Попладнево во Тетово се случила сообраќајна несреќа.

Засега нема информации за повредени лица, а на терен е полиција која врши увид.

Извор: 24info.mk

Тетово, градот кој моментално има двајца муфтии. И двајцата веруваат дека се во право. И двајцата сметаат дек ја имаат поддршка од мнозинството верници. Станува збор за Ќани Несими и Селвер Џемаили. И двајцата меѓусебно се обвинуваат за непочитување на статутот, злоупотреби, но и за политичка поддршка. Ќани Несими се уште останува во канцелариите на тетовското муфтиство. Тој го обвинува некогашниот пријател, Селвер Џемаили, за предавство и дека бил избран од ИВЗ без поддршка од муфтиството.

Од друга страна, Џемаили вели дека Несими е разрешен, но на сила ги држи канцелариите и го задолжува муфтиството.

„Не предаде поглаварот Шаќир Фетаху, не предаде хафизот Селвер Џемаили, кој е насилен муфтија во Тетово. ИВЗ уште не успеа да се врати во нејзината уставност бидејќи направи антизаконксо разрешување од Рисајетот кој нема право и тоа е направено без аргументи без дисциплинска комисија и потоа ангажирале вршител на должност, што е анти уставно“, вели Ќани Несими.

„Ситуацијата е ваква, професор на Тетовскиот Универзитет  продолжува да биде во канцелариите на Муфтиството во Тетово, создавајќи големи пречки, ставајќи го муфтијата во огромни долгови, предизвикувајќи незадоволство кај имамите, џамиите, џелатот“, вели Селвер Џемаили.

Како да не се доволни ривалствата внатре во Исламската верска заедница, обвинуваат и за вмешаност на политиката во ова прашање, при што спорот е доведен до оваа точка!

„Ова предавство не се случи само по одлука на Ријасетот, туку како што многупати кажавме, тоа беше со поддршка на моќници од политиката и барам од сите оние кои носат политичка и локална одговорност, да покажат подготвеност да ја залечат оваа рана и да го спасат муфтијата од подмолно предавство“, вели Ќани Несими.

„Точно е дека различни политички функционери се обидоа да се вмешаат во ова прашање и е факт дека поранешните тетовски полициски структури минатата година дадоа поддршка за да остане таму“, вели Селевер Џемаили

Тоаш кое е решението?

И двајцата предлагаат решенија, се разбира, во нивна полза.

„Ако се повлечат со писмени изјави дека не се во овој процес и Селевер Џемаили се повлече затоа што ја предал Тетово, а Шаќир Фетаху писмено ги повлече незаконските одлуки и оваа работа ја остават на одлучувачкиот орган, џелатот, оџите, јас не сум човек кој ќе влезе во овој процес“, вели Ќани Несими.

„Компромисот е многу едноставен, секој оди на своја работа, професорот оди на Тетовскиот универзитет, јас ја извршувам должноста во која сум поставен, тоа е компромисот“, вели Селевер Џемаили.

Сè додека Несими и Џемаили не најдат решение за тоа кој е муфтија, верниците во Тетово ќе останат поделени, дури до таа точка каде што и џамиите се поделени зависно од тоа кој муфтија го поддржуваат. Очигледно вака ќе ги најде и месецот Рамазан до кој останаа уште три недели.

Извор: tv21

Активни мерки како и соработка со албанската Влада за подобрување на состојбата и зачувување на идентитетот на македонското малцинство во Албанија, најави заменик министерот за надворешни работи и надворешна трговија Зоран Димитровски на денешната средба во Корча организирана од партијата на Македонците во Албанија – Македонска алијанса за европска интеграција (МАЕИ).

Знаете, основа е економската ситуација. Ако нашинците, Македонците во Албанија имаат добра економска ситуација нема да земаат бугарски пасоши и да се иселуваат надвор. Ние мораме да работиме и со албанската Влада, што е многу важно, да инвестира во овој регион. Инфраструктурно, во проекти за вработување, да се градат погони, вели заменик министерот Димитровски.

Љуфтим Спахиу, вршител на должност македонски амбасадор во Албанија, на средбата во Корча порача дека ако, до вчера говоревме дека основните човеков права, треба да важат и за „нашинците“ во другите региони а не само во регионот на Мала Преспа, денес говориме дека нашинците се соочуваат со притисоци и закани од една многу агресивна политика, а тоа е политика за асимилација.

За оваа агресивна политика, Амбасадата во Тирана во минатото, секојдневно известуваше и предлагаше мерки за натамошно делување, со цел спречување на активностите на бугарските емисари. Одржани се средби со албанските институции, од Министерството за Европа и надворешни работи (МЕНР), Институтот за статистика (ИНСТАТ), МВР….и во соработка со МАЕИ и лидерот Васил Стерјовски, се издејствува апсење и притворање на неколку општински службеници во Албанија, рече Спахиу.

Според него преку 400 страници материјали се доставени до македонските институциите, остварени се десетици состаноци со албанските институции, десетици медиумски реакции на МАЕИ, но сето тоа, како што рече, не вродило со посакуваниот резултат.

Апсењето на општинските службеници е без епилог, резултатите на пописот се разочарувачки, а иднината на нашинците е непредвидлива. Како македонско – дипломатско претставништво, во текот на месец февруари, планираме да ги повториме иницијативите за отворање на Генерален конзулат во Корча и заокружување на барањата за државјанства на припадниците на македонското национално малцинство од Албанија, најави Спахиу.

На средбата на која присуствуваа претставници на макеонските парламенатрни партии, како претставник од владеачаката ВМРО-ДПМНЕ во Корча беше пратеничката Лидија Петровска.

Горда сум што од другата страна на границата имаме луѓе што достоинсвтено и гордо се борат за зачувување на сопствениот национален идентитет, за македонскиот јазик, македонската култура и македонската традиција. Ние како држава ќе сториме се за да бидеме нивна поддршка на патот кон зачувување на своето достоинство, вели Петровска.

На средбата во Корча присуствуваше и потпретседателот на СДСМ, Методија Илиевски, кој кажа дека кога партијата беше на власт силно ги поддржуваше Македонците во соседна Албанија, но и сега во опозиција им даваат поддршка, бидејќи грижата за нашинците во дијаспората е основа за негување на македонското културно и историско наследство, јазик и идентитет, истакна Илиевски.

Со поддршка успеавме македонскиот јазик да се воведе на неколку универзитети во Албанија, се обезбедија учебници на македонски јазик и за прв пат успеавме да вратиме 20 украдени икони од македонските цркви. Реагиравме и за пописот во Албанија, кој за жал не ја отсликува соодветно реалната бројка на етнички Македонци во земјата. И како опозиција СДСМ силно ги поддржува и ќе продолжи да работи и да делува во нивни интерес и да се спротивствуваме на какви било обиди за асимилација, рече Илиевски во изјава за медиумите.

Предлог-стратегија за заштита на македонското национално малцинство во Албанија, беше презентирана на денешната средба во Корча, организирана од македонската партија, МАЕИ, со претставници на македонските парламентарни партии, која, како што сe наведува, има за цел да дефинира долгорочни мерки и активности за поддршка на македонското национално малцинство во Албанија преку институционални, дипломатски, културни и економски механизми.

Македонското национално малцинство во Албанија е составен дел од македонскиот народ, со трајни историски, културни и духовни врски со својата матична држава. Зајакнувањето на неговата положба, правата и културниот развој е од стратешко значење за Македонија, со оглед на нејзините обврски како матична држава и согласно меѓународните универзални стандарди за заштита на националните малцинства, рече партискиот лидер Васил Стерјовски, при презентацијата на стратегијата и барањето поддршка за неа.

Дел од барањата содржани во стратегијата се и „формирање на Совет за поддршка на македонското малцинство како тело во рамките на Владата на Македонија кое ќе ги координира активностите за заштита и унапредување на правата на Македонците во Албанија и создавање на Фонд за поддршка на македонските здруженија во Албанија – финансиска поддршка за организации кои работат на зачувување на македонскиот идентитет, култура и јазик.

Се оценува меѓу другото дека оваа предлог-стратегија треба да послужи како основа за изработка на долгорочен план, кој ќе вклучува годишни програми за заштита и унапредување на правата на македонското национално малцинство во Албанија.

Нејзината реализација треба да започне со усвојување на обврзувачка декларација во Собранието на Република Македонија, по можност поддржана од сите политички партии. Доколку не се преземат итни и одлучни мерки, процесот на асимилација на Македонците во Албанија ќе продолжи со истата жестина како досега. Дополнително, бугаризацијата, која во последниот период се засили, ќе добие уште поголем замав, загрозувајќи го идентитетот и опстојувањето на македонската заедница во Албанија, се констатира во стратегијата.

Стратегијата, како што информираат од МАЕИ, на денешната средба во Корча ја поддржале сите претставници на парламентарните политички партии, ВМРО ДПМНЕ, СДСМ, ЗНАМ, Демократски сојуз и Левица. На средбата присуствуваа Лилјана Затуроска и Лидија Петковска од ВМРО ДПМНЕ, Методија Илиевски од СДСМ, Катерина Тодоровска од ЗНАМ, Димитар Апасиев од Левица, Зоран Димитровски и Зоран Петров од Демократскиот сојуз и Љуфтим Спахиу, вршител на должност македонски амбасадор во Албанија.

Од страна на МАЕИ присутни беа претставници од областите на Мала Преспа, Голо Брдо, Гора, Врбник, како и од градовите Корча, Подградец, Елбасан и Тирана.