Светската здравствена организација советува за време на празниците да се слави на отворен простор или пак да носат маски во добро проветрен затворен простор.
Советите, објавени на веб-страницата на СЗО заевропскиот регион, опфаќа широк спектар на прашања поврзани со зимската рекреација и празниците, вклучително и дали да се направи пауза за скијање и сезонски прослави, објави британскиот весник „Гардијан“.
Забележувајќи дека луѓето едвај чекаат да се соберат и да размислат за невообичаената и тешка 2020 година, СЗО предупредува дека собирањето луѓе од сите возрасти, вклучувајќи ги и семејството, верските групи и пријателите, носи значителен ризик од зголемен пренос на заразата за време на претстојната празнична сезона.
СЗО предлага додека заедниците низ Европа одмеруваат дали да организираат верски поворки, празнични пазари и црковни прослави, треба да се разгледа одложување или намалување на јавните настани.
Исто така, се препорачува, без оглед на локацијата, верските служби да се одржуваат на отворено секогаш кога е можно или да бидат ограничени по големина и времетраење.