Претпладнево меѓу серијата земјотреси беа регистрирани и три со јачина од 4,5, 4,3 и 4,1 степени.

Над 200 земјотреси во изминатите 48 часа биле регистрирани во морскиот дел меѓу грчките острови Санторини и Аморгос со максимална магнитуда од 4,5 степени, а по новиот состанок во Министерството за цивилна заштита и климатски кризи на Грција беа донесени превентивни мерки за граѓаните, меѓу кои и одлука училиштата на островите Санторини, Иос, Аморгос и Анафи утре да останат затворени, јави дописничката на МИА од Атина.

Претпладнево меѓу серијата земјотреси беа регистрирани и три со јачина од 4,5, 4,3 и 4,1 степени, грчките сеизмолози смируваат дека земјотресите на Санторини не се поврзани со вулканската активност на островот, додека премиерот на Грција Кирјакос Мицотакис за вечерва закажа состанок за земјотресите.

Поради зголемената сеизмичката активност во морскиот дел меѓу островите Санторини и Аморгос, денеска се одржа нов состанок, втор за помалку од 24 часа на Комисијата за процена на сеизмичката опасност и Комисијата за следење на вулкански активности при Министерството за цивилна заштита и климатски кризи и откако ги разгледале податоците донеле неколку препораки и превентивни мерки.

Поконкретно, како што соопштија од Министерството, членовите на комисиите одлучиле училиштата на четири острови утре да останат затворени, а на граѓаните им препорачуваат да избегнуваат големи собири во затворени простори; да избегнуваат напуштени објекти; да избегнуваат пристап и престој во четирите пристаништа на Санторини; да ги отстранат опасните непотребни предмети на објектите и да ја испразнат водата од базените; да изберат безбедни рути при движењето по градските и локалните патни мрежа, особено на места каде што е веројатно да се појават одрони и итно да се евакуираат крајбрежните области во случај на силен земјотрес.

Дополнително, откако комисиите ги разгледале досегашните податоци едногласно констатирале дека „сеизмичката активност во калдерата е намалена“, дека „сеизмичката серија и понатаму е зголемена во последните 48 часа со над 200 земјотреси во делот меѓу Санторини и Аморгос (земјотреси со максимална магнитуда од 4,5 степени)“, но и дека тековната сеизмичка активност во конкретната област „се должи на подморски раседи со североисточен и југозападен правец и не е поврзана со вулканска активност“.

Од Министерството за цивилна заштита и климатски кризи на Грција, соопштија дека надлежните комисии утре напладне ќе одржат нов состанок.

Паралелно, грчкиот премиер за 19 часот по локално време закажа состанок во Премиерската палата.

Од Основното јавно обвинителство денеска информираат дека специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција ги следи информациите во врска со случувањата во Затворот Скопје.

Како што велат, по добивање на идентитетот на инволвираните лица ќе постапи во рамките на своите надлежности за што јавноста ќе биде навремено информирана.

Ова следува откако во јавноста излегоа фотографии од возачот Васил Јованов, кој на Партизанска ја усмрти 22-годишната Фросина Кулакова, како држи телефон во раката додека е во притвор во затворот „Скопје“.

Директорот на Управата за извршување санкции Александар Пандов вчера порача дека мобилниот телефон веднаш му е одземен, а извршен е претрес во сите ќелии и осомничениот Јованов е преместен во самица.

Ќе следува и истрага и санкции за корумпираните службеници кои што му го дале мобилниот телефон.

Две третини од граѓаните на Македонија (62,6%) сметаат дека не можат да добијат фер судење во земјата, покажува најновата анкета на Детектор. Ова е значителен сигнал за недовербата во правосудниот систем, иако има мало зголемување на оние кои веруваат во фер судење – 23,5% во споредба со 19,3% во 2023 година.

Анкетата покажува дека правдата е селективна, според 73,5% од испитаниците, бројка која останува непроменета во последните две години.

Довербата во институциите – алармантно ниска
• Судството: Само 8,4% од граѓаните целосно му веруваат, а уште 18,4% имаат делумна доверба. Половина од испитаниците (51,6%) изјавиле дека воопшто не му веруваат.
• Обвинителството: Веруваат само 5,8%, а донекаде му веруваат уште 20,5%. Половина од испитаниците (50,5%) воопшто не му веруваат.
• Полицијата има нешто поголема доверба – 19% целосно ѝ веруваат, а 29,8% делумно.

Дополнително, 77,2% од граѓаните сметаат дека правосудството е под надворешни влијанија, а само 10,8% веруваат во неговата независност.

Незадоволство од институциите

Голем број граѓани сметаат дека Судскиот Совет и Советот на јавни обвинители треба да бидат распуштени:
• 57,8% велат дека Судскиот Совет треба целосно да се распушти.
• 54,6% сметаат дека Советот на јавни обвинители треба да се укине.

Методологија на анкетата

Анкетата за Детектор ја спроведе Институтот за политички истражувања – Скопје (ИПИС) телефонски, од 24 до 27 декември 2024 година, на репрезентативен примерок од 1066 испитаници.

Правдата во Македонија – далеку од граѓаните

Овие резултати јасно покажуваат дека македонските граѓани имаат сериозно разочарување од правосудниот систем, што отвора прашања за итни реформи и потребата од враќање на довербата во институциите.