Од компанијата „Саубермахер“ која се грижи за собирање и транспортирање на комуналниот отпад на територијата на Општина Тетово, велат дека во перидов што следи приморани се да започнат со судски, односно со постапки за присилна наплата. Ваквиот чекор додаваат од компанијата, следува по повеќето апели за редовно плаќање на комуналните сметки и опомени за неплатени сметки кои пристигаа изминатиов период до корисниците.

Процесот за присилна наплата треба да започне што поскоро, а во меѓувреме од Саубермахер уште еднаш апелираат корисниците на нивните услуги да го подмират заостанатиот долг, со цел да се избегнат дополнителни трошоци при иницирање на постапка за присилна наплата и присилно извршување.

„За управувањето со отпaдот на целата територија на Oпштина Тетово ангажирани се повеќе работници, во три смени, без разлика на времето и временските услови, се со цел почист град и почиста средина. Редовното плаќање на сметките е дополнителен мотив за работниците кои се грижат за чист град, без отпад и нудење на квалитетни услуги за сите“, информираа од компанијата Саубермахер.

Доколку граѓаните се уште се соочуват со несоодветни податоци во комуналната сметка, веднаш да се обратат до нашата компанија, информираа од Саубермахер.

„Апел до граѓаните ако имаат несоодветни податоци (станбена површина, адреса или останати податоци за корисникот) во доставените фактури веднаш да се обратат, да се регистрират или пак да пријават во нашите канцеларии во Долно Палчиште, во Тетово во привремениот шалтер во просториите на општината, канцеларија во близина на општината како и канцеларија наша – платежен пункт во просториите на ЈКП (зелен пазар) или електронски на е-пошта contact@saubermacher-tetovo.mk. Корисниците со себе треба да донесат документи, односно лична карта и имотен лист за станбениот или деловниот објект. Исто така упатуваме апел до иселениците кои се враќаат во својот роден крај за време на празниците, да се регистрираат, да пријават и да корегираат податоци, а доколку е потребно да пријават и било каква нејаснотија. Потребните документи за регистрација на иселениците за кои комуналната сметка за собирање и транспорт на отпад е намалена за 50%, поради тоа што не се резиденти, и истото се докажува со личен документ за привремена адреса во странство, сметки од струја, како и имотен лист за станбениот или деловниот објект, велат од Саубермахер

За олеснување на процесот на плаќање како и преглед на сите податоци и издадени фактури, корисниците можаат да се регистрират на веб порталот на “www.saubermacher-tetovo.mk“, информираат од Саубермахер.

Македонското министерство за надворешни работи и надворешна трговија на шести декември, годинава, со назнака „Многу Итно“, за случајот испратило известување до Министерството за внатрешшни работи (Биро за јавна безбедност), до Министерството за правда, како и до Нотарската комора.

Mакедонски бизнисмен, кој се бави со градежништво, со незаконски изработен документ и печат на странска амбасада во Скопје, сакал да врши продажба на луксузен имот на Водно, сопственост на дипломатското претставништво, дознава ексклузивно НетПрес.

Имено, според документите до кои дојде НетПрес, извесно лице Александар Ивановски со незаконски изработен документ со потпис и печат на италијанската амбасада во Скопје, на седми август, годинава, наводно добил овластување да продаде плац и објект во скопско Водно, кој всушност е резиденција на италијанскиот амбасадор во Македонија.

Снегот што паѓа во делови од земјите во регионот предизвика сериозни проблеми во сообраќајот во Хрватска, Босна и Херцеговина, a и делови од земјава се под снег.

Патиштата се влажни, а некои патишта се затворени за сообраќај, особено за товарни возила.

Поради бурните ветрови и провејувањето на снегот, густиот сообраќај и метежот на повеќето патишта низ Лика и Горски Котар, Хрватскиот автомобилски клуб ги советува возачите да го одложат патувањето додека не се подобрат условите.

Во поголемиот дел од Хрватска патиштата се влажни или влажни и лизгави, а снегот паѓа на северното хрватско крајбрежје, делови од централна Хрватска, Славонија и далматинската заднина. Повеќето државни патишта низ Лика се затворени за сите групи возила поради снежни наноси и бурен ветер.

Суспендирани се бројни линии на траект, катамаран и брод. Можни се услови за мраз, особено на мостовите и надвозниците во внатрешноста. Возачите се предупредуваат да ја приспособат брзината и стилот на возење на условите на патот и да не излегуваат на патиштата непотребно.

Поради зимски услови и бурни ветрови, во моментов нема слободна траса за камиони со приколки и трактори со полуприколки во правец на Риека/Истра и Далмација и обратно.

Снегот кој почна да паѓа, предизвика проблеми во Бања Лука, каде сообраќајот се одвива отежнато од раните утрински часови. На Западниот транзит се формираа големи линии возила. Патиштата се слабо исчистени, а има голомразица поради што возењето е бавно. Откажана е и наставата во некои делови.

Покрај снегот, проблем е и мразот. Снег паѓа во поголемиот дел од БиХ, што го забавува сообраќајот и го отежнува движењето на возилата на планинските превои.