САД планираат да го намалат кинеското влијание на Панамскиот канал, изјави денеска американскиот министер за одбрана, Пит Хегсет, за време на официјалната посета на Панама.

По состанокот со претставниците на панамската влада, Хегсет најави зајакнување на безбедносната соработка со панамските сили и порача дека Пекинг нема да може да “го претвори каналот во оружје”, користејќи ги, како што рече, “врските на кинеските државни компании за шпионажа”.

„Кина не го изградила овој канал. Кина не управува со овој канал и нема да го милитаризира. Во соработка со Панама, која е на чело на оваа иницијатива, ќе обезбедиме каналот да остане безбеден и достапен за сите нации“, изјави Хегсет за време на говорот на пристаништето во Панама Сити, кое било обновено со помош на САД, пренесе Анадолија.

Хегсет е првиот американски министер за одбрана кој ја посетил Панама во последните неколку децении, а неговото патување следуваше по објавувањето на информации дека администрацијата на претседателот на САД, Доналд Трамп, разгледувала воени опции за да обезбеди пристап до каналот кој САД го изградиле пред повеќе од сто години и кој го предадоа официјално на Панама во 1999. година, наведува Анадолија.

Трамп повеќепати ја критикувал оваа спогодба, тврдејќи дека била неповолна за САД.

Хегсет ќе присуствува на безбедносна конференција во Панама Сити. За време на неговата посета, тој ќе се состане со панамските официјални лица, како и со министрите за одбрана на другите централноамерикански земји кои присуствуваат на конференцијата за безбедност, пренесе Ројтерс.

Од 1 јануари 2025 година, Грција воведе нова “Климатска такса” која ги заменува претходните такси за сместување. Висината на таксата зависи од сезоната и категоријата на сместувањето. Во високата сезона (април-октомври) таксата е повисока, додека во ниската сезона (ноември-февруари) е пониска.

На пример, за хотели со пет ѕвезди, таксата може да достигне до 10 евра по ноќевање во високата сезона. Туристите кои пристигнуваат со крузери на популарни дестинации како Санторини и Миконос ќе плаќаат такса од 20 евра по лице, а на други дестинации 5 евра.

Висока сезона (април – октомври):

Хотели со 1-2 ѕвезди: 2 евра по ноќевање

Хотели со 3 ѕвезди: 5 евра по ноќевање

Хотели со 4 ѕвезди: 10 евра по ноќевање

Хотели со 5 ѕвезди: 15 евра по ноќевање

Опремени соби/апартмани: 2 евра по ноќевање

Краткорочни изнајмувања (Airbnb): 8 евра по ноќевање

Одделни куќи (над 80 м²): 15 евра по ноќевање

Опремени туристички вили и резиденции: 15 евра по ноќевање (за објекти над 80 м²)

Ниска сезона (ноември – март):

Хотели со 1-2 ѕвезди: 0,5 евра по ноќевање

Хотели со 3 ѕвезди: 1,5 евра по ноќевање

Хотели со 4 ѕвезди: 3 евра по ноќевање

Хотели со 5 ѕвезди: 4 евра по ноќевање

Опремени соби/апартмани: 0,5 евра по ноќевање

Краткорочни изнајмувања: 2 евра по ноќевање

Одделни куќи (над 80 м²): 4 евра по ноќевање

Опремени туристички вили и резиденции: 4 евра по ноќевање (за објекти над 80 м²)

Таксата се наплаќа директно при пријавување или одјавување и ќе се користи за финансирање на проекти за превенција од катастрофи, адаптација на климатските промени и подобрување на туристичката инфраструктура. Дополнително, таксата за крузери во Санторини и Миконос има за цел да го ублажи прекумерниот туризам.

Оваа мера е дел од напорите на Грција да се справи со економските последици од климатските промени и да ја подобри одржливоста на туристичкиот сектор.

Вооружените сили на Украина го собориле најскапиот руски дрон “Merlin VR” на фронтот недалеку од Лиман.

Станува збор за најскапото беспилотно летело кое го поседуваат руските сили, се наведува во соопштението на Оперативно-стратешката група „Хортиција“ на украинските вооружени сили, пренесува порталот News Ukraine.

Украинските противвоздушни сили од 63-та бригада и 45-та посебна артилериска бригада учествувале во соборувањето на непријателскиот дрон во областа на Лиман.

И покрај напорите на механизираната бригада и артилериските единици, украинските трупи не успеале да стигнат до местото на падот на леталото, но сепак направиле фотографии од уништениот руски дрон.

Дронот „Merlin VR“ е најскапиот дрон во составот на руските вооружени сили, и еден чини околу 300.000 долари. Овој експериментален извинички дрон може да лета на висина од 5.000 метри и да остане во воздух до 10 часа. Неговиот дострел е 600 километри.

И покрај техничките способности, не успеал да помине неоткриен и да ја заврши својата мисија, наведуваат украинските извори.

Погледнете го видеото во продолжение: