Принцот Вилијам, наследник на британскиот престол, ја искористи својата посета на Естонија како директна политичка порака, нагласувајќи ја решеноста на Велика Британија да спречи било каква руска агресија.

Неговата посета беше дел од поддршката за британските војници кои учествуваат во најголемото странско распоредување на британската армија во регионот, кои се наоѓаат на источното крило на НАТО и ги штитат земјите од Балтичкиот регион од потенцијалната закана од Русија.

Во петокот, принцот Вилијам го посетил воениот полигон, каде што набљудувал воени маневри и опрема на терен. Тој бил облечен во маскирна униформа и со воено возило, тенкот Челинџер 2, ја демонстрирал својата поддршка за британските војници.

Принцот исто така ја обиколил групата од 900 британски војници кои учествуваат во операцијата Кабрит, дел од контрибуцијата на Британија за безбедноста и одбраната на НАТО.

Тој разговарал со војниците и прашал за нивното искуство, посебно за безбедносната ситуација на терен и дали близината на Русија прави нивната мисија да изгледа поважно и пореално отколку претходните вежби.

Посетата вклучила и фокус на менталното здравје на војниците, каде принцот го прашал персоналот за напредокот на разговорите за оваа тема во војската, која сѐ повеќе добива поддршка.

Со минута молк утре во 12 часот Солун ќе им оддаде почит на 59-те трагично загинати во дискотеката „Пулс“ во Солун.

Во трагичниот пожар на 16.03.2025 година загинаа 59 лица, околу 200 се повредени. Во текот на вчерашниот ден беа погребани сите починати, најголем дел во Кочани, но погреби имаше и во Штип, Скопје, Виница, Македонска Каменица, Чешиново и Облешево, Струмица…

Во Македонија беше прогласена седумдневна жалост. 

Срѓан Ного беше сослушан во Вишото јавно обвинителство во Белград поради постоење основи на сомнение дека сторил кривично дело Повикување на насилна промена на уставниот поредок од член 309 од Кривичниот законик.

Обвинителството по рочиштето му предложи на судијата на претходна постапка да му одреди мерка притвор на осомничениот за да се спречи во краток рок да го повтори кривичното дело.

Постојат основи за сомневање дека Срѓан Ногму се заканувал на претседателот на Република Србија со смрт, како и дека ги повикувал граѓаните да убиваат припадници на Министерството за внатрешни работи.

Ного во македонската јавност стана познат кога минатата година на својот Јутуб канал објави снимки и теории за исчезнувањето и убиството на Панче Жежовски и Вања Ѓорчевски. Тој тврдеше дека таткото на Вања, Александар е наместен од страна на полицијата.Според Ного, Александар, а не полицијата практично открил кој ја киднапирал Вања. Ного меѓу првите објави и снимка од „цитроенот“ на Панче Жежовски.

Голем дел од неговите тврдења во снимките поврзани со таткото на Вања се покажаа како точни.