Коалицијата Вреди апелира до сите општествени чинители, но и до сите членови на ДУИ, да ја поддржат борбата за демократија, транспарентност и одговорност, со цел да се спречат понатамошните штетни политики на ова дискредитирано раководство, се наведува во соопштението на коалицијата. Единствениот пат за излез од длабоката политичка корумпираност, се додава во соопштението, е целосна маргинализација на ова раководство на ДУИ.

„Ниту пратениците на ДУИ не веруваат во политиката која ја води врвот на ДУИ. Никој повеќе не верува на празните зборови на Али Ахмети, Бујар Османи и на Блерим Беџети. Вчерашното гласање за интерпелацијата против Министерот за животна средина и просторно планирање, Изет Меџити, претставува јасен доказ дека ДУИ веќе нема контрола ниту врз сопствената пратеничка група. Само три пратеници успеаја да гласаат за интерпелацијата, што е сериозна нефункционалност на ДУИ, сериозно разединување и брз политички распад на ДУИ“.

Ова се наведува во соопштението на коалицијата Вреди.

„Пораките од ДУИ не стигнуваа до никого во меѓународната заедница, ДУИ е изолирана. Денес не стигнуваат ниту до нивната пратеничка група. Со ова гласање, потпретседателот на Владата, Изет Меџити, добива дополнителен легитимитет и потврда за својата борбата против корумпираното раководство на ДУИ, кое за жал е предводено од Али Ахмети, Бујар Османи, Артан Груби и Блерим Беџети. Станува сè поочигледно дека дури ни членството на ДУИ, ни пратениците, како ни пошироката албанска јавност во Северна Македонија, не ја поддржуваат оваа група која ја узурпира моќта, не ги поддржуваат старата слава на ДУИ и спомените од минатото“, се наведува во соопштението на Вреди.

Нивната изолација е очигледна, се додава во соопштението, ДУИ е исклучена од меѓународната заедница и нема никаква поддршка, ни соработка со која било од останатите нормални прозападни политички субјекти во Македонија. Пратениците на ДУИ го гледаат тоа и имаат задача пред чесните гласачи сѐ погласно и почесто да се спротивстават на погубните политики на нивното раководство, се потенцира во соопштението на коалициајта Вреди.

„Следниот пат кога Блерим Беџети ќе се обиде да креира политика, да се потсети на вчерашниот ден. Нема поголем губитник од него и од неговата иницијатива. Исто како на претходните парламентарни избори, каде што ни гласовите на т.н. Европски Фронт не му беа доволни и изгуби наспроти Вреди. Сѐ додека настапува како заштитник на Артан Груби, нема да поминува различно ни кај граѓаните ни кај своите сопартијци. Ќе продолжи да биде само еден од губитниците. Вреди апелира до сите општествени чинители, но и до сите членови на ДУИ, да ја поддржат борбата за демократија, транспарентност и одговорност, со цел да се спречат понатамошните штетни политики на ова дискредитирано раководство. Единствениот пат за излез од длабоката политичка корумпираност е целосна маргинализација на ова раководство на ДУИ“, велат од партијата.

Нарушувањето на снабдувањето со гас не предизвика дополнителни трошоци за компанијата за набавка на заменски природен гас и не влијаеше на пазарот на гас во регионот“, сопшти бугарската државна компанија за гас „Булгараз“.

Објавено 11/01/2025 22:30:19

Бугарската државна компанија за гас „Булгаргаз“ на 9 јануари објави дека била известена за прекин во снабдувањето со гас од Азербејџан на 6 јануари и дека снабдувањето се очекува да биде обновено на 11 јануари. Како причина наведува „неодредени“ технички проблеми, објави Туркије тудеј.

„Булгаргаз“ истакна дека заменскиот гас е купен во Турција.

„Нарушувањето на снабдувањето не предизвика дополнителни трошоци за компанијата за набавка на заменски природен гас и не влијаеше на пазарот на гас во регионот“, се вели во соопштението од 9 јануари. Беше констатирано и дека ваквата состојба е дополнителен поттик за диверзификација на изворите на природен гас.

Наводно снабдувањето е прекинато поради проблеми на платформата „Алфа“ на „Бритиш петролеум“ во гасното поле Шах Дениз.

БП Азербејџан во петокот објави дека ја прекина работата на платформата Шах Дениз Алфа (СДА) откако беше откриен технички проблем во подморската линија за извоз на гасен кондензат помеѓу платформата и терминалот „Сангачал“.

Можеби ќе ве интересира

„Сите работници на платформата се безбедни и нема влијание врз животната средина. Сите морски објекти, вклучувајќи ги и платформата СДА и гасоводот, исто така се безбедни“, се вели во соопштението на БП Азербејџан.

– Поради оперативни причини, производството и извозот од платформата СДА се суспендирани, а платформата е безбедно исклучена. Работиме на решавање на проблемот и се стремиме да ја вратиме нормалната работа што е можно поскоро – изјави портпаролот на компанијата.

Бугарија престана да користи руски гас во април 2022 година, откако го отфрли барањето на Русија да го плати гасот во рубли.

Претходно, српскиот претседател, Александар Вучиќ, изјави дека Азербејџан од саботата ја прекина испораката на гас за Србија и дека земјата ќе мора да ги користи сопствените резерви доколку проблемот не се реши во рок од 1-2 месеца.

После едно 12-13.000 напишани текстови и прилози по весници, радио, телевизии и портали, редно е да ја претставам екипата со која работам во потрагата по информации, документи, и создавањето анализи, синтези и заклучоци. И книги, како книгата КОС и Удба од 2008 година, 320 страни спремани 10 години.

Значи, ова ми е тимот: Од Алан Форд и Сер Оливер, па се Боб Рок и Број Један:

Одиме со последните настани и извештај од тајниот штаб, од “Цвеќарата“.

По видео снимката од Дубаи која ја добив од мојот соработник Сер Оливер, на која сегашниот шеф на СДСМ Венко Филипче и претходниот Зоран Заев дивеат со сомнителни државни пари во новата престолнината на светскиот лоповлук, Дубаи, објавивме дека Венко Филипче и фамилијата на Зоран Заев треба да одговорат од каде им е кешот и дали е точно дека имаат скапи златни бизнис визи за живот во Дубаи. За тие златни визи треба да си инвеститор со милиони евра… Прашањето е кои и од каде се милионите евра за златните визи во Арапските Емирати.

На тоа прашање за златните арапски визи и милионите евра на македонските политичари за да се добијат јавноста немаше ни прашања па ни одговор. Сеир нацијата ја потроши темата на Сер Оливер на оговарање дека мора да си сељак ако одиш до Дубаи да го слушаш Харис Џиновиќ. И толку. Сељак или не, ако не ти е битно што твоите пари завршиле кај сељаците, и во Дубаи, размисли кој е поголем сељак: сеирџијата или лоповите што имаат натоварено толку многу твои државни пари на своите сметки што Харис Џиновиќ во Дубаи им е од кусурот.

Деновиве нова “сељачко сеирџиска“ тема. Бившиот шеф на државната безбедност, УБК, Сашо Мијалков снимен пред ресторанот Луј Петнаесетти со Ферари во Монте Карло. Според деталите објавени на Фејсбук заедницата Ферарито кошта околу 700.000 евра.

Сер Оливер ми тврди дека ручек или вечера во тој ресторан оди само со закажување, за двајца, цената е 1.000 евра па нагоре. Проверив, да, точно било.

Кога некој висок државен службеник, особено шеф на тајната полиција, за кој патем се терани серија истраги за корупција во Македонија кои завршија така што Вашингтон го стави ликот на црна листа за корупцијата и на обвинителско-судскиот систем, кога ликот е формално во затвор на предвремен отпуст… Кога таков лик ќе се појави со Ферари и во ресторан во кој ручек за двајца е над 1.000 евра, јавноста во нормално општество експлодира и бара одговори од обвинителите и судиите на СДСМ и ДУИ кои, божем, го работеле истрагите и судењата. Ги работеле како што кажува Црната листа од Вашингтон.

Кај нашата јавност главна тема беше која е жената со него во колата, и дека Сашо е сељак што искача од Ферари со распарталена кошула пола внатре, пола надвор, и дека од авион се гледало дека не е ниво за Монте Карло. И толку. Бидна сеирот. Ни за Дубаи, ни за Монте Карло јавноста не праша за парите и одговорноста на обвинителите и судиите. Како ни за 4,5 милиони евра украдени од СЈО, од кои еден милион поделиле обвинителите меѓу себе. Е па, гледајте и понатаму сеир, а плаќајте лечење на деца од донации со телефонски повици. После зошто ни е вака во државава? Па затоа што они знаат дека сеирот ни е храна а оговарањето сон.

Што би рекол мојот Боб Рок: „Подобро да живееш 100 години како милионер отколку 7 дена во мизерија“. Заев, Филипче и Мијалков мислат исто. Затоа и така брзо се најдоа и соработуваат додека не хранеа со сеири и телефонски разговори.

И покрај се, да се вратиме на темата. Значи, имаме два лика со ист профил, Зоран Заев и Сашо Мијалков, кои соработуваат и го контролираат обвинителството и судството. Еден од поголемите заеднички проекти им беше пуч во опозициската ВМРО ДПМНЕ и преземање на власта во партијата. Но, го испушија. 

И двајцата, плус Венко Филипче, масовно посочувани за тешка корупција и сомнителни огромни државни пари на нивните сметки мочаат врз сите нас од керамиди од Дубаи и Монте Карло, престолнини на лоповлукот.

Зоран Заев, според негови изјави, пред да стане градоначалник бил сиромашен, гола вода што би рекле скопјани. Сега е милијардер. Граѓанин на Дубаи.

Сашо Мијалков оди со спротивен пристап, дека и пред да стане шеф на тајната полиција бил богат што не е точно. Тоа се бајки во кои веруваат тие што сака да ги импресионира, тие околу него со дебелите вратови и со тетоважи. Полусвет.

Пред функција во УБК нешто има муљано во министерството за одбрана кај Кљусев па доби отказ. Во Чешка се спомнува постојано во меѓународни анализи за организиран криминал со лица од Босна и Република Српска, битанги од од кои најголем дел се по затвори како неговите партнери браќата Спаравало или Ријад Изиќ, Бошко Недиќ, Андрија Драшковиќ… Лица во меѓународните извештаи се оценети како извршители на криминал во градежништво, казина, трговија со дрога. Ако е тоа некому друштво и бизнис за импресионирање, мене не ми е.

Во извештај за организиран криминал на балканци во Чешка, “Транснационална хоботница“ објавен од Global Initiative во 2020 година се потврдува сево ова, и се додава дека имотот на Сашо Мијалков во Чешка вреди “само“ 2 милиони евра. Ако се земе во обзир неговиот стан на Витлеемска, нема со што да се фали од таму. Значи, парите со кои сега се курчи и располага се стекнати – со функцијата.

Анализата за организиран криминал во која се спомнува Мијалков е од 2020-та, значи Зоран Заев знаел со кого соработува. И препознал сродна душа.

Затоа, на место се сомневањата дека парите се од државата Македонија, заработени во полициското време. Од она што јавно се знае, Мијалков само во Скопје има над 25 стана кои му ги запленија во судска постапка. Просто, ако се знае имотот, треба да се видат датумите кога е стекнат и – тоа е тоа. 

Сер Оливер и Алан Форд истражувале и известуваат дека не е само Ферари курчот на Сашо Мијалков во Монте Карло. Има таму и Мајбах и Бентли. Мијалков има и стан во Монте Карло, во истата зграда е комшија со Леонардо Ди Каприо и модниот дизајнер Филип Плејн. Прилично скапа локација, таму нема стан под неколку милиони евра. За да влезе во џет сетот Леонардо Ди Каприо на комшијата му понудил да плати 500-600.000 евра во неговата фондација… 

Функцијата шеф на тајната полиција е користена за сопствен ќар, до балчак. Алан Форд изнесува податоци дека во тие ќарови има тесни соработки со другите тајни полиции, па не запознава дека за замижување на некои бизнис комбинации во и со Србија Мијалков на безбедњакот Д.М. му ветил дека ќе им ја даде сликата на Лубарда, Косовски бој, од нашиот Музеј на современа уметност. Го заебал и, за среќа, сликата е се уште тука. Проверив, но не знам да ли е тоа оригиналот.

Не е време, а и нема место во една колумна, да се објаснат релациите и соработката со Влада Грк. Србин со грчки но, и македонски пасош издаден од Зоран Заев на 10.09.2021 година, исфрлен одамна од секторот на дипломатијата и разузнавањето, но продолжува државните тајни и документи да ги користи за кеш.

Тоа е тоа, засега. Мојот тим работи и понатаму. 

Една мала дигресија, а поврзана со наведеното. Сега скоро Никола Груевски напишал нова книга, “Будимпештански записи“. Книгата воглавно потсетува што се Груевски има изградено и реформирано, што е неспорно и ќе влезе во македонската историја. Но, тоа веќе го знаеме, и не мораше нова книга да пишува. Во меѓувреме се случуваа нови настани, и нови прашања за кои Груевски – молчи.

Дали Груевски знаел дека Сашо Мијалков, за време на мандатот шеф на тајната полиција, се стекнал со најмалку 25 стана во Скопје? Дали знаел за имотите во Монте Карло? Тешко дека се изненадил откако тоа беше објавено.

Барем еден стан во елитната населба Прага Шест во Чешка е доказ дека знаел.

Дали знаел за прислушувањата на министри од тогашната влада, на новинари, на бизнисмени, на адвокати и судии… и зошто Заев објавуваше се и сешто за секого, само не телефонски разговори помеѓу Мијалков и Груевски, како ни помеѓу Зоран Заев со Мијалков и Груевски, а ги има повеќе од дваесет. 

Дали знаел дека со Зоран Заев финансираат пуч во ВМРО ДПМНЕ и смена на Мицкоски и Александар Николоски со поставување на Ивица Коневски и Никола Тодоров за лидери во партијата? Не видовме негов став кога тоа се тераше.

Очекувавме, во новата книга, Груевски да ни објасни и како се случи создавање на СЈО од 120 луѓе иако тоа не беше договорено во Пржино, и со гласањето за такво СЈО Груевски пушти низ вода стотици луѓе кои немаат никаква врска со корупција во државата, придонеле за власта на ВМРО секој на свој начин без да имаат појма за 25 станови на Мијалков, за Монте Карло…, неинформираните ги судат или лежат по затвори, како Ѓоко Поповски од МВР, на пример. И не само тој.

Очекував, сега барем од безбедна дистанца во Будимпешта, да објасни зошто се случи насилство во Собранието кога тоа му оди во корист само на СДСМ? За целиот настан знаеле сите во партијата, само Груевски и Мијалков не знаеле?! А во првите редови и логистиката на насилството стоеле луѓе од полиција, од УБК.

При толку пари стекнати од власт, едниот во Будимпешта а другиот во Монте Карло, стотина луѓе и фамилии страдаат заради нивните одлуки, и нивните пари. Тие луѓе не носеле одлуки, ниту имале удел во нивните пари, а морале да страдаат за тоа, да продаваат станови за да платат адвокати, по судски одлуки имаат запленети лични имоти создадени од свои пари, да трпат болести, притисок од околината, лежат по затвори со децениски казни. 

На нивни грб се гради статистика за борба против корупција, додека парите од корупција се кај други, и надвор. 

Дали некој од нив се јавил до фамилиите на луѓето кои заради туѓа корупција трпат тешки лични и семејни последици? Дали издвоиле 1% од капиталот да им помогнат жртвите барем во судските трошоци, да ги праша дали се избркани од работа, дали им се блокирани фирмите, дали се развеле а децата им се на улица невработени додека се множат фирмите на Фамилијата… Дали се јавиле кај Владанка Авировиќ да ја утешат затоа што заради нивните интереси таа беше уценета со затвор за својот син за да гласа за Северна, и ја снема. Дали знаат што и како им е на фамилијата на Коста Крпач што се самоуби по прогонот од СЈО, а работел по налог на Сашо Мијалков, а не знаел за Монте Карло… Дали? 

Да го видиме тоа во книгата, да ја читаме, па еден нека пцуе друг нека поверуе.

Мојот соработник Алан Форд вели: “Bolje izdati knjigu nego prijatelja.” А ете, некогаш и двете.

Драган П. Латас

(11.01.2025)