fbpx
Aмериканската нафта падна под нулата, кај нас од полноќ се поскапува за 3 денари еве зошто

Aмериканската нафта падна под нулата, кај нас од полноќ се поскапува за 3 денари еве зошто

 На овој начин државата ќе го полни буџетот за да се справи со Корона кризата. Од Владата велат дека кога цените на горивата ќе почнат да се качуваат така постепено ќе паѓа и цената на акцизата.

Претходно на овој предлог жестоко реагираше бизнис заедницата според кои оваа мерка ќе удри по џебот на граѓаните, а земјава ќе биде единствена во светот која качува акциза за да се справи со корона кризата. Претседателот на РКЕ, Марко Бислимовски пак вели дека тоа нема да влијае негативно, бидејќи цените на горивата кај нас се најефтини во регионот.

Инаку за прв пат во историјата, вчера американската нафта падна под нулата. Во еден период од тргувањето цената отиде и минус 38 долари за барел. Тој историски пад кај нас сега нема да смени многу, вели Бислимовски. Но, во следниот период можно е да има некакво влијание.

„Ние ги земаме податоците од берзи во Европа. Тоа што се случи во САД нема влијание на цените на нафтени деривати, не само во нашата земја, туку и во останатите европски држави. Понатака во текот на оваа недела, ќе видиме како ќе влијае тоа. Сигурно ќе има влијание, но тргувањата на берзите во САД во текот на вчерашниот ден не беа поврзани со тргувањата на берзите во Европа.“вели Марко Бислимовски, претседател на РКЕ.

Потрошувачката на горивата кај нас, само за месец март паднала за 40%. Бислимовски очекува бројките за април да бидат уште подрастични.

administrator

Related Articles

%d bloggers like this: