојбата. Се консолидира. Не велам дека е идеална. Ќе треба да се продолжи со консолидирање. Знам дека редовно тече исплатата, да не речам и пред време – рече Мицкоски посочувајќи дека интервентно се исплатени отприлика 140 милиони денари за земјоделците кои одгледуваат пченица.

Тој потенцира дека веќе нема да има доцнење во исплатата на субвенциите.

– На тој начин полека, но сигурно колку можеме да помогнеме – помагаме. Дали е доволно? Не е доволно. Треба уште. Но, истовремено сум убеден дека во периодот што следи, уште повеќе ќе има во таа насока. Нема веќе доцнење. Сето она кое што порано било долгови и се трудиме да го вратиме. Очекуваме околу 25 до 30 проценти, заедно со тековните исплати во следниот буџет да биде регулиран и веќе во 2026 година да имаме нормална состојба и да немаме веќе доцнење. Би сакал да имаме што повеќе посеани површини со земјоделски производи. Ние како Влада ќе сториме сѐ што е во наша моќ тоа да се случи – рече Мицкоски.

Поради интензивни врнежи од снег, од 15:30 часот на магистралниот пат Кичево – Охрид, воведена е забрана за движење на тешки товарни моторни возила (ТТМВ) во двата правци.

Дополнително, во 16:20 часот, поради исти причини, е воведена забрана за движење на ТТМВ и на магистралниот пат А3 кај преминот Плетвар.

МВР апелира до сите возачи да бидат внимателни, да ја приспособат брзината на условите на патот и да користат зимска опрема. Се препорачува да се следат информациите за состојбата на патиштата пред тргнување на пат.

На 28.11.2024 во 09.00 часот во СВР Тетово, А.Ј.(30) од Тетово пријавила дека на 27.11.2024 околу 16.00 часот на улица „Димо Гавроски Кара“ во Тетово, при обид да избега од куче скитник паднала во отворена дупка и се здобила со тешки телесни повреди, констатирани во Клиничка Болница Тетово. Се работи на расчистување на случајот.