Првиот заменик премиер, Изет Меџити, гостувајќи во “КохаКаст” зборуваше за корупцијата и одговори на прашањата дали се клеветат Албанците додека за корупција се обвинуваат албанските политичари. Според Меџити, црната листа не ја прават Македонците, туку таму има и Албанци и Македонци, бидејќи корупцијата нема етнички граници.

„Американската црна листа не ја прават Македонците, таму има луѓе од сите етнички заедници. Затоа, не може да се каже дека борбата против корупцијата е насочена исклучиво против Албанците. Ние не постапуваме како властите во минатото, кои со камери апсеа Албанци. Ако ги погледнеме случаите кои се отворени за корупција, 70% од нив се поврзани со Македонци“, изјави заменик премиерот Изет Меџити.

Тој понатаму додаде дека кога Груевски и Мијалков беа обвинети за корупција, тоа не ги оцрни сите Македонци, туку само нив и нивниот круг.

„Никола Груевски и Сашо Мијалков беа на црната листа, но тоа не значеше дека сите Македонци се корумпирани. Критики беа насочени кон тоа раководство на ВМРО, тие минаа два мандата во опозиција и се реформираа, а денес се на власт. Сега не можеме да кажеме дека во Државната лотарија виновни се други, таму се Артан и Перпарим. Во енергетиката беше отворен случај и против Ковачевски, но тој не избега за да стане атракција. Таму има и луѓе од СДСМ“, заврши заменик премиерот Меџити.

Продуктивен ден во Будимпешта

Денес во Будимпешта се сретнав со Балаш Орбан, политичкиот директор на шефот на Владата на Унгарија како и со министерот за национална економија Мартон Наѓ.

Економскиот развој и евроинтеграциите остануваат врвни приоритети за Владата, пишува Николоски во својата објава.

Во наредните недели ќе бидам дел од реномираниот тим на експерти во Универзитетската болница Коч, Истанбул, еден од најнапредните центри за лапароскопска и роботска абдоминална хирургија, соопшти Бујар Османи, поранешен министер за надворешни работи, кој сега работи на Клиниката задигестивна хирургија.

„Привилегија е да се биде дел од една од највисоките светски експертизи и да се донесе ова искуство на Универзитетската клиника за дигестивна хирургија во Скопје, за дополнително да се подигне нивото на лекување и иновативност!“, напиша тој.