Технологија

Слета роверот што ќе испитува траги на живот на Марс, во НАСА пресреќни!

Роверот „ Perseverance “ на НАСА вечерва слета на Марс по седум месеци патување и поминати 468 милиони километри.

Тоа е најамбициозната и технолошки најсофистицирана мисија на Марс што може да понуди дефинитивни одговори на прашањето дали некогаш имало живот на Марс.

Стотиците членови на инжинерскиот тим со силен аплауз го поздравија комплицираното слетување на роверот , точно во 21. 57 по средноевропско време.

Директниот пренос од контролата на мисијата на НАСА започнува во 20:15 часот, а слетувањето се очекуваше во 21:55 часот. Набргу по слетувањето, роверот треба да ги испрати своите први фотографии од површината на Марс, но тие ќе бидат со низок квалитет. НАСА подоцна ќе објави видео од слетувањето.

Бидејќи сигналот, кој патува со брзина на светлината, трае 11 минути помеѓу Марс и Земјата, роверот со големина на џип веќе ќе стигне на површината на Марс, недопрен или не, додека контролата на мисијата го прима сигналот за влез во атмосферата.

Слетувањето ќе биде сè, но не лесно. Вселенско летало со повеќе делови што влегува во Марсовата атмосфера со огромна брзина мора совршено да изврши комплексна серија на маневри и да забави при спуштањето за да избегне опасност од површината и лесно да го постави роверот на неговите шест тркала.

Процесот вклучува ризично отворање на падобран со суперсонична брзина и „Скај кран“, беспилотно летало со ракетен погон што треба да се оддели од леталото, да лета до местото за слетување и безбедно да го спушти роверот пред да се сруши на површината на Марс на безбедно растојание.. Целиот процес треба да се одвива во неверојатен интервал што инженерите на НАСА на шега го нарекуваат „седум минути терор“.

Технологија

Google ја укинува омилената апликација – еве со што ќе биде заменета

Google ќе го укине Google Assistant на повеќето Android уреди почнувајќи од почетокот на следната година, како дел од планот за замена на гласовниот помошник со новата вештачка интелигенција Gemini.

Google Assistant, лансиран во 2016 како конкурент на Apple Siri и Amazon Alexa, ќе биде надграден со Gemini, кој ќе се користи и на таблети, автомобили, слушалки, часовници и паметни куќни уреди. Новиот систем ќе овозможува природно гласовно управување и исти команди како претходниот помошник.

Google исто така претстави Gemini Home AI за паметни куќни уреди, а новиот Google Home Speaker се очекува во пролет 2026. Google Assistant ќе остане активен до март 2026, по што корисниците ќе бидат целосно префрлени на Gemini.

Претходно услугата се викала Bard, но беше ребрендирана во Gemini почетокот на 2024, кој сега покрива и AI модели и домашни уреди.

Технологија

На ChatGPT и требаат 200 милијарди долари да продолжи со операциите

Според најново истражување на HSBC, OpenAI, сопственикот на ChatGPT, би можел до 2030 година да треба да обезбеди околу 207 милијарди долари за продолжување на своето работење, поради растечките трошоци за компјутерска инфраструктура и глобалната трка во областа на вештачка интелигенција.

Приходите се очекува да достигнат околу 129 милијарди долари, додека трошоците за cloud инфраструктура би можеле да достигнат 800 милијарди долари. ChatGPT би можел да достигне три милијарди редовни корисници, споредено со 800 милиони минатиот месец.

OpenAI во последните три години привлече големи инвестиции, а во октомври стана највредната приватна компанија во светот, проценета на околу 500 милијарди долари. Трошоците за раст се зголемуваат побрзо од приходите, што претставува ризик за компанијата и за технолошките партнери како Microsoft, Amazon и Oracle.

Технологија

Еве што најмногу ја троши батеријата на вашиот телефон

И покрај поефикасните процесори, подобрените батерии и напредните системи за управување со енергијата, батеријата на смартфоните и понатаму брзо се празни – најчесто поради начинот на кој ги користиме уредите.

Апликации во позадина

Најголеми „скриени“ потрошувачи се апликациите што работат во позадина – социјални мрежи, фитнес-тракери, па дури и тастатури. Проверете во Поставки > Батерија кои апликации трошат најмногу енергија и ограничете ја нивната позадинска активност. Намалете ја и автоматската синхронизација кај мејлови, календари и облак-сервиси.

Екранoт – најголемиот потрошувач

Осветлувањето и високата стапка на освежување значително го скратуваат траењето на батеријата. Користете адаптивна светлина наместо рачна и ограничете го освежувањето на 60Hz кога не играте игри. Темниот режим е особено ефикасен кај OLED екрани, бидејќи исклучува дел од пикселите и штеди енергија.

Паметно полнење

Современите телефони нудат функции за заштита на батеријата кои го забавуваат полнењето над 80% за да се намали долгорочното оштетување – вклучете ја оваа опција. Користете полнење со кабел кога можете и избегнувајте честo брзо полнење, освен кога сте во итност.

Со внимателни поставки и неколку навики, батеријата може да трае значително подолго без разлика на моделот на телефонот.