Инфо +

Кој ќе може да оди во пензија со 64 години?

Кој ќе може да оди во пензија со 64 години? Во владата различни ставови по ова прашање.

Според министерката за труд Шахпаска, задолжителното пензионирање на работниците на 64 години ќе важи за сите вработени во јавниот сектор , не и за оние во приватните фирми.

Работиме на законот за пензионирање со возраст со 64 години и 15 години стаж кој ќе ги вклучува сите вработени во јавниот сектор и ќе остава можност во реалниот сектор работникот и работодавецот со заемен интерес да се договорат за продолжување на работниот век, вели министерката за труд Шахпаска.

Пред извесно време пак премиерот Заев посочи дека се носи одлука за задолжително пензионирање со 64 години и ова да важи за сите вработени, освен за дефицитарните кадри кои не може да се надополнат.

Се носи одлука за задолжително пензиопнирање за сите на 64 години, освен за дамите кои можат да изберат да одат во пензија и на 62. Се размислува за одредени кадри да не важи како за дефицитарните, сестри доктори.., рече Зоран Заев.

Во новиот закон ќе се даде можност во пензија да се оди пет години порано од 64 и 62, но работникот ќе треба сам да си го докупи стажот. Ова правило сеуште не се знае за кои дејности ќе важи, не се знае ниту колку ќе треба да платат работниците за докуп, ако сакаат да одат порано во пензија.

Од ССМ сметаат дека не може работници од различни дејности со различна тежина на работата да се пензионираат под исти услови. Тие бараат жените во пензија да може да одат со 35, а мажите со 40 години работен стаж без разлика на нивната возраст.

Меѓународните инситуции ММФ и Светска банка неколку пати советуваа да се зголеми старосната граница за пензионирање.

Според податоците во земјава има 327 илјади пензионери.

Свет

Проруска хакерска група ја презеде одговорноста за нападот врз Француската пошта

Проруската хакерска група „Нонејм057“ (Noname057) ја презеде одговорноста за кибернападот врз Француската пошта, кој пред два дена го парализираше работењето на централните компјутерски системи. Нападот од типот ДДоС (DDoS) доведе до откажување на сите испораки на пакети и писма, како и прекин на онлајн банкарските плаќања.

Групата „Нонејм057“ е обвинета и за други напади во Европа, меѓу кои и нападот врз Самитот на НАТО во Холандија, кој се одржа во јуни оваа година.

Франција и нејзините европски сојузници го поврзуваат ваквото дејствување со т.н. хибридна војна на Русија, насочена кон создавање поделби во западните општества и поткопување на поддршката за Украина.

Свет

Тензии меѓу САД и ЕУ: Одбиени визи за комесари и експерти за интернет безбедност

Европската унија реагираше остро на одлуката на САД да им одбијат визи на поранешниот комесар за дигитални прашања на Европската комисија, Тиери Бретон, како и на неколку активисти и експерти за дезинформации.

Поранешниот комесар Бретон, Клер Мелфорд од Глобалниот индекс на дезинформации (GDI), Имран Ахмед од Центарот за борба против дигиталната омраза (CCDH) и германските активистки Ана-Лена фон Ходенберг и Жозефин Балон се меѓу лицата на кои им е одбиена визата. Стејт департментот образложи дека мерката е преземена поради, како што велат, обиди за влијание врз американските социјални платформи и ограничување на говорот на кој се спротивставуваат.

Претседателката на Европската комисија, Урсула фон дер Лајен, претседателот на Европскиот совет, Антонио Коста, францускиот претседател Емануел Макрон и британската влада ја осудија одлуката, истакнувајќи ја како неприфатлива.

Естонската премиерка Каја Калас на X истакна дека Европа ќе продолжи да ги брани своите вредности, слободата на изразување и правото да го регулира својот дигитален простор.

Свет

Пад на сиромаштијата во Аргентина: од 52,9% на 27,5% за време на администрацијата на Милеј

Под водство на претседателот Хавиер Милеј, стапката на сиромаштија во Аргентина драматично падна на 27,5% во третото тримесечје од 2025 година, односно скоро за половина од врвот од 52,9%.

Министерката за човечки капитал, Санра Петовело, посочува дека ова се должи на смелите либертаријански реформи на Милеј, кои вклучуваат намалување на јавните расходи, дерегулација на економијата и остварување на реални фискални суфицити за првпат во 124 години.

Иако критичарите предупредуваа дека мерките за штедење ќе ја влошат економската положба на граѓаните, податоците покажуваат спротивното. Милеј со својот „пилешки“ пристап кон бирократијата успеа да стабилизира инфлацијата и да стимулира економски раст, демонстрирајќи дека слободниот пазар може да донесе брзи социјални придобивки.

Овој историски успех го означува почетокот на нов економски курс за Аргентина, кој потенцира самодоверба и просперитет.