Американската агенција за безбедност во цивилното воздухопловство (НТСБ) денеска ги објави резултатите од истрагата за падот на хеликоптерот во кој загина 41-годишниот Коби Брајант на 26 јануари минатата година.

Легендарниот кошаркар на Лос Анџелес Лејкерс патувал со својата ќерка Џана и уште шестмина патници од округот Оринџ, Лос Анџелес до округот Вентура на младински турнир во кошарка. Кога стигнал до долината Фернандо, пилотот наишол на густа магла и облаци и набргу се срушил. Во несреќата загинаа сите девет лица во авионот.

Истражителите заклучиле дека хеликоптерот Сикорски С-76 немал никакви технички дефекти и дека пилотот со своите потези бил директно одговорен за несреќата.

Пилотот Ара Зобајан објави дека хеликоптерот се кревал над облаците непосредно пред да се сруши хеликоптерот, а истрагата покажала дека во тој момент, хеликоптерот ја губел висината во ридското подрачје. Пилотот бил целосно дезориентиран, не можејќи да каже дали леталото се искачува или се спушта и на која страна се навалува. Дезориентацијата била предизвикана од густите облаци и магла кои покрај ридскиот терен биле фатални.

Зобајан бил искусен пилот кој често ги превезувал Брајант и неговото семејство со хеликоптер, а на истражителите не им е јасно зошто летал во магла кога можел да користи други правци за безбедно пренесување на патниците.