На 07.11.2024 во периодот од 11.00 до 15.00 часот, полициски службеници од СВР Тетово извршиле акциска контрола за откривање и санкционирање на возачи и возила кои вршат јавен превоз на патници. Притоа, на булевар „Илинденска“ биле затекнати патничко возило „фолксваген туран“ со тетовски регистарски таблички, управувано од К.Б.(69) од Тетово, патничко возило „фолксваген пасат“ со тетовски регистарски таблички, управувано од И.Н.(64) од с.Челопек, тетовско и патничко возило „фолксваген пасат“ со тетовски регистарски таблички, управувано од У.Р.(70)  од Тетово, кои вршеле јавен превоз на патници без да поседуваат лиценца издадена од надлежен орган. По документирање нас случаите, против нив ќе бидат поднесени соодветни поднесоци.

На 07.11.2024 во 16.20 часот во Полициското одделение Групчин бил лишен од слобода и задржан А.А.(71) од с.Желино, тетовско. Тој претходно бил пријавен дека во плац од правен субјект во с.Желино физички ги нападнал Р.У.(38) и Ј.К.(19), двајцата од Тетово, при што употребил и дрвен предмет. По целосно документирање на случајот, против него ќе следува соодветна пријава.

На 07.11.2024 во 17.20 часот на улица „Љубо Божиновски  Пиш“ во Тетово, полициски службеници од СВР Тетово го лишиле од слобода А.Е.(61) од Тетово, кој околу 14.40 часот бил пријавен од сопругата на неговиот 68 – годишен брат дека агресивно се однесувал кон неа и ѝ се заканувал. Тој е задржан во полициска станица и по документирање на случајот против него ќе следува соодветен поднесок.