Инфо +

Продавачка во маркет: „Чекам што побрзо да заврши смената“

...Работам во маркет. Пред новонастанатава ситуација со коронавирусот не беше вака напнато,стресно и под притисок. Работниот ден не почнува како претходно, кафе пред работа со колешките, шега,смеа….

Тргнуваш од дома на работа, како се да е нормално, а знаеш дека не е. Стигнуваш пред работа и самата глетка е драматична: гужва и редици пред маркетот, нервозни купувачи. Влегуваш, ги поздравуваш колешките набрзина климајќи со главата и брзаш да се подготвиш за работа. Облекуваш униформа , ставаш маска и ракавици и стартуваш. Чуството е ужасно. Демек заштитни мерки, а знаеш дека заштита немаш – најголем дел од купувачите се собираат пред каса, не почитуваат растојание од еден метар, со сите си лице в лице…

Седнуваш на каса, дезинфецираш со алкохол и почнуваш со „добар ден“ и „повелете“, се обидуваш да се насмееш. Пред себе имаш цела редица купувачи со полни колички, но ти продолжуваш со работа. Пред каса слушаш и гледаш луѓе млади, постари, некои ноншалантни, други загрижени, по некој редовен муштерија ќе ме праша како сум… Напнатоста и турканиците се константни. Има и кавги, и нив ги слушам. Но, мојата работа е да го услужам купувачот, и јас си сите сили се обидувам да си ја вршам работата. Со едниот крај на окото ги гледаш колегите како носат кутии, ги полнат празните рафтови. Додека да се свртиш следниот пат, рафтовите веќе се полупразни. Од почетокот на кризата, побарувачката на храна е огромна, неколкупати повеќе од тоа на што бевме навикнати. Едвај постигнуваме и да наредиме и да наплатиме.

И така е од почетокот до крајот на работното време. Искрено, чекаш што побрзо да заврши. Да заврши работното време, а и целата оваа ситуација. Да се врати спокојството во мојот маркет.

А што да кажам јас? И јас имам семејство, а сепак си ја работам работата знаејќи дека и себе и семејството го изложувам на ризик. Но тоа е,купувачот секогаш има предност!

(Писмо од вработена во маркет)

Свет

Силен земјотрес од 7,6 степени ја погоди северна Јапонија — издадени цунами-предупредувања

На 8 декември 2025 година, силен земјотрес со магнитуда 7,6 го погоди североисточниот дел од Јапонија, во близина на префектурата Аомори.

Потресот се случил околу 23:15 по локално време, на длабочина од околу 53 километри, а како резултат беше издадено тсунами-предупредување за приморските региони, вклучувајќи ги префектурите Аомори, Ивате и Хокаидо.

Иако информациите сѐ уште се прибираат, локалните медиуми јавуваат за евакуации на жителите од крајбрежните подрачја, привремено прекинати железнички и дел од инфраструктурните услуги, како и прекини во снабдувањето со електрична енергија во некои области.

Земјотресот предизвика сериозно тресење — според првичните оценки, интензитетот на потресот одговара на „upper-6“ на јапонската скала за земјотреси, што значи дека може да предизвика свртување на мебел и оштетувања на градби.

Актуелниот порој на природни катастрофи доаѓа во момент кога Јапонија е веќе на листата на земји со висока сеизмичка активност, поради што властите апелираат на граѓаните да ги почитуваат упатствата за евакуација и да се подготват на можни појави на афтершокови.

Ќе ги следиме официјалните информации и ќе известиме за развојот на настаните.

Балкан

Албанија ја издаде првата предварителна лиценца за дигитална банка – „JET Bank“ ќе ја отвори новата ера на онлајн банкарството

Надзорниот одбор на Централната банка на Албанија донесе одлука да ѝ додели прелиминарно одобрение за лиценцирање на „JET Bank“ (Фаза I), со што официјално се отвора патот за стартување на банкарски и финансиски услуги во целост управувани по дигитален модел. Албанските медиуми пренесуваат дека ова е прва ваква дозвола издадена во земјата.

„JET Bank“ има амбиција да стане прва банка во Албанија што ќе работи исклучиво преку дигитална платформа, комбинирајќи напредни технолошки решенија со едноставни, сигурни и клиентски ориентирани услуги.

Нивната мисија е да воведат современ пристап во банкарството, насочен кон брзи трансакции, висока безбедност и максимална достапност за корисниците – без потреба од физички филијали.

Со оваа одлука, Албанија прави значаен чекор кон модернизација на финансискиот сектор и позиционирање во регионалниот тренд на дигитализација на банкарските услуги.

Свет

Володимир Зеленски: Договорот за мир е далеку – прашањата околу Донбас сѐ уште се неразрешени

Претседателот на Украина, Володимир Зеленски, предупреди дека актуелниот мировен план останува далеку од реална разрешница, откако се покажува дека споровите околу контролата на регионот Донбас сѐ уште не се локализирани. Според неговите зборови, без решавање на овие клучни прашања, нема услови за доверба и траен мир.

„Во овој момент, не може да зборуваме за договор – нема точна согласност за Донбас, и тоа е најтешкиот дел од мировниот предлог“, порача Зеленски.

Зеленски нагласи дека Украина останува отворена за мир, но мора притоа да бидат обезбедени безбедносни гаранции и јасни граници на договорите – вклучувајќи ја и територијалната целовитост на земјата.

Во меѓувреме, дипломатските интензивни преговори меѓу Киев, Вашингтон и партнери од Европа продолжуваат, со надеж дека ќе се најде заеднички основ за преговори, но од Украина велат дека сѐ уште нема доволно консензус за да се приклучи мировниот договор.