Основното јавно обвинителство (ОЈО) Битола работи на шест предистраги за јавни набавки во РЕК „Битола“ односно во „Електрани на Северна Македонија“, открива државниот јавен обвинител Љупчо Коцевски, кој гостува во новото издание на емисијата „360 степени“ на МРТ 1. Коцевски го прашуваме дали ОЈО Битола има капацитет да ги сработи овие предмети. Разговараме и за тоа дали во атмосфера на големи очекувања од борбата против корупцијата, колку го чувствува за товар тоа што беше избран од мнозинството на СДСМ и ДУИ и дали страв од евентуално разрешување ги диктира неговите актуелни постапки. Што треба да заклучиме по задолжителното упатство со кое побара од сите јавни обвинители да ги приоретизираат предметите од областа на корупцијата – дека притисокот од премиерот дава резултат или дека Коцевски признава оти обвинителството не работело? Разговараме и за случајот „Државна лотарија“ и недостапноста (бегството) на Артан Груби, за истрагата „Адитив“, а Коцевски одговара и на прашањето – дали и колку други предистраги има за Електрани и РЕК „Битола“. Тема се и (не)веродостојноста на ТОЕФЛ-сертификатот на директорот на АНБ, Бојан Христовски, наводите на премиерот дека биле следени тој и неговото семејство, како и предистрагата за фирмите на Ристо Крмзов од Струмица.

Целото интервју може да го погледнете тука https://youtu.be/XCgJ25oG-aQ?si=cuAQ6t6y4OlaUWAm

Вработените на „Комуналец“  ги чистат тротоарите низ градот. Фото „Комуналец“ Битола

Со куса објава на Фејбук, со текст „единствениот Новак Ѓоковиќ“ и со видеа од мечот на Новак Ѓоковиќ, поранешниот директор на Фондот за здравство, Ден Дончев, потсети дека е жив, здрав и во добро расположение.

Ден Дончев исчезна од Македонија некаде кон крајот на јуни 2020 година. Пред тоа, на 5 мај, тој поднесе неотповиклива оставка од својата функција, наводно од здравствени и семејни причини. Владата на Зоран Заев експресно ја прифати оставката.

Како што е познато, во текот на раководењето со Фондот за здравство, Плусинфо ја отвори аферата „Рекет 2“, обвинувајќи ги него и тогашниот министер за здравство Венко Филипче за обид да ја попречат продажбата на компанијата „Диамед“ на скопјанката Вера Иванова на странскиот инвеститор „Диаверум“ од Шведска, со што сториле кривично дело злоупотреба на службена положба и овластување според член 353 од Кривичниот законик.

Дончев се обиде да го демантира ова и најави дека зделката меѓу сопственичката на „Диамед“ и шведската компанија „Диаверум“ е под истрага. Во меѓувреме, беа објавени наводи дека Ден Дончев ја рекетирал сопственичката Иванова, а на профилот „Лепливи прсти“ на Јутјуб се објави видео снимка од која се гледа како Дончев става купче пари во торба.

https://youtu.be/2B9Hzo4iNW0?si=OXJwHvH_dBUUrJ_5