Нова тензија на небото над Источна Европа – НАТО активираше борбени авиони откако руски воен авион се доближи до полскиот воздушен простор. Инцидентот се случил во четвртокот, кога британски борбени летала, стационирани во базата Малборк, биле итно кренати во воздух за да го пресретнат и следат движењето на рускиот авион.

Полскиот вицепремиер и министер за национална одбрана, Владислав Косиниак-Камиш, изјави дека станува збор за уште една директна провокација од страна на Руската Федерација. Тој предупреди дека ваквите инциденти не се изолирани и оти ризикот по безбедноста на регионот е реален и сериозен.

Британскиот контингент на Кралското воено воздухопловство, кој веќе три недели е распоредeн во Малборк, брои шест борбени авиони и е дел од мисијата на НАТО „Baltic Air Policing“. Покрај нив, дел од силите се наоѓаат во Литванија и Естонија, со задача да го чуваат воздушниот простор над балтичките земји, Полска и Балтичкото Море.

Официјални претставници на НАТО соопштија дека внимателно ја следат ситуацијата и дека секоја закана кон сојузничките земји ќе биде соодветно адресирана.

Британски борбени авиони пресретнаа руско летало во близина на полскиот воздушен простор

Британски ловци, стационирани во воздухопловната база Малборк во Полска, денеска беа подигнати поради руски воен авион кој се приближувал до воздушниот простор на Полска.

Овој настан, според полските власти, претставува сериозна закана.

„Ова е уште една директна провокација од страна на Руската Федерација“, изјави полскиот министер за одбрана и заменик-премиер Владислав Косинијак-Камиш, пренесува „Polskie Radio 24“.

Косинијак-Камиш истакна дека ваквите инциденти стануваат сè почести и дека ова не е изолиран случај. „И вчера имавме слична ситуација – шведските воздушни сили подигнаа свои „Грипен“ ловци, а заедно со нив реагираа и британските „Еурофајтери“, додаде тој.

Според информациите од НАТО Командата за воздушни операции (AIRCOM), британските борбени авиони од Малборк биле активирани како одговор на лет на руска летелица која, како што беше наведено, „не се одвиваше во согласност со меѓународните стандарди за безбедност“.

Во мисијата биле вклучени и португалски F-16 авиони, кои дејствувале од базата во Естонија, во рамки на засилените воздушни патроли на НАТО долж источните граници на Алијансата.

Мелони во Белата куќа: „Со САД мора да се сретнеме на половина пат“

Во четвртокот вечерта, во Белата куќа се одржа билатерална средба помеѓу американскиот претседател Доналд Трамп и италијанската премиерка Џорџа Мелони. Разговорот помина зад затворени врати, во четири очи, а по средбата имаше кратки изјави за медиумите.

Трамп со пофалби, Мелони со јасни позиции

Трамп не штедеше пофалби за Мелони, нарекувајќи ја „вистински светски лидер“ и „одличен премиер“. Рече дека ја следи уште од почетокот на нејзината политичка кариера и дека е импресиониран од тоа како ја води Италија.

Мелони, од своја страна, порача дека е во Вашингтон со јасна мисија – да работи на тоа Западот да биде пообединет и посилен.

– Нашите економии се поврзани, имаме заеднички вредности и мора да најдеме конкретни резултати што ќе не зајакнат како сојузници – изјави таа.

Спомена и што прави Италија во борбата против илегалната миграција и синтетичките дроги, каде што, како што рече, нејзината земја е на првата линија – особено во справувањето со фентанилот.

Царините и Европа – главна тема

Прашањето за царините беше меѓу најважните теми. Мелони порача дека не може да биде посредник во име на цела ЕУ, но истакна дека е тука да се најде „начин да се сретнеме на половина пат“.

Трамп беше решителен:

– Сто отсто сум сигурен дека ќе постигнеме договор со Брисел – изјави тој, додавајќи дека работи на тоа Америка да ги среди бројните проблеми со криминалот и имиграцијата.

Мелони го покани Трамп во официјална посета на Италија – покана која тој веднаш ја прифати. Таа додаде дека ќе се потруди да организира и средба со европските лидери за време на неговата посета.

Наместо прес-конференција – порака за заедништво

Иако немаше формална прес-конференција, Мелони од Овалната соба испрати јасна порака: треба да се изградат мостови помеѓу Европа и Америка.

– Да ги ставиме на маса нашите барања и потреби и да се најдеме на половина пат – рече Мелони, нагласувајќи дека разговорот со Трамп отворил теми што можат заеднички да се решаваат.