Пред една минута или две почувствувавме земјотрес. Го слушав градоначалникот на Петриња, исто е и во Глина, ништо подобро, некои луѓе беа сместени, некои не сакаа да ги напуштат своите куќи, ја поминаа ноќта во автомобилите, повеќето луѓе беа згрижени.

Во текот на денот ќе ги посетиме и другите населени места. Имаме 35,36 населени места погодени од земјотресот. Помош доаѓа од сите страни, тешко е да се каже што ни треба, шатори сигурно, но во текот на денот ќе знаеме подобро.

„Некаде куќите беа срамнети со земја, некаде паднаа оџаците“, изјави градоначалникот на Глина за ХРТ.

“За жал, пет мртви луѓе не се со нас. Извадивме двајца од урнатините”, рече тој.

Да потсетиме, на едно место во близина на Глина, пет лица загинаа во Мајске Полјане.

Во вчерашниот земјотрес загинаа седум лица, што е досега потврдена бројка. Можно е подоцна да бидат откриени повеќе жртви.

Меѓу загинатите е и 12-годишно девојче во Петриња, 20-годишно момче од една куќа, дедо од друга и татко и син од иста куќа во Мајске Полјане кај Глина, потврди за Индекс заменик градоначалникот на Глина, Бранка Бакшиќ Митиќ. Подоцна е потврдено дека уште едно машко лице починало во Мајске Полјане.

По седумчасовно пребарување, е пронајдено тело на човек загинат под урнатините на црквата во Жажина.

Најмалку шест лица се тешко повредени, а 20 се полесно повредени, соопштил МВР.