На 30.01.2025 во 13.30 часот во СВР Тетово, Н.Т.(54) од Тетово пријавил дека на улица „Иво Лола Рибар“ во Тетово бил нападнат од кучиња скитници и при обид да избега паднал и се здобил со телесни повреди, констатирани во Ургентен центар во Тетово.

На 30.01.2025 во 21.00 часот во СВР Тетово, две вработени во Центарот за социјални работи Тетово пријавиле дека при контрола кај малолетно девојче, кое е регистрирано како дете во ризик и запуштено дете, кое живее со нејзината мајка В.Б., која има здравствени проблеми, мајката изјавила дека физички ја нападнала нејзината ќерка. Додека, по кажување на малолетничката, два дена спиела надвор од куќата. Веднаш по констатирање на состојбата, со полициска придружба биле пренесени во Клиничка болница Тетово, каде што В.Б. била задржана на лекување, додека кај малолетното девојче биле констатирани телесни повреди и ќе се згрижи во згрижувачко семејство.

На 30.01.2025 во 13.50 часот во СВР Тетово се пријавил Ш.М.(55) од тетовско село, кој претходно бил пријавен од неговата 31 – годишна снаа од Косово, со регулиран престој во селото, дека во неколку наврати извршил кривично дело „полово вознемирување“ врз неа, казниво по член 190-а став 1 од Кривичниот законик. Тој бил задржан во полициска станица за понатамошна постапка и по целосно документирање на настанот, против него ќе следува соодветна пријава.