Инфо +

Сметките за струја се повисоки, Бислимоски убеден дека живееме како во Германија

Марко Бислимоски, првиот човек на Регулаторната комисија за енергетика се дрзнува да ја споредува Македонија со Германија каде просечната плата е 3,800 евра или 238,464 денари, а во Македонија се движи околу 25 илјади денари.

„Голфот има иста цена и во Германија и во Македонија, а скоро сите имаме автомобили, а од друга страна цената на електричната енергија во Германија е многу повисока, додека ние после Косово и Србија имаме најниска цена на електричната енергија во Европа“, ова го истакна претседателот на Регулаторната комисија за енергетика Бислимовски на телевизиско гостување пред два дена.

Дел од јавноста иако со потсмев го прифати ова споредување на Бислимоски главно поради фактот што тој не е дилер на автомобили, а цената на автомобилите е засебна област која зависи од опремата која се користи и колку чинат деловите за еден автомобил, многу ќе се сложат дека ваквото тврдење е смешно.

Понатаму, ако ја споредиме цената на струјата со просечната месечна плата, податоци кои беа достапни од Евростат, а ги анализираше Рефлектор, од графиконот може да се види дека Македонија е четврта земја во Европа каде граѓаните плаќаат 19.1% од просечната плата само за сметки за струја, што не лансира на врвот од Европа од земјите кои најмногу прават издатоци за сметки за електрична енергија од својот приход. Па по ова, Бислимовски не е во право кога вели дека Македонија има најефтина струја, затоа што граѓаните издвојуваат скоро 20 проценти од платата само за сметки за струја. Германците плаќаат 11,7% од просечната плата за еден мегаватчас електична енергија, кој во Македонија чини 19,1 отсто од просечната плата.

Дополнително, споредбата со Германија е исто нелогична затоа што според Канцеларијата за федерална статистика на Германија последните податоци говорат дека годишната просечна плата на еден германец е 46,560 евра, а месечната просечна плата е 3,880 евра или 238,464 денари. Додека пак во Македонија според последните податоците на Државниот завод за статистика од јули месец, просечната плата е 442 евра или 27.231 денари.

Со дополнителното зголемување на цената на струјата од 7,4% сега граѓаните за сметка од 6,000 денари за електична енергија ќе плаќаат 400 денари повеќе или на годишно ниво уште една дополнителна 13-та сметка за струја.

На големо негодување од страна на граѓаните, реакциите кон изјавата и споредбата со Германија на Бислимоски, граѓаните беа немилосрдни во коментарите од емијата, во револт и големо незадоволство затоа што после дваесетина протести за цената на струјата само овој месец, одлуката на Регулаторна и Владата останува со последното поскапувањето од 7,4 %.

Свет

Израел ја засилува армијата: 110 милијарди долари за оружје до 2035 година

Израел отвора нова стратешка страница во својата одбранбена политика: во следните десет години ќе инвестира околу 350 милијарди шекели, односно приближно 110 милијарди долари, за да ја зацврсти домашната воена индустрија и да ја намали зависноста од странски партнери.

Планот го објави премиерот Бенјамин Нетанјаху на церемонија за промоција на нова генерација пилоти во израелските воздухопловни сили. Тој порача дека целта е јасна – Израел да може самостојно да ги произведува клучните одбранбени системи, без да се потпира дури ни на „пријателски држави“.

Во таа насока, Нетанјаху ја спомена и Германија, посочувајќи дека Берлин, како и други земји, покажува растечки интерес за израелска воена технологија. Истовремено, потсети дека германската влада привремено го суспендираше извозот на оружје кон Израел поради војната во Газа и високите цивилни жртви – потег што внесе напнатост во билатералните односи.

Слични рестрикции, според него, вовеле и други европски држави, па дури и Соединетите Американски Држави, најблискиот сојузник на Израел – нешто што Нетанјаху јавно го критикуваше како сигнал дека државата мора да се потпре на сопствени капацитети.

И покрај политичките тензии, воената соработка меѓу Израел и Германија продолжува да се продлабочува. Само минатата недела двете земји го финализираа договорот за проширување на напредниот ракетен одбранбен систем „Ароу 3“, наменет за пресретнување балистички ракети и заштита од потенцијални закани, вклучително и од Русија.

Според израелските власти, вкупната вредност на договорот – заедно со основното вооружување – изнесува околу 5,7 милијарди евра, што го прави најголемиот извозен договор за оружје во историјата на Израел.

Балкан

Разорна експлозија пред банка во Солун: Сериозни штети на автомобили и околни објекти

Ноќта во Солун беше прекината од експлозија што ја потресе Евосмос и го вознемири целиот кварт. Звукот се слушнал на повеќе од километар, предизвикувајќи страв и вознемиреност кај жителите, кои излегле на улиците за да видат што се случува.

На среќа никој не е повреден, но последиците врз материјалните добра се сериозни. Најмалку седум автомобили биле уништени, а соседните објекти се оштетени од силата на ударот. Засега, нема информации дека пред експлозијата било упатено предупредување до полицијата или до граѓаните.

На терен веднаш пристигнаа полицајци и експерти за деактивација на експлозиви. Тие работат на утврдување на причината и можните осомничени, додека форензичките анализи се во тек.

Градските власти најавија дека наскоро ќе се објават дополнителни детали, но за сега Солунци остануваат во неизвесност, следејќи го развојот на истрагата.

Балкан

Дел од обвинетите за трагичниот пад на настрешницата во Србија ослободени

Вишиот суд во Нови Сад одлучи да ја запре кривичната постапка против дел од високите функционери и други обвинети, меѓу кои Горан Весиќ, Јелена Танасковиќ и Анита Димоски, како и уште тројца други лица. Според судските образложенија, нема доволно докази кои би го поткрепиле сомнежот за сторените дела против општата безбедност и неправилно изведување градежни работи.

Одлуката значи дека Јелена Танасковиќ, Милан Спремиќ, Марина Гавриловиќ и Дејан Тодоровиќ повеќе не се ограничени со мерката забрана за напуштање на домот и веднаш ќе бидат пуштени на слобода. Сепак, Анита Димоски и Горан Весиќ остануваат во куќен притвор, поради посебно решение на Вишиот суд во Белград.

И покрај ова, судот ја потврди обвинителната постапка против уште седум лица, меѓу кои Небојша Шурлан, Слободан Наумовиќ и Милан Јелкиќ, како и четири жени – Љиљана Милиќ Марковиќ, Јасна Стојилјковиќ Милиќ, Зорица Славковиќ Марјановиќ и Душан Јанковиќ. Судот утврди дека за овие лица постои доволно оправдан сомнеж дека прекршиле прописи, направиле пропусти во изведбата и одржувањето на објектот, како и во надзорот, што е во директна причинско-последична врска со настанатата штета.

Со оваа одлука, предметот останува отворен, но одговорноста сега се фокусира на групата за која судот смета дека постојат конкретни докази за продолжување на кривичната постапка.