Инфо +
Вработување во Армија, оглас за 200 војници
Врз основа на член 31, 36, 39 и 40 од Законот за служба во Армијата на Република Северна Македонија („Службен весник на Република Македонија“ бр. 36/10, 23/11, 47/11, 148/11, 55/12, 29/14, 33/15, 193/15 и 71/16 и „Службен весник на Република Северна Македонија“ бр. 101/19, 275/19 и 14/20), член 1 од Правилникот за начинот на спроведување на постапка за прием на кандидати за офицери, односно подофицери, професионални војници и цивилен персонал на служба во Армијата на Република Македонија („Службен весник на Република Македонија“ бр.57/18), Министерството за одбрана на Република Северна Македонија, објавува
ЈАВЕН ОГЛАС
1. За прием на 200 (двеста) професионални војници на служба во Армијата на Република Северна Македонија (во натамошниот текст: Армијата) за работа на определено работно време со договор за вработување во времетраење од 4 (четири) години со можност за негово продолжување повеќе пати, но најмногу до навршување на 45 години возраст по избор согласно закон.
2. Кандидатите за прием на професионални војници на служба во Армијата од точка 1 на овој оглас треба да ги исполнуваат следните услови:
Општи услови:
- да се државјани на Република Северна Македонија;
- да се полнолетни и
- да имаат посебна здравствена и физичка способност.
Посебни услови:
- да имаат завршено средно образование;
- да не се постари од 25 години на денот на завршувањето на огласот за прием на професионални војници.
3. Работното време е од 08,00 часот до 16,00 часот.
4. Платата изнесува над 25.000,00 денари, со дополнителни над 8.000,00 денари трошоци за станбено обезбедување по навршување на 4 години служба во Армијата.
5. Лицата кои се здравствено осигурани и ќе приложат потврда издадена од матичен лекар за поседување на општа здравствена способност кон пријавата за прием на кандидати за професионални војници на служба во Армијата, нема да подлежат на почетни проверки за поседување на општа здравствена способност.
Лицата кои не се здравствено осигурани и согласно тоа, не се во можност да достават потврда од матичен лекар за поседување на општа здравствена способност кон пријавата за прием на кандидати за професионални војници на служба во Армијата, ќе бидат испратени на проверка на општата здравствена способност на Институтот за физиологија при Клинички центар – Скопје.
6. Во постапката за избор, проверката на физичката и здравствената способност на кандидатите за професионални војници на служба во Армијата, ќе биде извршена од страна на посебни комисии формирани од министерката за одбрана.
Кандидатите ќе подлежат на тестови за проверка на физичката подготвеност согласно Правилникот за начинот на одржување и проверка на физичката способност на активниот воен персонал на служба во Армијата на Република Македонија („Службен весник на Република Македонија“ бр.170/16) достапен на следниот линк: http://mod.gov.mk/wp-content/uploads/2018/07/ Pravilnik-za-fizicki-proverki-.pdf.
7. При вработувањето ќе се води сметка за соодветна и правична застапеност на граѓаните кои припаѓаат на сите заедници со почитување на критериумите на стручност и компетентност.
8. Министерството за одбрана ги повикува и охрабрува девојките и жените кои ги исполнуваат условите да се пријават на јавниот оглас за прием на професионални војници во Армијата на Република Северна Македонија.
9. Јавниот оглас за прием на професионални војници ќе трае 15 дена вклучувајќи го денот на објавување, во најмалку два дневни весници од кои најмалку во еден од весниците што се издаваат на македонски јазик и еден од весниците што се издаваат на јазикот што го зборуваат најмалку 20% од граѓаните кои зборуваат службен јазик различен од македонскиот јазик и интернет страната на Министерството за одбрана.
10. Кандидатите за професионални војници на јавниот оглас може да се пријават преку електронска пошта во Министерството за одбрана javenoglaspfv@morm.gov.mk со пополнување на образецот Пријава за кандидати за професионални војници на служба во Армијата. Пријавата може да се превземе од интернет страната на Министерството за одбрана www.mod.gov.mk.
Кандидатите за професионални војници на јавниот оглас може да се пријават и во Одделенијата за одбрана на Министерството за одбрана во или блиску до местото на живеење.
11. При пријавувањето на јавен оглас, кандидатите треба да ги приложат следните документи и податоци:
- Пријава за кандидати за професионални војници на служба во Армијата (образецот е достапен на интернет страницата на Министерството и во Одделенијата за одбрана);
- Своерачно пополнет Прашалник со изјава за морална, материјална и кривична одговорност за точноста на дадените податоци (образецот е достапен на интернет страницата на Министерството и во Одделенијата за одбрана);
- Фотокопија од документ за лична идентификација (лична карта или патна исправа);
- Диплома за завршено средно училиште;
- Потврда издадена од матичен лекар за општа здравствена способност за лица кои се здравствено осигурани, а кој податок се должни да го наведат во пријавата за пријавување на кандидати за професионални војници на служба во Армијата;
12. Кандидатите кои аплицирале на претходните огласи за прием на професионални војници, но не биле избрани и не ги подигнале документите од Одделението за одбрана во местото на живеење, доколку имаат интерес за повторно аплицирање согласно условите во точка 2 од огласот, потребно е да достават само пријава и потврда од матичен лекар за поседување на општа здравствена способност.
13. Некомплетните и ненавремено доставени документи нема да се земаат во разгледување.
14. Кандидатите за професионални војници кои успешно ќе ги поминат сите предвидени проверки по фази, согласно Правилникот за начинот на спроведување на постапка за прием на кандидати за офицери, односно подофицери, професионални војници и цивилен персонал на служба во Армијата на Република Македонија („Службен весник на Република Македонија“ бр.57/18) и тоа:
- проверката на податоците кои кандидатите ги изнеле за вистинити,
- проверката на физичката способност,
- проверката на здравствената способност,
се ставаат на листа за избор и прием на професионални војници на служба во Армијата.
15. Кандидатите за професионални војници кои ќе бидат примени на служба во Армијата на Република Северна Македонија и повикани во Министерството за одбрана за потпишување на договор за работа со себе треба да ги носат следните документи:
- диплома за завршено средно образование (оригинал или копија заверена на нотар);
- уверение за државјанство;
- извод од матична книга на родените;
- уверение дека не му е изречена мерка за безбедност забрана на вршење професија, дејност или должност (не постаро од 6 месеци);
- важечка лична карта и 2 (две) фотокопии од лична карта на кои треба да биде напишана општината во која се со место на живеење;
- трансакциска сметка;
- ако кандидатот бил во работен однос да достави лист за одјава со затворен датум во фирмата каде работел (образец М-2), или
- потврда дека не е во работен однос издадена од Агенцијата за вработување.
16. Со избраните кандидати Министерството за одбрана ќе склучи договор за работа во траење од три месеци, во кој период влегува основна војничка обука, а по чие успешно завршување со лицето се склучува договор за работа од четири години, согласно точка 1 од овој оглас.
За времетраење на основната војничка обука, лицето кое ќе биде примено како професионален војник на служба во Армијата ги остварува сите права и обврски од работен однос согласно со овој закон.
17. На кандидатите кои нема да бидат избрани по јавниот оглас и нема да засноваат работен однос во Министерството за одбрана како професионални војници на служба во Армијата на Република Северна Македонија, документите со писмено известување ќе бидат вратени преку Одделението за одбрана во местото на живеење, каде што биле поднесени.
МИНИСТЕРСТВО ЗА ОДБРАНА
Балкан
Васил Стерјоски од МАЕИ се кандидира за нов пратенички мандат – „вашата поддршка е наш заеднички успех“ им порачува на Македонците во Албанија
Лидерот на Македонска алијанса за европска интеграција (МАЕИ), Васил Стерјовски, кој на претстојните парламентарни избори во Албанија е во трка за пратенички мандат, преку објава на Фејсбук се обрати до Македонците во округот Корча, да го поддржат порачувајќи дека „вашата поддршка е наш заеднички успех“.
Во објавата на почетокот се задржува на трагедијата што се случи во Кочани, која во овие тажни денови „ја потврди семакедонската сплотеност и единство“.
„Трагичниот настан во Кочани нè погоди сите Македонци, каде и да сме… Националната трагедија во Кочани нè потсети колку сме поврзани, ја потврди семакедонската сплотеност и единство, без разлика на границите! Во овие тешки мигови, нашите мисли и срца се со семејствата на загинатите – Бог да ги прости и вечна им слава, со пријателите, со целиот македонски народ кој ја дели оваа болка, нашите молитви се со повредените за нивно најбрзо заздравување. Било, никогаш да не се повтори“, наведува Стерјовски.
Националната трагедија во Кочани, додава, се совпадна со мојата кандидатура за пратеник на претстојните парламентарни избори во Албанија, што ќе се одржат на 11 мај годинава. Од почит кон загинатите и во знак на солидарност, не ја објавив мојата кандидатура додека траеа деновите на жалост.
„На овие избори Македонска алијанса за европска интеграција настапува во коалиција со Социјалистичка партија. Во согласност со договорот за коалицирање, јас сум кандидат на изборната листа на Социјалистичка партија за округот Корча. Од 143 кандидати кои се натпреваруваат во Округот Корча, од 11 партии и коалиции, јас сум единствениот Македонец во трка за пратенички мандат – предложен од Македонска алијанса за европска интеграција. Упатувам искрена благодарност до Социјалистичката партија која ни даде можност да се најдеме на нивната листа. Мојата искрена благодарност и до Македонската алијанса за европска интеграција, за поддршката и довербата да ја претставувам македонската заедница во Албанија во овој важен политички процес“, напиша тој.
Оценува дека на Македонците во Албанија им недостига претставнички мандат во Собранието на Република Албанија, дека “долги години изборните закони беа дискриминаторски кон националните малцинствата, оневозможувајќи ни да имаме свој глас во законодавната власт“.
„Во претходниот мандат, како пратеник, предложив законски измени за гарантирани квоти за националните малцинства. За жал, големите партии сè уште немаат политичка волја и слух да ги прифатат овие промени, иако декларативно зборуваат за албанското општество како мултиетничко, мултикултурно и мултиконфесионално. Сепак, како Македонци во Албанија, не се откажуваме од таа амбиција. Продолжуваме да ги користиме сите можности за учество на изборите, да осигураме – македонскиот глас повторно да се слуша во Собранието на Република Албанија“, нагласува Стерјовски.
Во мојот претходен мандат, посочува, чесно и посветено работев за Македонците и за сите граѓани на Округот Корча и верувам дека единствениот начин да се избориме за подобри услови за живот, за интеграција на македонската заедница во институциите на системот, е преку активна политичка борба.
„Само преку институциите можеме да издејствуваме промени и да ги подобриме условите за живот и работа. Ја барам вашата поддршка – за повторно од говорницата на Собранието на Република Албанија да ги иницирам сите прашања што нè засегаат како Македонци на целата територија на Република Албанија – во Мала Преспа, Голо Брдо, Гора, Врбник, Тирана, Корча, поголемите градови во Албанија. Поддршка барам од припадниците на сите национални малцинства во округот Корча, да бидам нивниот глас, но и на секој граѓанин кој сака развој и напредок на нашиот регион“, порачува тој.
Ги иформира гласачите дека со новите измени во Изборниот законик, за првпат, ќе може да гласаат директно за неговото име на гласачкото ливче.
„За Преспа, за округот Корча, за Македонците во Албанија! Вашата поддршка е наш заеднички успех! Гласајте за Васил Стерјовски за пратеник, гласајте за вашиот глас во Собранието на Република Албанија“, апелира на крајот од објавата Стерјовски, барајќи го гласот на Македонците во изборната единица Корча.
Стерјовски (43) беше пратеник во претходниот состав на албанскиот парламент. Тој е прв пратеник Македонец кој јавно се декларираше тоа што е – Македонец, а благодарение на негово обраќање за првпат се скушна македонскиот јазик во собраниската сала на Албанија.
На 26 март, во Бугарија пристигна висока делегација од германскиот одбранбен концерн „Рајнметал“, најголемиот производител на воена опрема во Европа. Целта на посетата е разгледување на можностите за соработка и инвестиции во бугарската одбранбена индустрија, во контекст на зголемените безбедносни предизвици во Европа.
Иницијатор на посетата е бугарскиот претседател Румен Радев, кој ги покани германските партнери уште за време на Минхенската безбедносна конференција. Делегацијата оствари средби со највисоките институции во земјата – со членовите на Комисијата за одбрана, премиерот Росен Желјазков, заменик-премиерот Томислав Дончев, како и со министри одговорни за економија и одбрана. Предвидена беше и средба со поранешниот премиер и лидер на ГЕРБ, Бојко Борисов, кој има блиски односи со „Рајнметал“.
Потенцијал за нови производствени капацитети
„Рајнметал“ е компанија со долгогодишно искуство во производство на тенкови, артилерија, муниција и системи за воздушна одбрана. Нивното евентуално присуство во Бугарија би можело да значи отворање на нови производствени капацитети, трансфер на технологија и значајна модернизација на бугарската армија.
Оваа посета доаѓа во клучен момент кога Европа се реорганизира од безбедносен аспект, а членките на НАТО ги зголемуваат инвестициите во одбраната. За Бугарија, соработката со „Рајнметал“ претставува шанса за јакнење на нејзината одбранбена индустрија и позиционирање како значаен фактор во регионот.
Воената парада во Атина по повод националниот празник на Грција прерасна во дипломатски инцидент, откако дел од војниците скандираа слогани навредливи за Турција.
Според сведоци, припадници на грчката армија извикувале „Кипар е грчки“ и „Ф*к Турција“ пред толпата, што вклучувала и малолетни деца. Видеата од парадата брзо се проширија на социјалните мрежи, предизвикувајќи лавина реакции и осуди.
Турската амбасада во Атина, која претходно испрати честитки до Грција за националниот ден, сè уште нема официјално реагирано, но експертите предупредуваат дека овој инцидент може да ги наруши напорите за подобрување на односите меѓу двете земји.
Грчката опозициска партија СИРИЗА веднаш го осуди настанот, барајќи одговорност од властите и оценувајќи ги слоганите како „неприфатливи и историски неточни“. Во нивното соопштение се наведува дека Министерството за одбрана мора да отвори истрага и да ги санкционира одговорните.
Иако парадата традиционално е симбол на национална гордост, оваа година таа отвори ново поглавје на тензии меѓу Атина и Анкара. Останува да се види дали грчките власти ќе преземат мерки или инцидентот ќе остане без последици.
-
Македонија5 days agoИма ли ова крај – нова несреќа во Кочани: Се преврте воено возило полно со припадници на АРМ!
-
Македонија3 days ago„А мене со вас ме нема“: Ќе се наежите од снимката на која е Панчо
-
Македонија6 days agoПолицијата почна да одзема возила
-
Црна Хроника6 days agoПрестрелка во Скопје, едно лице застрелано – имало и бркотница низ градот
-
Црна Хроника6 days agoТетовец мислел ќе се сретне со жена со која се допишувал, но го начекале две лица и го нападнале
-
Црна Хроника23 hours agoЌерката на газдата на ,,Дискотеката на смртта” ја подигнала лажната лиценца, уапсена е и сопругата
-
Црна Хроника4 days agoПоследната заедничка објава на Андреј и Панчо ќе ви ги НАСОЛЗИ ОЧИТЕ – еве каков човек изгубивме!
-
Македонија5 days agoСопственикот на фирмата која раководела со „Пулс“ во Кочани однесен за Литванија