Инфо +

Д-р Коњановски убеден: Време е за нови мерки – можеби и полициски час

Д-р Тони Коњановски, епидемиолог од Центарот за јавно здравје во Битола, вечерва на својот Фејсбук профил соопшти дека е позитивен на Ковид 19.

„Во деновиве на премрежија кога сега како Ковид 19 позитивен, ја споделувам судбината на многумина мои сограѓани и пријатели со кои болеста не поврзува, пред се би сакал да се заблагодарам на поддршката на пријателите и останатите кои ме познаваат зошто нели со пријателите и доброто и злото полесно поминуваат. Сега кога сум на “оваа страна од барикадите” жалам што како и многумина мои колеги, понесени од одговорноста да помогнеме и да ги заштитиме другите, не успеавме самите “да се довардиме”, но тоа е ризикот на оваа професија, за која воопшто не жалам. Им се извинувам на сите на кои не можевме да им помогнеме или бев недостапен да ме контактираат, но верувајте и покрај сите напори не можев на сите да ви одговорам.
Во моменти кога Македонија ги руши сите црни рекорди и статистики, кога во Битола во континуите веќе четврта недела по ред бројот на Ковид 19 позитивни надминува 300, а од недела во недела се зголемува и бројот на починати како последица на Ковид 19 инфекција, кога се поголем број на мои колеги се позитивни и во изолација и кога здравствениот систем до максимум ги има исцрпено сите капацитети, здравствените авторитети треба конечно во свои раце да ги земат работите. Време е за храбри одлуки (иако лично сметам дека како и досега касниме две-три недели), за одговорност, време да се земе палката од рацете на луѓе на кои главата им служи за кршење на ќерамиди и да донесат непопуларни, но храбри одлуки. Не треба човек да биде премногу паметен, нити кој знае каков експерт, само треба да ги согледа параметрите, епидемиолошките показатели и статистиката.
Во многу поорганизирани земји од опкружувањето, вакви и порестриктивни мерки веќе неколку недели се во важност. Да се биде одговорен пред нацијата а здравјето на граѓаните да биде Прв приоритет без разлика на последиците по себе, е императив на секоја државн политикаите и најбитно во моментов.

1. Преминување на on line наставата во основните, средни училишта и факултетите. (разгледување на можност за продолжен зимски распуст).
2. Затворање и прекин на работата на сите кафетерии, кафичи, кафеани, ресторани и сл. (Освен оние кои можат да организираат шалтерска услуга или достава на храна), во траење од најмалку три недели.
3. Времен прекин на работа на кладилници, спортски обложувалници и казина.
4. Организиран и регулиран влез во маркети и продавници (определен број на посетители согласно просторниот капацитет на објектот. Позитивно искуство од времето на карантинот).
5. Итен прекин на маркетинг камањите од типот “Black Friday”, кои ако продолжат со ова темпо за десетина денови ќе испорачаат навистина “Црн резултат”.
6. Како последна мерка во низот доколку предходните немаат ефект “Викенд карантини” ( Петок 17.00- понеделник 05.00) во текот на месец Декември.
П.с. Овие мерки секако подразбираат и економска поткрепа на сите кои ќе ја изгубат работата и ќе останат дома.
На крај за сите добронамерни, за сите желни за Љубов, за сите кои заборавивме и им фали насмевка, гушкање и убав збор, за сите болни и немоќни…за сите убави луѓе кои месеци живеат под маски, ведра песна и убав збор од наше дете, Македонче, Битолчанче…Уживајте“ напиша д-р Коњановски.

Свет

Неочекуван пресврт во здравствената состојба на херојот од Сиднеј: Загубил многу крв, може да ја загуби раката

Ахмед ал Ахмед, минувачот кој вчера херојски успеа да го совлада и разоружа еден од напаѓачите во Бонди, изјави дека, и покрај тешките повреди и силната болка, повторно би го направил истото. Неговиот адвокат за миграции, Сем Иса, потврди дека Ахмед не жали за својот херојски чин, иако неговата здравствена состојба се влошила.

Ахмед е хоспитализиран во болницата „Сент Џорџ“ во Когара, каде се опоравува по првата операција. Тој има пет прострелни рани на левата рака, а еден куршум сè уште е заглавен во пределот на левата лопатка. Лекарите се загрижени поради сериозната загуба на крв и постои ризик дека би можел да ја изгуби раката.

Адвокатот истакна дека Ахмед е скромен човек кој не бара медиумско внимание и постапил од чувство на човечка и морална должност. По добивањето на австралиско државјанство во 2022 година, тој се чувствувал обврзан да ѝ помогне на заедницата која го прифатила.

Неговите родители велат дека, и покрај повредите, Ахмед е добро расположено. Мајката призна дека плачела од гордост кога дознала дека синот спасил животи, а таткото додаде дека Ахмед му се заблагодарил на Бога што им помогнал на невини луѓе.

Австралискиот премиер Ентони Албаниз и премиерот на Нов Јужен Велс, Крис Минс, го пофалија херојството на Ахмед, а поддршка упати и американскиот претседател Доналд Трамп. Во знак на солидарност, преку GoFundMe кампања се собраа над половина милион долари за неговото лекување и опоравување.

Ахмед ал Ахмед (44), сириско потекло, живее во Австралија од 2006 година, е сопственик на мал бизнис и татко на две мали ќерки. Неговото семејство и блиските велат дека без двоумење би го жртвувал сопствениот живот за да ги спаси другите.

Извор: newz24live.com

Европа

Патот кон ЕУ се скратува, Украина поблиску до членство од кога било

Во обид да ги ескивира повеќекратните вета на Будимпешта, Европската комисија повлече потег без преседан, префрлајќи го пристапниот процес на Украина на „технички колосек“. Додека официјалните преговори се заложник на политичките игри на Виктор Орбан, Киев доби зелено светло за суштински реформи и усогласување со европското законодавство, особено во клучниот сектор – судството.

Оваа стратегија на „тивка интеграција“ доби силен ветер во грбот по неформалниот состанок во Лавов. Новата еврокомесарка за проширување, Марта Кос, не го криеше оптимизмот, откривајќи дека добила „директна наредба“ од земјите членки да го притисне педалот за гас. „Среќна сум и охрабрена што се движиме побрзо од предвиденото“, порача Кос, сигнализирајќи дека бирократските бариери нема да бидат пречка за украинските евроамбиции.

Брисел не чека. Европската комисија најде начин да го заобиколи унгарското вето, лансирајќи нов, забрзан модел за техничко напредување на Украина кон полноправно членство. Наместо да губи време во политички лавиринти, Киев под будно око на европските експерти започнува со длабоко „скенирање“ и имплементација на ЕУ-стандардите.

„Имаме јасни упатства — забрзуваме максимално.“, изјави еврокомесарката Марта Кос по историскиот состанок во Лавов. Таа потврди дека министрите за европски прашања дале „одврзани раце“ за Украина да напредува на техничко ниво, оставајќи ја политиката на блокади во втор план. Ова е јасен сигнал дека патот на Украина кон Унијата веќе не зависи само од едно кренато расе во Брисел.

Европската комисија го трансформираше процесот на проширување во техничка офанзива. Додека Унгарија ја држи затворена главната капија, Украина влегува низ „техничкиот влез“, работејќи директно со Брисел на клучните реформи.

Комесарката Марта Кос од Лавов испрати порака на единство: „Добив јасни инструкции за брза трака“. Со овој потег, ЕУ покажува дека техничкиот напредок може да биде посилен од политичкиот заложник, ставајќи го фокусот на независното судство и европските закони како приоритет кој не трпи одложување.

Целата вест можете да ја прочитате на: ЕУ го забрзува патот на Украина кон членство – DW – 15.12.2025

Свет

Судски дуел помеѓу Трамп и Би-би-си

Доналд Трамп тргна во силен правен противнапад против британскиот медиумски гигант Би-Би-Си (BBC), поднесувајќи тужба „тешка“ неверојатни 5 милијарди долари. Поранешниот и иден американски претседател тврди дека реномираната емисија „Панорама“ извршила брутална медиумска манипулација со неговиот говор од 6 јануари 2021 година, свесно искривувајќи ја вистината пред очите на светската јавност.

Во тужбата поднесена пред судот во Флорида, правниот тим на Трамп го обвинува британскиот јавен сервис за клевета и грубо кршење на законите за трговски практики. Срцето на спорот е контроверзниот документарец емитуван непосредно пред изборите во САД во 2024 година. Според адвокатите, Би-Би-Си извршиле „намерно, злонамерно и измамничко манипулирање“ со зборовите на Трамп, лепејќи две посебни изјави изречени во временски интервал од 50 минути за да создадат привид на директен повик за насилство.

„Морав да го направам ова. Тие измамија. Ги сменија зборовите што излегоа од мојата уста“, изјави решително Трамп пред новинарите.

Иако Би-Би-Си призна дека монтажата создала „лажен впечаток“, тие упорно одбиваат да исплатат отштета, тврдејќи дека нема правна основа за клевета. Сепак, скандалот веќе предизвика вистински институционален земјотрес во Велика Британија. По протекувањето на интерна белешка во која се критикува новинарската етика на прилогот, оставки поднесоа најмоќните луѓе во куќата: генералниот директор Тим Дејви и директорката на информативната програма Дебора Тернес.

Правната одбрана на Би-Би-Си се потпира на аргументот дека документарецот бил наменет исклучиво за британскиот пазар и дека Трамп не претрпел штета, со оглед на неговата победа на изборите. Сепак, тужбата на Трамп нуди поинаква перспектива.

Трамп тврди дека постоеле лиценци за глобално прикажување. Се нагласува дека жителите на Флорида масовно го гледале спорниот материјал преку VPN мрежи и платформата BritBox. Тужбата инсистира дека угледот на Трамп бил цел на напад токму во неговата база, Флорида.

Останува да се види дали американскиот суд ќе го прифати овој случај кој ветува дека ќе стане еден од најскапите и најзначајните судски процеси во историјата на односите меѓу политиката и медиумите.