Connect with us

Инфо +

„Како мал многу ве телале“, му рече Фуркан на Апасиев овој му врати „Ај бркај работа“

Published

on

Лидерот на Левица и пратеник во Собранието, Димитар Апасиев денеска повторно покажа недолично однесување за функцијата којајаима, откако на прашање на новинар му одговори со „ај бркај работа“.

Откако Апасиев се обиде да постави контра прашање, новинарот Фуркан Салиу со право реагираше дека тој е тука да одговара на прашања, не да поставува.

– Не може вие мене да ме прашувате, кој мислите дека сте вие? Ќе тепате, ќе убивате, па после…, вели Салиу на што Апасиев му даде краток одговор „Ај, бркај работа…“

Новинарот го праша и „дали го тепале многу како мал па се однесува вака“.

„Само погледнете какви проблеми и колку гнев може да предизвика еден фејсбук статус на лидер на партија кој што неговите психички проблеми ги манифестира јавно…

На Мерсиха и пишувале симпатизери на Апасиев, и ја навредувале, а не поминала полесно ниту сопругата на лидерот на Левица.

Не сакајќи, Апасиев направи одлична споредба помеѓу пукањето со калашников и говорот на омраза… ИСТО Е!

Левица требаше да биде партија различна од сите други политички субјекти, ама докажуваат дека се исти. Ниту еден од членовите не се спротивстави на ваквиот однос на лидерот на партијата, дури и го подржуваат.

Најжално ми беше кога видов која адвокатка го брани Апасиев… Разбирам дека работата на адвокатот е да го брани обвинетиот, ама Павлина Зефиќ на семинари организирани од Хелсиншкиот комитет, како студент ме учеше како треба да се почитуваат различностите.

Од морален аспект не би требало да застане до Апасиев. Но тоа е тоа, ако нешто научив од овие 6 години колку и работам како новинар, е тоа дека моралот, правдата и политиката не идат едно со друго“, реагираше подоцна Салиу.

https://www.facebook.com/FurKlan/posts/1266612420351307

Балкан

Охрабрувачки вести: Двајца повредени во Бугарија почнаа да се движат!

Published

on

Двајца од повредените во пожарот во кочанската дискотека, кои се лекуваат во болница во Бугарија, почнале да се движат, информираше македонското Министерство за здравство.

Во Бугарија се хоспитализирани вкупно 15 пациенти, од кои седуммина се интубирани и шестмина оперирани, со стабилна хемодинамика, а двајца почнуваат од денес да се движат.

Од вкупно 178 повредени, во јавните здравствени установи во државата во моментот се третираат 64 пациенти, кои се во релативно стабилна состојба, во приватните здравствени установи се лекуваат 13 пациенти, а 101 пациент се третираат во странски медицински центри.

Continue Reading

Балкан

Мурад Муска: Само ние можеме да го зачуваме нашиот роден крај

Published

on

Горњаците мора самите да преземат иницијатива за зачувување на својата култура, историја и идентитет, порача Мурад Муска. Според него, иднината на регионот зависи од напорите што ќе ги вложат самите жители, а не од надворешни фактори.

„Ако сакаме да опстанеме, мора да снимаме што повеќе документарни филмови, да пишуваме книги за нашата култура и историја, и да организираме културни и спортски активности кои ќе ја привлечат младината. Само така ќе ги научиме нашите внуци да го зборуваат нашиот јазик и да ја сакаат својата татковина. Во спротивно, ќе исчезнеме“, истакнува Муска.

Тој предупредува дека оние кои работат за Гора однадвор не секогаш го прават тоа во нејзина корист, туку често на нејзина штета.

„Само ние можеме да направиме нешто за себе. Другите, колку и да изгледаат дека ни помагаат, често имаат свои интереси. Вистината за нашата ситуација многу подобро се гледа од далечина“, додава тој.

Со оваа порака, Муска ги повикува Горњаците да се посветат на зачувување на својот роден крај, неговите традиции и културни вредности, со цел идните генерации да ја продолжат оваа вековна историја.

Continue Reading

Балкан

Хрватската министерка за здравство потврди дека во Загреб се донесени уште тројца пациенти од несреќата во Кочани

Published

on

По првите двајца македонски пациенти кои со изгореници веќе се лекуваат во Загреб, денеска во главниот град на Хрватска беа донесени уште тројца поврдени од трагедијата во ноќниот клуб во Кочани.

Сите се во стабилна состојба и надвор од животна опасност, изјави попладнево министерката за здравство на Хрватска, Ирена Хрстиќ.

„Денеска се примени три нови пациенти – две жени и еден маж. Малолетник и двајца возрасни. Сите тројца се надвор од животна опасност и ќе бидат сместени во Одделот за изгореници на КБЦ „Сестре милосрднице“, рече министерката по седницата на Владата, јавија хрватски медиуми.

Претходно беа примени двајца пациенти, од кои едниот остана на Одделот за изгореници во Клиничката болница Сестре Милосрднице, додека другиот поради добрата општа состојба и помладата возраст е префрлен во Детска болница

Министерката повтори дека Хрватска стои на располагање на Северна Македонија за прифаќање повреднеи со изгореници, но според последните информации засега нема да пристигнуваат нови пациенти. Таа додаде дека комуникацијата со македонските власти е постојано отворена, па до вечерва ќе се види дали ќе има промени. Таа рече и дека лично нема информации дали е обезбедено сместување во Загреб за семејствата на македонските пациенти, но не се сомнева дека и тоа ќе се реши.

Премиерот на Хрватска, Андреј Пленковиќ претходно на владина седница рече дека македонскиот министер за надворешни работи Тимчо Муцунски доаѓа во Хрватска и дека заедно со министерката Хрстиќ ќе ги посети пациентите од Кочани во болниците во Загреб.

Kurir.mk

Continue Reading
Advertisement
Advertisement

Трендинг

Copyright © 2024 Булевар.мк