Инфо +

Гавазова до сите: Музичари, фото студија, фризери, цвеќари… излегувајте на улица

Поддршка за протестот даде и една од најпоуларните македонски турбо фолк пејачки, Сузана Гавазова, која зад себе има голем број хитови и албуми се огласи на социјалните мрежи по повод оваа тема.

Таа на нејзиниот профил на фејсбук и повика граѓаните да учествуваат на хепенингот и со тоа да дадат поддршка на музичарите и сите соработници на целата свадбена индустрија.

Според организаторите, целта на овој протест е да докажат дека постои огромна Сложност помеѓу нив, дека во иднина многу посериозно ќе се борат за нивните права, а воедно и да ги претстават нивните барања пред Владата.

-Ве покануваме на голем масовен протест во име на 20.000 илјади засегнати заборавени граѓани и работници, кои достојно и макотрпно од дома ги следеа случувањата со Ковид вирусот, но за жал и возврат не добија шанса да работат по нормални услови и барања како сите останати гранки во државата – се вели во повикот.

Балкан

Голема акција во Турција – Уапсени над 170 лица

Тој на социјалните мрежи информира дека осомничените се уапсени поради претходни активности во рамките на Исламска држава, како и финансирање на таа организација.

Јерликаја изјави дека операциите за апсење се спроведени во 32 провинции, во координација со државното обвинителство, генералниот директорат на разузнавачката служба и националната разузнавачка агенција, јави Анадолија.

– Продолжуваме со операциите, 365 дена во годината, со цел да обезбедиме мир и стабилност во секој регион на нашата земја, нагласи турскиот министер.

Европа

Западните сили намерно разгоруваат кавга меѓу словенските народи – тврди Лукашенко

Белорускиот претседател Александар Лукашенко обвини дека конфликтот меѓу словенските народи во Украина е резултат на вмешаност на Западот. Во нацрт-обраќањето до народот и парламентот, тој истакна дека „Западот ни наметна меѓусловенски конфликт што се претвори во војна во Украина“.

Лукашенко, кој говореше на 18 декември, подвлече дека Белорусија останува отворена за украинските граѓани: „Вие не сте странци. Ние, Белорусите, изградивме државност со различни народи – прво во семејството на словенските народи, а потоа и со народите на големиот Советски Сојуз. Кој и да ни дојде од поранешните републики на СССР, е пречекан тука како првороден. Нашите врски се повеќе од пријателство“.

Говорот, кој беше значително скратен, денес го објави белоруската новинска агенција Белта, откривајќи делови од изјавата кои претходно не беа достапн

Свет

Рускиот гас под закана: Америка го движи енергетскиот курс на Балканот

Американскиот претседател Доналд Трамп го потпиша новиот закон, кој ја става енергетската независност на Западен Балкан од рускиот гас и нафта во центарот на националниот интерес на САД. Со потпишувањето на Законот за овластување за национална одбрана за фискалната 2026 година, Вашингтон јасно сигнализира дека зависноста од руските енергетски извори веќе не е прифатлива.

Станува збор за Законот за овластување за национална одбрана за фискалната 2026 година, кој директно ја адресира зависноста на земјите од регионот од рускиот гас и нафта – потег кој ќе има директно влијание врз Србија и соседните земји.

Според медиумските извештаи, законот во својата содржина го истакнува следново:

Во точка 16 се нагласува дека „зависноста на земјите од Западен Балкан од руски фосилни горива и природен гас ги врзува нивните економии и политики со Москва, попречувајќи ги нивните амбиции за приклучување кон Европската Унија“.
Точка 17 директно го декларира интересот на САД: „Намалувањето на зависноста од руски извори на енергија на земјите од Западен Балкан е од национален интерес за САД“.
Во точка 18 се предупредува дека „растечкото влијание на Кина во регионот може да има штетно влијание врз стратешката конкуренција, демократијата и економската интеграција на Европа“.

Со овој закон, Вашингтон испраќа јасна порака: енергетската независност на Западен Балкан од Русија и ограничувањето на кинеското влијание се прашања од висока геополитичка важност, кои директно ги засегаат интересите на САД во регионот.