1425 сообраќајни прекршоци изминатите два дена на територија на цела држава, 333 за брзо возење

Продолжувајќи со засилените сообраќајни контроли по патиштата низ земјава во текот на изминатите два дена (28/29.04.) полициските службеници издале вкупно 1425 платни налози за сторени прекшоци по основ на одредбите од Законот за безбедност на сообраќајот на патиштата и Законот за возила.

Притоа, во рамки на оваа бројка, а по основ на преовладувачките прекршоци што ги прават учесниците во сообраќајот – неправилно паркирање и пречекорување на брзината на движење, беа регистрирани 415, односно 333 прекршоци. Покрај ова, без возачка дозвола регистирани биле 144 возачи, потоа 71 учесник во сообраќајот биле санкционирани за неносење сигурносен појас, 39 возачи на мотоцикл за неносење на заштитна кацига, а пак 64 за користење на мобилен телефон при возење.

Исто така, според статистичките податоци, во шест случаи возачи минале на црвено светло, во 18 случаи кај возачи било утврдено недозволено количество алкохол во крвта, а санкционирани биле и 15 пешаци.

По основ пак на Законот за возила 48 возила биле отстранети од сообраќај и тоа 14 заради техничка неисправност а 34 возила се отстранети од сообраќај затоа што биле нерегистрирани.

Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи, особено за време на утрешниот празник возачите да не седнуваат зад воланот под дејство на алкохол. Одговорното однесување во сообраќајот е предуслов за да ја зголемиме безбедноста во сообраќајот и заедно да придонесеме за посигурни патишта.

Европа тешко ќе собере 25.000 војници за Украина – Британија предлага мисија од 64.000 луѓе

Европските земји најверојатно нема да успеат да соберат ни 25.000 војници за евентуално испраќање во Украина, како дел од планираната мисија за сопирање на Русија, пишува британскиот Тајмс, повикувајќи се на извори блиски до воените структури.

Според наводите на весникот, началникот на британскиот Генералштаб, адмирал Тони Радакин, побарал од европските партнери да размислат за испраќање на дури 64.000 војници во Украина – и тоа по можен мировен договор со Русија.

Во изјавата од почетокот на април, Радакин соопштил дека Обединетото Кралство е подготвено да обезбеди околу 10.000 војници, а ист број најавила и Франција.

Сепак, на состанокот на т.н. „коалиција на подготвените“, одржан на 10 април, министрите за одбрана од Европската унија изразиле сериозна загриженост. Според изворите, било оценето дека „нема никакви шанси“ да се собере контингент од 64.000 луѓе и дека „дури и 25.000 би биле поттик за заеднички напори“.

Сојузниците го предупредиле британскиот министер за одбрана, Џон Хили, дека евентуално распоредување на таков број војници би барало мобилизација на околу 256.000 луѓе во рок од две години, поради неопходната ротaција на трупите – што ја доведува во прашање изводливоста на целиот план.

Меѓу земјите кои изразиле скепса се и Естонија и Финска, кои стравуваат дека би се ослабела нивната сопствена гранична одбрана. Германија е против иницијативата, но не ја исклучува целосно. Полска, Шпанија и Италија, пак, директно одбиле да испраќаат војници во Украина.

Според британски извори, можно е Велика Британија и Франција да испратат воени инструктори во западниот дел на Украина, кои би работеле на логистиката и обуката на украинските сили. Тие, меѓутоа, нема да бидат распоредени блиску до линијата на фронтот, ниту ќе обезбедуваат објекти или ќе учествуваат во директна заштита на украинската армија.

Земјотрес од 4,6 степени го погоди островот Крит

Во утринските часови, во 07:36 по локално време, земјотрес со јачина од 4,6 степени според Рихтеровата скала е регистриран на подрачјето на грчкиот остров Крит.

Според достапните податоци, епицентарот на потресот се наоѓал околу 139 километри североисточно од градот Ираклион. Европско-медитеранскиот сеизмолошки центар информира дека хипоцентрaлот бил на длабочина од приближно 10 километри под површината на земјата.

Мештаните на Крит сведочат дека потресот бил мошне почувствуван. „Добро затресе, полица со книги чкрипеше, креветот се нишаше, а мачките се разбудија и почнаа да мјаукаат“, изјавуваат жители од погоденото подрачје.

Засега нема информации за материјална штета или повредени лица. Надлежните служби продолжуваат со следење на ситуацијата.