Инфо +

Вело: „Во ист ден 4 пати ме престигнуваат две коли со странски регистрации, на кого му пречи науката?“

На кого му пречи науката

Последниве деситена дена бев мета на бројни напади од сите можни оружја. Слични напади односно пласирање на тези за омаловажување и дискредитација кратко беа пуштени во месец мај, во еден период кога дадов некоја анализа или мислење кое на некои структури не им се допаднаа. Ова само ми дава за право да мислам дека влегувањето во ИК на ВМРО ДПМНЕ е само повод а не причина за пукање од сите оружја кон мене. При тоа ниеднаш не се оспоруваат моите ставови околу КОВИД-19 туку се напаѓа мојот изглед, каракер, личен живот, национална и партиска определба. Владеачката партија одржа неколку прес коференции, првата само неколку часа по изборот во ИК. Се вклучија ботови, спинови т.н независни новинари (очигледно многу зависни од пари) аналитичари, лекарска комора…

Нападите се лични иако јас за цело време изнесувам научни и стручни ставови се со цел да помогнам да поминеме со полесни последици од најголемата војна во историјата на човекот. При тоа личните навреди се очекувани, свесен сум и за последиците од бранење на научни ставови во време на глобално лудило (професорот Дидиер Раулт имаше смртни закани во дмеократка земја како Франција). Ме изненади омразата со која сум напаѓан од луѓе на кои можеби баш моите ставови и искуство им помогнало многу.Два моменти сепак отидоа предалеку. Едниот е прес коференциа (или јавно изнесен став) на портпарол на СДС (владеачка партија) во која изнесува многу наводи од една истрага која се води против мене. Изненаден сум како дошле тие податоци до него (или државата тоа сум јас…). За да не влијаам на истрагата јас поминав 4 месеци во притвор, сега таа истрага стана предмет на притисок и јавно споделување. Се надевам дека одделението за организиран криминал при Јаното обвинителство во најскоро време ќе одговри: како предметот стигнал до портпаролот; дозволиливо ли е да се влијае на истрагата, ќе влијае ли јавниот притисок и притисокот од власта во понатамошниот тек на истрагата и врз евентуалното подигнување на обвинение и судски процес; ќе покрене ли обвинение против сите кои јавно изнесуваа податоци од предмет во истрага.Вториот момент е: некои чудни совпаѓања и случувања вразани за мојата лича безбедност и безбедноста на моите најблиски. Не верувам дека во ек на најголемите медиумски напади и дискредитации во ист ден имам 4 пати прстигнување на две коли со странски регистрации на автопатот од Штип до Скопје. Престигнување, видливо тргање на крајна трета лента, па повторно престигнување за неколку километри и истата процедура 4 пати. Случајно истиот ден (пред два дена) насилно со отварање на прозор од тераса со штравигер (професионално) рано навечер да се влезе во мојот дом во кој во момнтот беа моето малолетно дете и мојата сопруга. Можеби е совпагање, но сум научил дека ретко има вакви случајности во животот. Останува полицијата да расчисти дали се работи за случајни настани и средби, обид за кражба или штази методи.

Без разлика на резултатите едно е јасно, некој сака да ме исплаши или има сериозни намери со краен резултат: замолкување на науката. Сакам да кажам дека без разлика дали се работи за случајни настани, обид за разбојништво, кражба, игра на наркомани, некој треба да се погрижи да ги заштити лекарите кои се јавно експонирани за време на оваа пандемија. Мојата безбедност е директно во рацете на министерот за внатрешни работи господинот Оливер Спасовски кој се покажа како човек кој во целост ја држи контролата и работата во МВР. Во услови на светска пандемија, со огромни економски последици, со 15 милјарди долари на ден потрошени пари во здравството во светот од кои најголемиот процент оди во некои фармацевтски компании, мислев дека министерот и/или безбедносните структури во државата по автоматизам ќе се потрудат да го заштитат својот лекар и професор кој има над 73 милиони прегледи на електронските медиуми.Поради загриженост за безбедноста моја но пред се на моите најблиски ќе побарам прием кај министерот Оливер Спасовски за да ме убеди дека изнесувањето во јавност на моите сознанија за КОВИД-19 пандемијата нема да ја загрозат мојата безбедност и безбедноста на моите најблиски. До тогаш ги откажувам сите договрени интервјуа и/или емисии на тема за КОВИД-19 пандемијата.Со почит Проф др Вело Марковски

Балкан

Албанија го враќа TikTok: Рама најави укинување на забраната

Претседателот на албанската влада, Еди Рама, најави дека ќе биде укината забраната за социјалната мрежа TikTok која претходно беше воведена во земјата.

Одлуката за укинување на забраната, според Рама, доаѓа по интензивни консултации и анализа на влијанието на платформата врз граѓаните и дигиталната комуникација.

Рама истакна дека владата ја преиспитува одлуката поради реакции од јавноста и бизнис-заедницата, кои укажале на значајната улога на TikTok како алатка за информирање, образование и промоција на локалните креатори. Тој додаде дека социјалната мрежа игра важна улога во дигиталната економија и комуникациските текови кај младите, што било еден од клучните аргументи во промената на курсот.

Според најавите, укинувањето на забраната ќе овозможи слободен пристап до апликацијата со почитување на законските и безбедносните регулативи, кои ќе бидат дополнително дефинирани во соработка со надлежните институции и технолошки експерти.

Владата, како што посочи Рама, ќе работи на рамка за заштита на приватноста и безбедноста на корисниците, со цел да се овозможи одржливо користење на платформата.
Одлуката доаѓа во време кога многу земји ширум светот ја преиспитуваат регулацијата на социјалните мрежи поради загриженост за безбедноста на податоците и влијанието врз младите.

Рама нагласи дека Албанија ќе продолжи да ги следи најдобрите меѓународни практики и стандарди во уредувањето на дигиталните платформи.
Во однос на времето кога ќе стапи на сила укинувањето на забраната, премиерот најави дека деталите и новите регулативи ќе бидат објавени во наредните недели, откако ќе завршат консултациите со експертските тела и технолошките компании.

Македонија

КОЛАПС НА УНГАРСКО-АВСТРИСКАТА ГРАНИЦА: 33 автобуси со македонски патници вратени назад

На унгарско-австриската граница настанаа големи застои, поради што 33 автобуси полни со патници од Северна Македонија останаа заглавени во долги колони и беа принудени да се вратат назад кон државата, јавуваат очевидци и патници.

Причината за блокадата, според информации од терен, е зголемениот сообраќаен притисок и редици на камиони и други возила на граничниот премин, што предизвика застој во сообраќајот на влезот кон Унгарија.

Патниците што патувале со автобусите се најдоа во тешка ситуација со долг период на чекање, поради што некои компании донеле одлука да се вратат кон Македонија без да го поминат преминот.
Патниците што беа сопрените на границата изразија незадоволство поради долгото чекање и отсуството на информација за тоа колку ќе трае застојот. Според нив, околу ситуацијата владеело големо нередење и недоволна координација, што дополнително ја компликуваше нивната патна рута.

Автобусите што се враќаа кон Македонија ги носеа патници кои патувале за зимски одмор и други сезонски дестинации во Европа, а многумина беа принудени да ги откажат или сменат нивните планови поради неможност да ја продолжат патеката преку Унгарија.

Од надлежните институции за транспорт и граѓани кои патуваат преку границите се очекува дополнителна информација и можни препораки како да се избегнуваат слични ситуации, особено во периоди со интензивен меѓународен сообраќај.
Во меѓувреме, патниците се повикуваат да ги следат објавите на одговорните служби за состојбата на граничните премини и да имаат предвид дека зимските месеци често носат зголемен број на патувања и сообраќајни застои на главните трансферни точки.

Свет

Прекинот на струја во Сан Франциско ги блокираше автономните возила кои застанаа среде улица

Прекинот на електричната енергија во делови од Сан Франциско предизвика неочекуван хаос во сообраќајот, откако сите автономни возила целосно запреа таму каде што се наоѓаа, покажува видео што брзо се прошири на социјалните мрежи.

На снимката се гледа како самоуправувачките автомобили остануваат неподвижни на крстосници и коловози, додека пешаците и другите возачи се обидуваат да се снајдат во услови на зголемена конфузија.

Според објавата, возилата не можеле да продолжат со движење, ниту да реагираат на сообраќајната ситуација, поради губење на врска со инфраструктурата неопходна за нивното функционирање.

Експерти за автономни системи објаснуваат дека ваквите возила, иако имаат сопствени батерии, зависат од надворешна комуникација, мрежи и сообраќајни сигнали, како и од сервери за навигација и контрола. Кога тие системи се недостапни поради прекин на струја или комуникации, безбедносниот протокол налага возилото автоматски да застане.

Настанот повторно ја отвори дебатата за ранливоста на автономниот транспорт, особено во ситуации на инфраструктурни дефекти, природни непогоди или сајбер-инциденти.

Дел од јавноста и аналитичарите поставуваат прашања за подготвеноста на градовите целосно да се потпрат на ваква технологија без резервни сценарија.
Надлежните служби во Сан Франциско засега не објавија детали за времетраењето и причината за прекинот на струјата, но потврдија дека ситуацијата е стабилизирана и дека сообраќајот постепено се нормализирал откако електричната енергија била повторно воспоставена.

Видеото од настанот предизвика илјадници реакции, при што многумина коментираат дека случката е јасен потсетник дека технологијата сè уште не е целосно независна од основната инфраструктура.

Видеото може да го погледнете тука