Непозната болест во северозападниот дел на Конго усмрти повеќе од 50 луѓе, потврдија лекарите на терен и Светската здравствена организација (СЗО).

Се наведува дека интервалот помеѓу почетокот на симптомите и смртта во повеќето случаи бил само 48 часа, што предизвикува сериозна загриженост, изјави Серж Нгалебато, директор на болницата „Бикоро“, која служи како регионален центар за следење болести.

Избувнувањето на оваа болест во Конго започнало на 21 јануари, а до сега се регистрирани 419 случаи, вклучително и 53 смртни случаи. Според податоците на одделот за Африка при СЗО, првиот случај бил пријавен во населбата Болоко, каде три деца починале 48 часа по развивање на симптоми на треска, откако изеле лилјак.

СЗО ја нагласи загрижувачката тенденција во Африка, каде бројот на вакви епидемии се зголемил за повеќе од 60% во последната деценија.

По второто избивање на болеста во населбата Бомате на 9 февруари, примероци од 13 случаи биле испратени на тестирање во Националниот институт за биомедицински истражувања во Киншаса. Сите примероци биле негативни за ебола и други познати хеморагични трески како Марбург, а некои од примероците покажале присуство на маларија.

Минатата година, слична непозната болест предизвика смрт на десетици лица во друг дел на Конго, за која се сомнева дека најверојатно била маларија.

Портпаролката на руското Министерство за надворешни работи, Марија Захарова, ја коментираше средбата помеѓу Доналд Трамп и Володимир Зеленски, која беше ненадејно прекината по расправија.

Захарова изрази изненадување дека Трамп и потпретседателот Џеј-Ди Венс успеале да се воздржат од физичка реакција кон Зеленски за време на нивната дебата во Белата куќа. Таа истакна дека двата американски лидери покажале „голема воздржаност“ за време на вербалниот конфликт.

„Мислам дека најголемата лага на Зеленски, од сите негови лаги, е неговото тврдење дека бил сам во Киев во 2022 година, без никаква поддршка. Начинот на кој Трамп и Венс се воздржале и не му удриле шамар, исто така, покажува неверојатна воздржаност“, напиша Захарова.

По вербалната расправија помеѓу американскиот претседател Доналд Трамп и украинскиот претседател Володимир Зеленски за време на нивната средба во Белата куќа, Трамп се консултирал со своите најблиски соработници и му порача на Зеленски да си замине, пренесува Си-Ен-Ен.

„Трамп се консултираше со американскиот потпретседател Џеј-Ди Венс, државниот секретар Марко Рубио, министерот за финансии Скот Бесант и други советници по инцидентот во кој Трамп и Венс го обвинија Зеленски за неблагодарност кон американската помош“, изјавил претставник на Белата куќа.

Трамп на крајот донел одлука дека Зеленски „не е подготвен да преговара за мир“. „Тој им наложи на Рубио и на советникот за национална безбедност Мајк Волц да ја пренесат пораката: Време е Зеленски да си замине“, изјавил извор за Си-Ен-Ен.

Украинската делегација била сместена во посебна просторија, што е вообичаено при посети на странски лидери во Белата куќа. „Тие обично се собираат на ручек, но додека храната беше поставена на количка во ходникот, им било наложено да заминат“, изјавил официјален претставник.

Украинците побарале продолжување на разговорите, но им било одговорено со „не“. Потоа, Трамп ја напишал својата објава на Truth Social, а Рубио и Волц го информирале Зеленски за одлуката на Трамп.

„Почувствував непријателство во говорот на телото и ставот на Зеленски“, додал претставникот. Тој исто така напомена дека Трамп не ручал со Зеленски како што било планирано и дека не е јасно кога ќе се продолжат разговорите помеѓу САД и Украина.

Потврдено е и дека договорот за минерални ресурси помеѓу САД и Украина не е потпишан, според Си-Ен-Ен.