Денеска во 10:06 часот, на регионалниот пат Зрновци – Пониква, се случила сообраќајна незгода во која учествувале службено возило „дефендер“ сопственост на Министерството за внатрешни работи (МВР) и патничко возило „опел корса“ со скопски регистарски ознаки, управувано од 31-годишниот А.Б. од Скопје.

Во несреќата повредени се сопатниците од „опел корса“ – жена со иницијали Е.С.Б. и четиригодишно дете, и двајцата од Скопје. Повредите биле пријавени како телесни, но степенот на сериозност сè уште не е прецизиран.

„На местото на несреќата извршен е увид од јавен обвинител и екипа од полициската станица Кочани, во присуство на претставник од Одделот за внатрешна контрола, криминалистички истраги и професионални стандарди“, велат од полицијата.

Полицијата ги истражува околностите кои довеле до судирот, а повеќе информации се очекуваат во наредните денови.

Министерот Стoилковиќ рече дека е згрозен од неодговорното управување со ресурсите на Министерството, нагласувајќи дека штетата врз овој луксузен автомобил е само еден пример за системските злоупотреби.

Министерот за односи меѓу заедниците, Иван Стoилковиќ, откри нови злоупотреби со имотот на Министерството, посочувајќи дека службено возило БМВ вредно 60 илјади евра било пронајдено во катастрофална состојба во сервис за поправка.

– Возилото, кое било предадено на сервис, сега личи на ‘искубана кокошка’. Делови од него, вклучително и вратите, се извадени и користени за други потреби на сервисот. Министерството за внатрешни работи е веќе вклучено во истрагата, но нема записници за предавањето на возилото. Сведоците тврдат дека автомобилот бил предаден во совршена состојба – изјави Стoилковиќ.

Министерот рече дека е згрозен од неодговорното управување со ресурсите на Министерството, нагласувајќи дека штетата врз овој луксузен автомобил е само еден пример за системските злоупотреби.

– Сервисот очигледно го користел автомобилот за свои потреби. Истрагата ќе покаже какви злоупотреби се направени – додаде тој, истакнувајќи дека јавноста ќе може да процени откако ќе ги види фотографиите од оштетеното возило.

44-годишниот К.К. започнал насилство кое траело цели два часа, напаѓајќи ги родителите, соседите и случајните минувачи. Во немилите настани, еден сосед завршил со повреди на главата, додека друг, од стресот, доживеал срцев удар.

Жителите на скопската населба Ченто се вознемирени по немилиот настан кој се случил на 22 јануари годинава, кога 44-годишниот К.К. започнал насилство кое траело цели два часа, напаѓајќи ги родителите, соседите и сите што ќе ги сретнел на улица.

Како резултат на неговото дивеење, еден сосед завршил со повреди на главата, додека друг, поради големиот стрес и страв, доживеал срцев удар, сведочат граѓани кои биле сведоци на двочасовното насилство.

Инцидентот започнал рано наутро, околу 8 часот, кога К.К. прво ги нападнал своите родители во нивниот дом. Потоа, продолжил со дивеење низ зградата каде што живее, влегувајќи во домовите на двајца соседи и напаѓајќи други жители.

„Додека напаѓачот дивеел низ зградата и надвор од неа, биле нападнати околу 15 лица, од кои 10 поднеле пријави до полицијата. Еден од жителите бил удрен со шише по главата, додека друг доживеал срцев удар од силниот стрес“, раскажува скопјанка чие живеалиште се наоѓа во близина на местото каде што се случувало насилството.

Таа вели дека од тој момент живее во постојан страв.

„Нам ни рекоа да си ги држиме вратите заклучени и тоа е тоа. Таков е законот, велат. Но што ако утре се повтори? Живееме во страв“.

Од полицијата за Плусинфо ни одговорија дека се запознаени со случајот кој бил пријавен во полициската станица Гази Баба и веднаш било интервенирано.

„Ве известуваме дека на 22.01.2025 во Полициската станица Гази Баба, четири лица пријавиле дека нивен сосед упатувал закани, тропал по врати и ги вознемирувал. Веднаш по пријавување на настанот, полициски службеници излегле на местото и го лишиле од слобода лицето, кое подоцна било пренесено во здравствена установа“, велат од Министерството за внатрешни работи (МВР) за Плусинфо.

Оттаму додаваат дека со ваквото однесување лицето сторило прекршок по Законот за прекршоците против јавниот ред и мир.

„Лицето и претходно престојувало во здравствена установата, а по барање на семејството и даден извештај од лекар повторно било вратено во установата“, ни рекоа од полицијата.

Извор: Plusinfo.mk