Поранешниот бугарски претседател Петар Стојанов ја поддржа кандидатурата на Андреј Ѓуров во вториот круг од претседателските избори во недела. Во гостување на бТВ, Стојанов рече дека го смета Ѓуров за разумен и урамнотежен кандидат, кој во одредени моменти може да покаже и решителност.

Тој нагласи дека поддршката ја дава самоиницијативно, без да биде побарана од кандидатот или од неговиот тим.

Осврнувајќи се на противкандидатката Илијана Јотова, Стојанов посочи дека нејзината политичка кариера се одвивала во редовите на Бугарската социјалистичка партија, додека тој секогаш бил на спротивната политичка позиција.

Стојанов ја критикуваше и реакцијата на бугарската влада на нападите со дронови во Црното Море. Според него, претпазливоста кон Москва е поврзана со предизборните пресметки и со ставовите на дел од гласачите кон Русија.

Како дополнителна причина го посочи стремежот на владата да добие позначајна улога во Европската Унија преку мировните иницијативи што ги предлага.

„Секоја иницијатива за мир е добредојдена. Секој напор за мир е добредојден“, рече Стојанов, но нагласи дека за таквите предлози да бидат уверливи, властите најпрво треба јасно да кажат дека Русија ја започнала агресивната војна.

Во спротивно, според него, ќе останат сомневањата дека се штитат руски, наместо бугарски и европски интереси.

Стојанов, кој беше претседател на Бугарија од 1997 до 2002 година, оцени дека претпазливиот однос кон Русија не е особеност само на актуелната власт, туку има подолга политичка традиција.

Тој ја опиша претседателската функција како чувар на стратегиските интереси на државата и арбитер во политички кризи.

…

Соединетите Американски Држави и Унгарија ќе ја зголемат соработката и размената на разузнавачки информации против мрежи што американскиот државен секретар Марко Рубио ги обвини за напади врз полицијата, критичната инфраструктура и историските институции во западните општества.

Рубио изјави дека двете влади ќе дејствуваат заеднички против она што го опиша како повторен подем на „крајно левичарскиот тероризам“.

Според неговите тврдења, овие групи дејствуваат преку меѓународна мрежа чија цел е дестабилизација на западните општества, нивните системи и култура.

Двете страни потпишале и посебен договор насочен кон проширување на соработката во енергетската инфраструктура.

…

СВР Куманово поднесе кривична пријава против А.М. (35) од Крива Паланка поради сомнение за напад врз полициски службеник додека извршувал службени дејствија.

Според Министерството за внатрешни работи, инцидентот се случил на 9 август годинава на подрачјето на Куманово.

Жената се сомничи за кривичното дело „напад врз службено лице при вршење работи на безбедноста“.

…

Најмалку три лица загинале, а петмина се повредени по уривање на карпеста формација на влезот во музејот на отворено во Ѓореме, во турската област Кападокија.

Несреќата се случила во четвртокот напладне, кога се урнала една од препознатливите природни формации познати како „самовилски оџаци“. На местото се испратени бројни спасувачки екипи и амбулантни возила, а потрагата продолжува.

Гувернерот на Невшехир, Хусеин Ќок, во првичната изјава соопштил за две извлечени тела и еден повреден пренесен во болница. Подоцнежните информации наведуваат најмалку тројца загинати и петмина повредени.

Причината за уривањето сè уште не е утврдена. Се разгледува можноста влијание да имале обилните врнежи во претходните часови.

Во туристичката област имало зголемена посетеност поради националниот празник на 29 октомври, кога Турција го одбележува прогласувањето на Републиката.

Ѓореме е познат по карпестите формации создадени со ерозија на вулкански карпи, како и по црквите и манастирите издлабени во карпите. Областа е на списокот на светско наследство на УНЕСКО.

Поради дождот и силниот ветер биле откажани и летовите со балони за 29 и 30 октомври. Оваа популарна туристичка активност се одвива само кога надлежните служби ќе оценат дека условите се безбедни.

…

Планирани прекини во снабдувањето со електрична енергија утре, 30 октомври, ќе има во делови од Гази Баба, Драчево и Кисела Вода.

Од 08:25 до 14:00 часот, без струја ќе бидат делови од улиците „Стојна Стефкова“, „Јајце“ и „Ордан Чопела“, поради работи во трафостаниците „Гази Баба 4“ и „Гази Баба 5“.

Во општина Аеродром, од 09:00 до 14:00 часот, планирано е исклучување на улицата „Корчевска“ во Драчево.

Од 09:00 до 12:00 часот, прекин во снабдувањето е најавен и на улицата „Коста Новаковиќ“ во Кисела Вода, од „ЗУР Маркет 5“ до крајот на улицата, кај салата на Јеховините сведоци.

Планирани прекини во снабдувањето со електрична енергија утре, 30 октомври, ќе има во делови од Гази Баба, Драчево и Кисела Вода.

Од 08:25 до 14:00 часот, без струја ќе бидат делови од улиците „Стојна Стефкова“, „Јајце“ и „Ордан Чопела“, поради работи во трафостаниците „Гази Баба 4“ и „Гази Баба 5“.

Во општина Аеродром, од 09:00 до 14:00 часот, планирано е исклучување на улицата „Корчевска“ во Драчево.

Од 09:00 до 12:00 часот, прекин во снабдувањето е најавен и на улицата „Коста Новаковиќ“ во Кисела Вода, од „ЗУР Маркет 5“ до крајот на улицата, кај салата на Јеховините сведоци.

…

Планирани прекини во снабдувањето со електрична енергија утре, 30 октомври, ќе има во делови од Тетово и во неколку населени места во Тетовско.

Од 06:00 до 06:20 часот, без струја ќе бидат објекти во централниот дел на Тетово, од „Монопол“ до автобуската станица, објектите кај Спортскиот центар, „Тетовчанка“, „Палма мол“, „Труд“, ТИРЗ, објектите кај ЕМО, населбата Станбена, како и објектите кај „Пино“ и Кожара.

Од 09:00 до 14:00 часот, прекин ќе има во дел од селото Челопек, кај училиштето во Горни Челопек, како и во дел од Тетово кај ООУ „Лирија“. Во истиот термин без струја ќе бидат и објектите на патот за Требош.

Во селото Мерово, во општина Желино, прекинот е најавен од 09:30 до 13:45 часот. Од 09:45 до 13:45 часот, без електрична енергија ќе биде и дел од селото Прељубиште, во општина Јегуновце.

…

Летало на ЕУФОР се урнало во четвртокот на подрачјето на Брчко, во Босна и Херцеговина, за време на рутинска операција, потврди меѓународната воена мисија.

Според „Дневни аваз“, станува збор за воен хеликоптер, а во несреќата загинале три лица што се наоѓале во него. Во пренесеното соопштение на ЕУФОР не е наведен бројот на жртви.

Од мисијата соопштиле дека нема повредени цивили, ниту штета врз цивилната инфраструктура, имотот или возилата.

ЕУФОР спроведува целосна и темелна истрага, а дополнителни информации ќе објави откако ќе бидат утврдени фактите.

Од мисијата ги повикале граѓаните да не шират дезинформации и да ги следат официјалните канали. Причините и околностите на несреќата засега се утврдуваат.

…

Производството на електрична енергија е стабилно, а ЕСМ обезбедува сигурно снабдување по пониски продажни цени, порача министерката за енергетика, рударство и минерални суровини, Сања Божиновска, одговарајќи на новинарски прашања по отворањето на саемот „Енерго Технома 2026“, пренесува „Вечер“.

Според Божиновска, електричната енергија сега се продава по 65 евра за мегават-час, наспроти над 135 евра во периодот кога актуелната Влада ја презела функцијата. Таа нагласи дека преку ЕСМ се преземаат активности за заштита на стандардот на граѓаните.

Во однос на горивата, министерката повика да се почека одлуката на Регулаторната комисија за енергетика, која се очекува в понеделник. Посочи дека пресметките и барањата на компаниите не значат автоматска промена на малопродажните цени.

„РКЕ ќе одлучи каков ќе биде крајниот исход. Да ја почекаме одлуката на Регулаторна“, рече Божиновска.

Таа истакна дека меѓународните берзи, понудата и побарувачката, како и геополитичките случувања, влијаат врз цените на енергенсите. Потсети на мерките за намалување на акцизите и ДДВ, како и на попустите што ги понудила ОКТА. Според неа, актуелниот попуст ќе важи до следната недела, по што ќе се разгледуваат следните чекори.

За снабдувањето со природен гас, Божиновска информираше дека ЕСМ има обезбедено количества за ноември и води преговори за подолгорочно снабдување по поконкурентни цени. Можноста за субвенции, додаде таа, ќе се разгледува во зависност од финансиските импликации.

Министерката порача и дека политичките случувања во Србија нема да ја нарушат динамиката на планираните гасни проекти.

Според роковите што ги наведе, интерконекторот со Грција треба да биде завршен околу јуни 2027 година, додека целосното завршување на делницата кон северната граница е планирано за 2028 година. Божиновска нагласи дека засега нема поместување на предвидените рокови.

…

Опозициски пратеници во албанскиот парламент запалија факели во обид да спречат гласање.

Тие се судрија и со пратениците од власта, а кон премиерот Еди Рама фрлаа шишиња со вода.

Chaos in the Albanian Parliament.

Opposition MPs set off flares in an attempt to block a vote.

They also clashed with government lawmakers and threw water bottles at PM Edi Rama. https://t.co/Z2DFHjXbPV

— kos_data (@kos_data) October 29, 2026

….

Зоолошката градина во Битола го збогати својот животински фонд со пет нови видови, кои пристигнале во рамки на соработката со Белградската зоолошка градина.

Меѓу новите жители се сервал, був, свештен ибис, берберска овца и американски ракун. Од Зоо Битола информираат дека животните безбедно пристигнале и се сместени во новите живеалишта, под надзор на ветеринарниот тим.

Од установата велат дека меѓуинституционалната соработка и размената придонесуваат за збогатување на животинскиот фонд, унапредување на условите и едукација на посетителите.

Зоолошката градина ги покани граѓаните да ја посетат викендов и да ги запознаат новите животни.

..