Инфо +

“Моето момче сака да го оставам синот од првиот брак, мислам дека тоа ќе го направам“

На социјалните мрежи често пати може да се најдат поставени прашања на разни теми на кои се бараат одговори. Едно шокантно прашање ги „запали” корисниците, а се најде и во „Индипендент”.

Имено, една жена размислува да го остави својот син бидејќи тоа од неа го барал идниот сопруг, а таа се грижи како таквата одлука ќе ја поднесат нејзините болни родители.

-Драга Венди, момчето ме запроси. Јас имам син од првиот брак, а старателството го делам со својот поранешен сопруг. Моето момче исто така има ќерка од првиот брак, но не ја гледа. Веднаш ми рече дека нема да го прифати мојот син и дека треба да го оставам кога ќе се венчаме, ја започнала непознатата жена својата исповед.

Таа додава дека одлучила да го остави детето, но дека има проблеми во врска со тоа.

-Ќе го оставам кога ќе се венчаме, но мојот вереник сака тоа да го направам веднаш. Меѓутоа, не знам како тоа да им го кажам на своите родители кои многу го сакаат својот внук. Двајцата се болни, татко ми има рак, а мајка ми е депресивна. Се плашам дека ваквата одлука може да ја влоши состојбата, се загрижила госпоѓата барајќи советос извесна Венди.

Венди накусо и одговорила.

-Ќе го оставиш синот поради монстум кој не ја гледа сопствената ќерка? Толку ли си очајна за маж, па ќе се согласиш на се? Побарај помош од психолог и психијатар и засрами се, и напишала Венди.

Свет

Хаос на европските аеродроми по воведувањето на новиот Шенген систем

Воведувањето на Шенген системот за влез и излез (EES) на 12 октомври 2025 година предизвика сериозни проблеми на аеродромите во Европа, при што патниците во периоди на зголемена фреквенција чекаат и до три часа за да поминат гранични контроли, соопшти Европскиот оддел на Меѓународниот совет на аеродроми (ACI).

Оттаму велат дека прогресивното снимање на биометриски податоци и регистрација на државјани од трети земји ја зголемуваат обработката на патниците до 70%, а недостигот на киосци и полициски кадар дополнително ја усложнува ситуацијата. Најзасегнати се аеродромите во Франција, Германија, Грција, Исланд, Италија, Португалија и Шпанија.

ACI повикува Европската комисија, eu-LISA, Фронтекс и земјите-членки итно да преземат мерки или да овозможат поголема флексибилност во примена на системот до целосното воведување. Генералниот директор на ACI EUROPE, Оливие Јанковец, предупредува дека доколку проблемите не се решат пред зголемувањето на прагот за регистрација на 35% од 9 јануари, хаосот на аеродромите ќе се продлабочи, со сериозни последици по безбедноста и оперативноста.

Свет

Украински дронови предизвикаа штета на руската нафтена инфраструктура во Таман

Украински беспилотни летала го погодиле руското пристаниште Таман во Црното Море, при што биле оштетени две пристаништа, еден цевковод за снабдување со мазут и два танкера, соопшти регионалната администрација на Краснодарската област. На едниот танкер избувнал пожар кој веќе е изгаснат, а два резервоари за складирање биле оштетени од падот на остатоци од дрон.

Службите за цивилна заштита информираат дека екипажите на погодените бродови се евакуирани, а пожарите се целосно изгаснати. Пристаништето Таман се смета за клучна точка за испорака на нафта и течен природен гас.

Украина зачестено ги напаѓа руските нафтени и енергетски објекти како дел од својата одбрана од руската инвазија.

Балкан

Косово доби моќно оружје

Косово го примило германскиот противтенковски систем „Панцерфауст 3“ како дел од билатералната безбедносна соработка, објавија косовските медиуми. Испораката има за цел зајакнување на одбранбените капацитети на Косовските безбедносни сили (КБС) и нивна постепена модернизација во согласност со стандардите на евроатлантските партнери.

Косовските власти потенцираат дека системот ќе се користи исклучиво за одбранбени цели и професионална обука. „Панцерфауст 3“ е еден од најнапредните противтенковски системи што ги користат неколку европски армии. Договорот со Германија се оценува како дополнителен доказ за поддршката на Берлин за стабилноста и безбедноста во регионот.