Инфо +

Србија е во војна со мафијата, кланот на Беливук бил посилен од Земунскиот (Видео)

Премиерката на Србија, Ана Брнабиќ, на денешната вонредна прес-конференција зборуваше и за случајот со неодамна уапсениот Вељко Беливук, односно за луѓето од државниот врв кои му помагаа.

Според неа, кланот бил увезен од Црна Гора во Србија, и дека групата на Беливук била посилна од Земунскиот клан. Таа истакна дека акцијата за апсење на бандата е најголема по „Сабја“ во која беа разбиени „Земунците“ и била спроведувана со месеци и навреме, оти ако не било така кланот можеби ќе извршел злосторство какво што беше убиството на поранешниот премиер Зоран Ѓинџиќ.

-Мислам дека е очигледно дека во целиот овој процес, некој што работел за државата, работел и за мафијата. Претседателот јасно стави до знаење дека имаме такви сомнежи и дека не смеат да се толерираат. И тогаш започна истрагата. Мафијата имаше некој во државните структури – во Министерството за внатрешни работи и можеби во некои други структури на државната безбедност. Сега го истражуваме сето тоа, рече Брнабиќ.

Таа потенцира дека кој не ја заврши својата работа ќе биде строго санкциониран, бидејќи ниту една мафија не може да биде посилна од државата.

-Кога ги имавме првите информации, претседателот објави војна против мафијата. Никој не се криеше. Веднаш штом ги имавме информациите, дадовме зелено светло да ја започнеме оваа борба, а резултатот беше падот на кланот, рече премиерката.

Таа рече дека се уште се плаши за безбедноста на претседателот Александар Вучиќ зошто е природно тој да е загрозен бидејќи евиден како фигура која обезбедува стабилност на државата, политичка и економска па поради тоа постојат многу луѓе во земјата и во странство на кого не му одговара стабилн и силна Србија.

На новинарско прашање дали има нови информации во случајот Беливук, премиерката кратко потврди, но истакна дека во овој момент не може да каже повеќе за тоа, бидејќи истрагата продолжува.

Видео на следниот линк: https://www.youtube.com/watch?v=7fZv0RVHea4

Балкан

Драма во Србија: БМВ се заби во камион, возачот со цигара тврди: „Не знам, ме удри камион“ (ВИДЕО)

Рано утрово на Обреновачки пункт се случи сообраќајна несреќа во која автомобил БМВ се судри со камион. На социјалните мрежи се појави видео од возачот на БМВ, кој, со цигара во рака и траги од крв на облеката, на прашањето „Што направи?“ одговорил: „Не знам, ме удри камион. Многу силно.“

Според извештајот на станицата „Србија Сад“, возачот на БМВ претходно возел агресивно, менувајќи ленти и речиси предизвикувајќи други инциденти. На крајот, автомобилот удрил во камионот, а наводно возачот дури се фалел со тоа.

Полицијата соопшти дека во несреќата тешко е повреден 46-годишен маж, кој е пренесен во Ургентниот центар. Возачот на камионот (38) се здобил со повреда на раката, но одбил транспорт до болница.

Судирот предизвикал голема материјална штета – предниот дел на БМВ е згмечен, додека камионот е делумно оштетен и завршил со предниот дел деформиран од силата на ударот.

Видеото може да го погледнете тука

Свет

Макрон и се закани на Кина – Ова се деталите

Францускиот претседател Емануел Макрон предупреди дека Европската Унија може да воведе царини за кинеските производи доколку Пекинг не преземе конкретни чекори за намалување на трговскиот дефицит. Според француските медиуми, по официјалната посета на Кина, Макрон го заострил тонот и најавил дека Европа нема да остане пасивна.

Како што го цитира „Ле Фигаро“, претседателот истакнал дека ЕУ мора да размислува за протекционистички мерки доколку Кина не се обврзе да го запре економското нерамнотежје, кое го смета за „критично за иднината на Европа“.

„Им порачав дека ако не реагираат, ние Европејците ќе мораме наскоро да преземеме решителни мерки, слични на тие на САД, и да воведеме царини за кинески стоки“, изјави Макрон по враќањето од Пекинг.

Тој предупреди дека европскиот индустриски модел е под закана, особено секторите што историски се потпираат на автомобилската индустрија и машинските алати. Според него, дополнителен проблем се и високите американски царини кон Кина, воведени од претседателот Доналд Трамп, кои, како што вели, ги пренасочуваат кинеските производи кон европскиот пазар.

Макрон подвлече дека намалувањето на трговскиот јаз бара и ангажман од европска страна – преку привлекување кинески инвестиции, но под јасни правила. „Кинеските компании мора да инвестираат во Европа, но без создавање зависност или доминација“, истакна тој.

Секторите во кои се бара рамноправен пристап опфаќаат производство на батерии и електрични возила, преработка на литиум, ветерна енергија, електроника, рециклирачки технологии, индустриска роботика и современи компоненти.

Францускиот претседател смета дека ЕУ мора да ја заштити својата автомобилска индустрија од притисокот на кинеските електрични возила, истовремено вложувајќи во конкурентност и иновации. „Тоа бара поедноставување и зајакнување на единствениот пазар, вложување во нови технологии, фер заштита на границите, довршување на царинската унија и прилагодување на монетарната политика“, додаде Макрон.

Балкан

Банско се поклони пред Никола Вапцаров по повод 116 години од неговото раѓање

Денес пред споменикот на поетот Никола Вапцаров во Банско, деца, млади, возрасни и пензионери се поклонија пред делото на великанот од градот.

По повод 116 години од неговото раѓање, јавни личности, претставници на локалните институции, ученици и граѓани положија венци и цвеќе како знак на почит и признателност.

Делото на Вапцаров останува живо и денес, како неизбежен дел од духот, историјата и идентитетот на Банско.