fbpx
Растојанието на чадорите за сонце четири метри, нема маси во рестораните, од денес на плажа во Грција

Растојанието на чадорите за сонце четири метри, нема маси во рестораните, од денес на плажа во Грција

Откако започна да ги олеснува рестриктивните мерки на 4 мај, Грција утре ќе отвори 515 плажи за да се подготви за туристичката сезона.

Голем број на рестриктивни мерки ќе се применуваат на плажите.

Поради препораката за физичка дистанца, на 1.000 квадратни метри ќе бидат дозволени 40 посетители, забрането ќе биде служење алкохол, како и спортски активности.

Растојанието помеѓу чадорите ќе биде четири метри, нема да има маси во рестораните и баровите, но гостите ќе можат да купуваат храна и пијалоци од шанковите и да ги консумираат на нивните лежалки.

Грчката влада инаку одново да ја продолжи, до 15 јуни 2020 година, мерката „за забрана за влез за државјани на трети земји освен на држави од Европската унија и Шенген зоната“, а заедничката одлука на министрите за цивилна заштита, здравство и внатрешни работи, веќе е објавена во Службен весник, јави дописничката на МИА од Атина.

Во сила е одлуката на министрите за здравство, за инфраструктура и транспорт и за поморство на Грција, за привремено ограничување на сите авионски, железнички и патни поврзувања со Северна Македонија и забрана за влез на македонски државјани на грчка територија; привремено ограничување на сите авионски, морски, железнички и патни поврзувања со Албанија и забранет е влез во Грција за албански државјани и привремено прекинување на морското и авионското поврзувањето со Италија и воздушниот сообраќај со Шпанија.

Во однос на тоа дали оваа мерка на грчката влада ќе биде продолжена, но и како ќе се одвива копнениот туризам во Грција, кој е важен дел не само за северниот дел на земјата, туку и за туристите од балканските земји и дали можеби ќе се бара посетителите пред патувањето да треба да имаат направено тест, портпаролот на грчката Влада Стелиос Пецас, одговарајќи на прашањето на дописничката на МИА од Атина на денешниот редовен брифинг со новинарите, рече дека се ќе биде вклучено во владиниот план за туризмот што ќе се презентира во следните денови.

-Ќе постојат неопходните измени, за сите туристи, навремено да знаат што ќе се случи и каде смеат и каде не смеат да се движат, но што се однесува генерално на протоколите и што се однесува на прашањата во врска со планот за туризмот, ќе треба да почекате неколку денови за да имате целосни одговори, рече Пецас.

administrator

Related Articles

%d bloggers like this: