Инфо +

Невремето од Шпанија сега доаѓа наваму: Температурите одат до минус 36 степени!

Бурата Филомена, поради која Мадрид минатата недела беше парализиран од снегот, се движи преку Средоземното море, веќе ги покри источните делови на Балканот и продолжува преку Србија и Македонија кон Грција и Турција.

Поради Филомена, во Мадрид падна невидено количество снег, а температурата падна на рекордни минус 36 степени.

Тоа беше првиот снег во Мадрид во последните 10 години и според метеоролозите падна околу половина метар. Главниот град на Шпанија нема забележано толку многу снег во последните 50 години. Во исто време, само за два дена во Гибралтар падна дожд колку што изнесува месечниот просек во овој период од годината.

Метеорологот и колумнист на хрватскиот портал Индекс, Дуња Мраз, вели дека во последните години стана правило ураганите да добиваат имиња, а имињата им ги даваат земјите кои први ќе бидат погодени од нив.

Дали ние ќе го наречеме овој циклон Филомена или не, факт е дека тој е истиот систем, иако во меѓувреме, минувајќи низ Средоземното Море, претрпе неколку промени. Сега стигна до Јонското и Егејското Море и продолжува на исток, првенствено кон Турција, но и кон дел од Грција, тоа ќе донесе необични врнежи, вели Дуња Мраз.

Таа додава дека ова се релативно невообичаени ситуации за овој дел од светот, но потсетува дека во последните зими веќе имало силни бури што донеле невидени снегови во јужните делови на Европа, па дури и на северот на Африка.

Дуња Мраз наведува дека преместувањето на овој циклонски систем од запад кон исток ќе предизвика повлекување на студениот воздух од север, од поларниот круг, на југ и дека овој екстремно студен бран на мраз се очекува во Хрватска и во јужниот дел на Балканот.

Европа

ЕУ ја брани индустријата по секоја цена: Субвенции и за големите загадувачи за да не ги изгуби компаниите

Европската комисија донесе нови правила кои ја менуваат играта за енергетски интензивните индустрии во ЕУ. Големите компании кои добиваат државна помош сега ќе треба дел од средствата да вложат во проекти што ја намалуваат потрошувачката на електрична енергија и ја поттикнуваат зелената транзиција.

Со оваа одлука, Комисијата ги проширува секторите кои можат да добијат надомест за трошоците на електрична енергија предизвикани од цената на јаглеродниот диоксид. Новите сектори вклучуваат производство на органски хемикалии, керамика, стакло и батерии, додека веќе поддржаните индустрии – челикот и хемијата – ќе можат да добијат надомест до 80%, што е зголемување од претходните 75%.

Целта е јасна: да се спречи преместувањето на производството во земји со послаби еколошки стандарди, каде трошоците се помали, а емисиите поголеми. Комисијата предупредува дека ако компаниите се иселат, Европа го губи економскиот бенефит, а глобалните емисии на јаглерод продолжуваат да растат – двојна загуба, со други зборови.

Дополнително, земјите-членки ќе можат да предложат и други сектори кои не се на првичниот список, ако докажат дека се изложени на реален ризик од преселување надвор од ЕУ. Новата регулатива е резултат на консултации со индустријата и е замислена како стимул да ги задржи компаниите на континентот, истовремено поттикнувајќи иновации во зелена енергија.

Со овој чекор, ЕУ се обидува да го одржи балансот меѓу економската конкурентност и климатската одговорност – и да испрати јасна порака: индустријата може да се развива, но не на штета на планетата.

Свет

Дубаи гради 93 км климатизирани тунели за велосипедисти

Во обид да ја промени урбаната мобилност, Дубаи започна амбициозен проект: 93 километри климатизирани тунели наменети исклучиво за велосипедисти. Овие подземни патеки ќе овозможат возење во секое време од годината, без разлика на екстремната летна жештина, поврзувајќи ги домот, работното место и клучните градски услуги на безбеден и удобен начин.

Но, проектот не е само за транспорт. Покрај трасите ќе никнат зелени зони и простори за одмор, создавајќи пријателска околина за велосипедистите и поддржувајќи активен и здрав животен стил. Целата инфраструктура ќе се напојува со обновлива енергија, како дел од пошироката стратегија на градот за одржлива и климатски отпорна урбана иднина.

Со овој проект, Дубаи не само што гради велосипедски патеки – градот гради нов начин на живеење, каде транспортот е чист, ефикасен и достапен за сите.

Балкан

Бугарија нуди мазут како спас за Македонија во време на енергетска криза

Во услови на вонредна состојба во Македонија, предизвикана од блокадата на граничните премини со Грција од страна на грчките земјоделци, Бугарија понуди итна помош со испорака на мазут. Оваа понуда беше изнесена во телефонски разговор меѓу бугарскиот министер за надворешни работи, Георг Георгиев, и неговиот македонски колега, Тимчо Муцунски.

Според бугарската влада, инспекција спроведена од министерот за енергетика Жечо Станков покажа дека во земјата има доволно мазут за домашните потреби. Со оглед на тоа, Софија е подготвена да обезбеди дополнителни количини за Македонија, во согласност со техничките и логистичките можности.

Од бугарска страна се истакнува дека понудената помош е „израз на добрососедство и солидарност“ и има за цел да ја зачува енергетската стабилност во регионот.

Засега, македонските власти не ја коментирале официјално понудата на Софија.