На новогодишната ноќ со акутно труење од алкохол на Клиниката за токсикологија во Скопје биле примени 18 пациенти, а најмладиот има 14 години, додека 13-годишно дете се здобило со тешки повреди на раката од петарда и ќе има траен инвалидитет.

Генералната оценка на здравствените институции во Скопје е дека ноќта поминала прилично мирно со помал обем на работа.  

– На Универзитетската клиника за токсикологија новогодишната ноќ помина прилично мирно. Прегледани се вкупно 21 пациент од кои 18 како акутни труења со алкохол. Од тие 18 четири се женски, а 14 машки. Кај женските најмладата пациентна е 17, а најстарата 26, а кај машките најмладиот е 14, а најстариот 38 гдини. Вообичаено како секоја година имаме помалку пациенти од минатата година, изјави Андон Чибишев, директор на Клиниката за токсикологија во Скопје. 

Еден од  пациентите измешал алкохол и таблети.  Акутното труење е индивидуално и, како што појасни Чибишев, може да се случи и со две чаши алкохол.   

– Труењата со алкохол до 25 години се животозагрозувачи состојби и треба  многу да се внимава, тоа е едниот проблем, а другиот е што има пациенти што тоа го зачинуват со медикаменти што  е уште поопасна состојба која може да предизвика сериозни нарушувања на здравјето. За среќа ниту еден пациент не задржан после примената терапија и сите се пуштени на домашно лекување со совет како да се однесуваат во наредните денови,  изјави Чибишев.

И дежурството на новогодишната ноќ во Универзитетската клиника за хируршки болести „Св. Наум Охридкси“, според директорт Небојша Настов, поминало мирно, со вообичаен број на итни пациенти како во нормалните денови. Вкупно се прегледани 81 пациент, пет како последица на сообраќајни несреќи, тројца се од физички пресметки и извршени се три оперативни интервенции.

 – За среќа во текот на новогодишната ноќ немаше повреди од петарди и огнострелно оружје, тоа беше зачестено во период пред празниците. Во последниот месец имаше 50-ина претежно малолетници на возраст од 12 до 17 години, рече Настов, посочувајќи дека за жал најверојатно се користат се поголеми петарди со поголемо барутно полнење и оставаат трајно оштетување кај децата. 

На ТОАРИЛУЦ, Ургентниот центар, КАРИЛ и Ортопедија, како што информираше доктор Игор Мерџановски, имало помалку работа за 30 проценти од претходните години.

– Направени се 35 прегледи од кои кај 9 лица од сообраќајки со лесни телесни повреди и тие пациенти се пуштени на домашно лекување. Имаме двајца пациенти од физички напад, едниот е задржан на опсервација и во текот на денов ќе биде пуштен дома, како и 13.годишно дете со тешка повреда на раката од петарда, кое веќе е оперирано на Детската клиника за хирургија и најверојатно ќе биде со инвалидитет на раката. Примене и еден странски државјанин  во алкохолизирана состојба со повреда на ноост и главата, згрижен е и пуштен е на домашно лекување, изјави Мерџановски. 

“Првиот ден во Новата година сме овде во Кавадарци. Му честитам на градоначалникот за овој прекрасен објект, оваа ски- стаза.
Ова е исклучително голема можност за кавадарчани, но не само за кавадарчани туку од сите краеви на државата да дојдат да уживаат во овие прекрасни природни убавини, да се рекреираат и навистина би сакал ова да биде еден почеток, а понатаму уште повеќе да се развива и самото место и самиот регион затоа што навистина самата планина и сето ова коешто е околу оваа ски- стаза е нешто што претставува природна реткост“, истакна премиерот Христијан Мицкоски на отворањето на ски центарот „Михајлово“ во близина на Кавадарци.

Сега во февруари ќе биде објавен и новиот повик до општините за да аплицираат со нови проекти кои што ќе бидат финансирани од страна на Владата. Заеднички кога се работи, успехот е тука“, нагласи тој.

Додека повеќето уживаат во празничната магија, вработените во Националниот диспечерски центар не знаат за одмор. И за време на новогодишната ноќ, тие стојат на првата линија, осигурувајќи стабилен и безбеден пренос на електрична енергија за секој дом, компанија и институција.

Во првите часови од Новата Година, нивната посветеност беше наградена со традиционална посета од страна на генералниот директор, проф. д-р Бурим Љатифи, директорот на ОЕПС, Сашко Лакински, и раководителот Ванчо Шахпаски. Тие изразија благодарност за професионалноста и одговорноста што овие храбри диспечери ја покажуваат, справувајќи се со секоја непредвидлива ситуација за никој да не остане без електрична енергија.

„Вашата работа е темелот на нашиот заеднички успех. Продолжете со истата посветеност и одговорност,“ порачаа директорите.

Посветеноста на диспечерите е пример за тоа како тивките херои го одржуваат светот поврзан, дури и кога сите други слават.

Среќна Нова Година на сите вработени кои ја одржуваат нашата мрежа силна и стабилна!