Инфо +

Келнер, сведок на нападот: Се заклучивме внатре, стравувавме за нашите животи

Преподобен Иларион Велики

Како што розите растат на трнливо стебло така и овој прекрасен светител се роди од родители незнабожци, во селото Тавата близу Газа Палестинска. Родителите го дадоа на науки во Александрија, каде што како надарено момче брзо ја прими и светската ученост и духовната мудрост. Штом Го позна Христа и се крсти, посака целосно да Му се предаде на служба на Господа. Со таа желба во срцето Иларион појде и го посети Св. Антониј во пустината и стана негов ученик. Потоа се врати во својата татковина и се подвизуваше близу Мајум, кај Газа. Демоните го плашеа со разни застрашувања, но со молитва кон Бога и со знакот на крстот постојано ги победуваше и ги изгонуваше. Околу него се собраа мноштво љубители на духовниот живот и за Палестина Св. Иларион стана она што за Египет беше Св. Антониј. Како Божествен учител, нерасслаблив подвижник, прекрасен чудотворец, Иларион беше уважуван не само од христијаните туку и од незнабожците. Но плашејќи се од човечките пофалби и говорејќи си со плач: „Тешко мене, ја примив на земјата својата плата!“, тој бегаше од место во место само за да се скрие од луѓето и да остане сам со својата душа и со Бога. Така се населуваше и извесно време живееше во Мисир, во Сицилија, во Далмација и најпосле на Кипар, каде што го заврши својот земен живот околу 372 година, кога имаше осумдесет години . Неговиот ученик Исихиј чудотворните мошти на Св. Иларион ги пренесе во Палестина и ги положи во манастирот што го основаше тој.

Свети Иларион Мегленски

Роден е од угледни и побожни родители. Неговата бездетна мајка долго Му се молеше на Бога да ? даде едно дете и по нејзините молитви ? се јави Пресвета Богородица и ја утеши со зборовите: „Не тагувај, ќе родиш син и тој многумина ќе обрати кон светлоста на вистината.“ Кога Иларион имаше три години, од неговите усни непрестајно се слушаше песната: „Свјат, Свјат, Свјат Господ Саваот!“ Добро школуван, тој се замонаши во својата осумнаесетта година и основа манастир со типикот на Св. Пахомиј. Трновскиот архиепископ Евстатиј во 1134 година го ракоположи за епископ Мегленски. Св. Иларион речиси сиот живот водеше голема борба против богомилите и против ерменските еретици. Но со својата духовна ученост и со својата светост неспоредливо ги посрами сите и мнозина од нив ги приведе кон Православието. Се упокои мирно во Господ во 1164 година.

Тропар
Откако се јави како чудо на уверувањето, си засветлил со делата на Божјите добродетели; си ги водел монашките заедници, си ги исчистил архиерејските седишта; откако не се поколеба од еретичките напади, си ја воздигнал Црквата Христова, преподобен Иларионе. Откако умре спиејќи, твоето тело остана сочувано цело и нераспадливо, и дава исцеленија на болни од разни болести, и прогонува демони. Поради ова те молиме: Моли се, да се спасат душите наши.

Кондак
Како светлоносен се покажа твојот спомен, архиереју, го растера мракот на очајанието, и блесна светлината на небесните дарови, сите на радост повикувајќи ги, зашто си примил благодат од Бога, Иларионе, и си бил скала на монасите.

Преподобен Филотеј

Роден е во Хрисопол во Македонија. Турците го грабнаа од мајка му којашто беше вдовица и заедно со уште еден негов брат ги фрлија во затвор. Од затворот чудесно ги спаси Пресвета Богородица и ги пренесе во еден манастир во Неаполис Малоазиски. Подоцна неговата мајка ги најде своите синови како монаси, па и самата се замонаши. Филотеј премина на Света Гора, каде што се подвизуваше најпрво во манастирот Дионисијат, а потоа во пустина. Беше чудесен подвижник и победник над демонската сила. Се упокои мирно во осумдесет и четвртата година од својот живот. Нареди да не го погребуваат, но да го фрлат неговото тело на шумските ѕверови и птици. Подоцна ноќе еден рибар виде некоја голема светлина во шумата и бидејќи беше премрзнат појде за да се огрее, зашто мислеше дека е оган. Но светлината доаѓаше од чудотворните мошти на Св. Филотеј.

Балкан

Масовни дојави за бомби во училишта низ БиХ, учениците евакуирани

Утрово повеќе основни и средни училишта во Тузланскиот кантон во Босна и Херцеговина добија дојави за бомби, што доведе до прекин на наставата и итна евакуација на учениците и персоналот. Полициските екипи се на терен и преземаат мерки за проверка на заканите. Според неофицијални информации, пријавите главно биле испраќани преку електронски адреси.

Владата на Тузланскиот кантон и Министерството за образование и наука соопштија дека сите активности се спроведуваат во согласност со законските и безбедносните протоколи. „Училишните администрации и наставниот кадар дејствуваат одговорно, а безбедноста на учениците, наставниците и другите вработени е апсолутен приоритет“, велат од Владата. Учениците беа безбедно евакуирани и испратени во своите домови.

Покрај Тузла, дојави за бомби беа пријавени и во училишта во Република Српска, вклучувајќи градови како Бања Лука, Приједор, Прњавор, Лакташи, Требиње и Добој. Полицијата веднаш започна контрасаботажен преглед и обезбедување на објектите.

Балкан

Дебата во албанскиот парламент прерасна во тепачка

Денешната пленарна седница на Албанското собрание почна со вистински хаос уште пред официјалното отворање. Пратениците од опозицијата се судрија со обезбедувањето, а во салата беа употребени пиротехнички средства, известува „Албанска пошта“.

Обезбедувањето се обиде да го воспостави редот, отстранувајќи ги пратениците од Демократската партија од местата резервирани за министри, но ситуацијата постојано ескалираше. Во еден момент, пратеникот Клевис Балиу се обиде да се искачи на масата за да дојде до министерското седиште, но беше сопрен од обезбедувачите. Газмент Барди, шеф на пратеничката група на Демократската партија, им нареди на обезбедувачите да не ги допираат пратениците, додека лидерот на демократите, Сали Бериша, предупреди дека ќе има сериозни последици ако било кој пратеник биде нападнат.

Напнатоста достигна врв кога пратеникот Бељинд Кељиќи запали факел во просторијата на владиниот кабинет, а претседателот на Собранието, Нико Пељеши, ги исклучи од седницата Клевис Балиу и Фламур Ноку. И покрај хаосот, Ендри Шабани успеа да положи заклетва како Заштитник на граѓаните, додека Балиу го прекинуваше со извици барајќи го да ја напушти салата. По положувањето, Шабани, под аплауз од мнозинството, им испрати бакнеж на опозициските пратеници, што дополнително ја зголеми тензијата.

На барање на Таулант Баља, шеф на пратеничката група на Социјалистичката партија, седницата продолжи со гласање член по член на предлог-законите. Надвор од зградата, напротив, хаосот се пресели и на улица – беа запалени оптички влакна за телевизиски пренос, а причината за пожарот сè уште не е позната.

Се чини дека денешниот ден ќе остане запаметен како еден од најбурните во современата историја на Албанското собрание.

Балкан

Попладнево границите во блокада: На Евзони и Ники нови протести

Грчките земјоделци повторно го блокираат граничниот сообраќај со нашата земја. Попладнево, премините Евзони и Ники ќе бидат затворени – првиот за сите возила, вториот само за товарни, како што веќе неколку дена е пракса. Во очекување на попладневниот состанок на земјоделците од цела Грција, каде ќе се одлучува за следните чекори, блокадите продолжуваат да создаваат хаос на граничните премини.

На Евзони, каде веќе 18 дена се паркирани над 300 трактори, сообраќајот ќе биде во прекин од 18 до 22 часот по локално време. На Ники (Меџитлија), товарните возила нема да можат да влезат или излезат од Грција од 19 до 23 часот. Слични блокади има и на премините Промахонас и Ексохи кон Бугарија, но само за камиони.

Состанокот на земјоделците од цела Грција е закажан за 14 часот во Серес, каде ќе се решава дали да ја прифатат поканата на Владата за дијалог или да продолжат со блокадите и за време на Божиќ.

Меѓутоа, протестите не се ограничуваат само на границата. Над 60 блокади се активни низ целата земја, а најголемиот застој е во централна Грција, кај Никеа, во близина на Лариса, на автопатот Солун – Атина, каде сообраќајот се пренасочува по споредни патишта.

Блокадите на Евзони започнаа на 1 декември, кога земјоделците од регионот на Пеонија и Јаница пристигнаа со околу 300 трактори, кои и денес остануваат паркирани на грчката страна.

По состанокот во саботата, земјоделците одлучија да не се сретнат со грчкиот премиер, туку испратија јавно писмо со своите барања. Меѓу нив се:

итна исплата на сите долгови што државата им ги должи;
гарантирани минимални цени кои покриваат трошоци за производство;
намалување на трошоците за производство и надомест на изгубениот приход за 2025 година;
запирање на масовниот увоз и лажно прикажување на странски производи како домашни;
итно двојно зголемување на земјоделските пензии;
решавање на скандалот со ОПЕКЕПЕ и враќање на украдените европски субвенции.

Министерот за земјоделство на Грција, Костас Циарас, ги повика земјоделците на дијалог и ја остави отворена можноста за нови мерки за поддршка, но засега протестите продолжуваат да ја парализираат земјата.