Во организација на основното училиште „Даме Груев“ и со поддршка од општина Битола, синоќа во Кристалната сала на Офицерскиот дом се одржа голем собир за поддршка на македонските претставници на детската Евровизија, Ана Ванчевска и Алексеј Ивановски.

Со знамиња, транспаренти и навивачки реквизити, бројни битолчани, вклучувајќи го и градоначалникот Тони Коњановски, професорите и учениците од училиштето „Даме Груев“, каде што учат Ана и Алексеј, со ентузијазам го проследија нивниот настап. Македонските претставници настапија со песната „Маратон“, која плени со својот уникатен сценски перформанс и музичка изведба.

„Ова е посебен момент за Битола. За прв пат на детската Евровизија имаме претставници од нашиот град, кои со својот талент и посветеност покажаа како се претставува Македонија на европската сцена. Горд сум на Ана и Алексеј и им посакувам што поголем успех,“ изјави градоначалникот Коњановски, кој пред заминувањето во Мадрид ги прими младите музичари во својот кабинет за да им даде поддршка и мотивација.

Настапот на Ана и Алексеј беше следен со громогласен аплауз и овации од присутните во Офицерскиот дом, кои преку директниот пренос ја споделија нивната енергија и гордост. Настанот претставуваше вистински празник на музиката и младешката креативност, а Битола уште еднаш покажа дека стои зад своите талентирани млади.

Село Невеска, лоцирано во срцето на Лерин, егејска Македонија, претставува бисер на природната и културната убавина, особено во зимските месеци.

Во снежните денови, селото се претвора во бајковит пејзаж, со традиционалните камени куќи опкружени со бело покривало, кое како да го запира времето. Високите борoви и букови дрвја, прекриени со мраз и снег, создаваат глетка од незаборавна убавина. Низ тесните калдрмисани улици, сè уште се слуша шепотот на историјата, додека тивко паѓа снегот, омекнувајќи го секој звук.

Селото е опкружено со планински падини, совршени за зимски прошетки и истражување. Одредени точки нудат неверојатен поглед на околните ридови и долини, кои зиме изгледаат како бескрајна бела покривка. Традиционалните куќи и камените ѕидови се украсени со снег, а чадот од оџаците додава топлина и живот во ова снежно ремек-дело.

Невеска ја доловува суштината на македонското планинско наследство, спојувајќи го спокојството на природата со историјата и културата на регионот. Ова село во зимска облека е како создадено за да инспирира уметници, фотографи и љубители на природата.

Во целост ќе бидат затворени улиците од пред ТЦ Палома Бјанка до Црвен крст (ул.Димитрие Чуповски и ул.11ти Октомври) и од Собранието до ГТЦ (ул.Филип Втори Македонски).

Ве информираме дека во недела (17.11.2024 год) во период од од 16:00 до 18:00 часот или до ослободување на затворените улици, поради одржување на Атлетска трка, неколку сообраќајници ќе бидат затворени, па од тие причини дел од линиите од јавниот превоз ќе сообраќаат по изменет режим од вообичаениот, информираат од ЈСП Скопје.

Во целост ќе бидат затворени улиците од пред ТЦ Палома Бјанка до Црвен крст (ул.Димитрие Чуповски и ул.11ти Октомври) и од Собранието до ГТЦ (ул.Филип Втори Македонски).

Изменети траси ќе имаат линиите 4, 4А, 5, 7, 15, 21, 21А, 21Б, 22, 23, 24, 27, 50, 50А, 57 и 59.

ТРАСИ НА ДВИЖЕЊЕ

Линија бр.4: Во насока од нас.11ти Октомври кон Хром ќе сообраќаат на тој начин што од ул.11ти Октомври врти лево по ул.Кирил и Методиј, кај Дом на печат десно по бул.Климент Охридски, лево на бул.Партизански Одреди и продолжува по својата траса.

Во обратна насока од бул.Партизански одреди ќе вртат десно по бул.Климент Охридски, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа десно по ул.11 Октомври и ќе продолжува по својата вообичаена траса.

Линија бр.4А: Во насока од Усје кон Тафталиџе ќе сообраќа на тој начин што од ул.11ти Октомври врти лево по ул.Кирил и Методиј, кај Дом на печат продолжува право и од кружниот тек кај католичка црква продолжува по ул.Митрополит Теодосиј Гологанов по својата траса.

Во обратна насока од ул.Митрополит Теодосиј Гологанов, десно по бул.Климент Охридски, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа десно по ул.11 Октомври и ќе продолжува по својата вообичаена траса.

Линија бр.5: Во насока од Ново Лисиче кон Ѓорче Петров ќе сообраќаат на тој начин што од Југодрво продолжува право по ул.Кирил и Методиј, кај Дом на печат продолжува право и од кружниот тек кај католичка црква продолжува по ул.Митрополит Теодосиј Гологанов по својата траса.

Во обратна насока од ул.Митрополит Теодосиј Гологанов, десно по бул.Климент Охридски, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа лево по ул.11 Октомври и ќе продолжува по својата вообичаена траса.

Линија бр.7: Во насока од Лисиче кон Карпош ќе сообраќаат на тој начин што од Југодрво продолжува право по ул.Кирил и Методиј, кај Дом на печат десно по бул.Климент Охридски, лево на бул.Партизански Одреди и продолжува по својата траса.

Во обратна насока од бул.Партизански Одреди врти десно по бул.Климент Охридски, лево по ул. Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа десно по ул.11 Октомври и ќе продолжува по својата вообичаена траса.

Линија бр.15: Во насока на Ново Лисиче кон Карпош ќе сообраќаат на тој начин што од Југодрво продолжува право по ул.Кирил и Методиј, кај Дом на печат десно по бул.Климент Охридски, лево на бул.Партизански Одреди и продолжува по својата траса.

Во обратна насока од бул.Партизански Одреди врти десно по бул.Климент Охридски, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа лево по ул.11 Октомври и ќе продолжува по својата вообичаена траса.

Линии бр.21, 21A, 21Б и 22: Во насока од Транспортен центар кон Бардовци и Волково ќе сообраќаат така што кај Комплекс банки продолжува по бул.Крсте Мисирков, лево по бул.Гоце Делчев, бул. Партизански Одреди и продолжува по својата редовна траса.

Во обратна насока се движи по истата променета траса.

Линија бр.23: Во насока од нас.Аеродром кон Дом на печат ќе сообраќа на тој начин што од Југодрво продолжува право по ул.Кирил и Методиј до Дом на печат.

Во обратна насока од бул.Мајка Тереза, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа лево по ул.11 Октомври и ќе продолжува по својата вообичаена траса.

Линија бр.24: Во насока од Кисела Вода кон Тафталиџе ќе сообраќаат на тој начин што кај подвозникот врти лево по ул.Кирил и Методиј, кај Дом на печат десно по бул.Климент Охридски, лево на бул.Партизански Одреди и продолжува по својата траса.

Во обратна насока од бул.Партизански Одреди врти десно по бул.Климент Охридски, лево по ул.Железничка и продолжува по својата траса.

Линија бр.27: Во насока од нас.Аеродром кон Дом на печат ќе сообраќа на тој начин што од Југодрво продолжува право по ул.Кирил и Методиј до Дом на печат.

Во обратна насока од бул.Мајка Тереза, лево по ул.Железничка, кај Неуромедика ќе вртат лево по Јужен булевар до крстосницата кај Тутунски комбинат, потоа лево по ул.11 Октомври и ќе продолжува по својата вообичаена траса.

Линии бр. 50, 50А, 57 и 59: Во правец на Клинички центар, Дом на печат, Козле и Карпош ќе сообраќаат на тој начин што од стојалиштето на Битпазар вртат десно по бул.Гоце Делчев, а после мост Гоце Делчев и бул.Блаже Конески продолжуваат по своите редовни траси.

Во обратна насока се движат по истите променети траси.