И денеска жителите на Битола, Кичево, Струмица, Кавадарци, Охрид, Тетово и дел од скопските општини дишат загаден воздух, а концентрациите на отровните честички се и неколкукратно над дозволените гранични вредности, покажува државниот автоматски мониторинг систем. Додека граѓаните се жалат на сериозни здравствени проблеми, надлежните доставуваат извештаи за засилени инспекциски контроли, но загадувањето не се намалува. Како што информира Министерството за животна средина 11 општини до нив испратиле  извештаи за спроведени активности. Во Битола по  извршените инспекциски надзори  опомени добиле  неколку индустриски капацитети  кај кои е утврдено дека ги  надминуваат дозволените емисии.

„Од страна на акредитиран субјект извршени се мерења на емисии во воздух при што е констатирано дека кај  МЛЕКАРА  Битола и ЛАЦТАЛИС  Битола каде како енергенс се користи мазут, има надминување на дозволеното ниво на емисии NOx (азотни оксиди), а кај КВАСАРА БИТОЛА каде како енергенс се користи дрво, има надминување на CO (јаглерод моноксид), за што им се изречени опомени. Исто така, при вонредните надзори на четири пекари констатирано е дека сите користат исклучиво огревно дрво“, се наведува во соопштението на Министерството за животна средина 

Во Општина Гази Баба при контрола на загревањето кај мали сервиси  инспекторите затекнале согорување на отпад, а затекнале и физички лица како горат гуми и електрични кабли и изречени им се казни, додека три домаќинства кои согорувале дрвен отпад добиле опомени.

Општина Кисела Вода изрекла две казни на физички лица за горење на отпад на отворено, додека општина Илинден во неколкуте рутински контроли на отворен простор на подрачјето на општината не утврдила неправилности. Извештаи за извршени инспекциски надзори на неколку капацитети кои користат фосилни горива доставиле и општините Охрид и Тетово, но нема информации за утврдени неправилности или изречени санкции.

Почитувани тетовчани,

Во изминативе денови, сведоци сме на лажната загриженост од политичките опоненти на поранешната криминална и предавничка власт кои до неодамна безмилосно ги распродаваа националните и државни интереси, а сега шират дезинформации и ги вознемируваат граѓаните на Тетово.

Да потсетиме дека истите тие пред само една година ширеа пропаганда дека ќе се руши крстот на Попова Шапка, а денес истиот крст не само што не е отстранет и срушен, туку крстот гордо стои на Попова Шапка.

Да го искажеме нашиот став во врска со промената на имињата на улиците во Тетово :

1. Сакаме да ги информираме граѓаните дека ние како советничка група на ВМРО-ДПМНЕ прифаќаме да дискутираме единствено за улиците кои немаат име, како и за улиците кои се евидентирани само со број (исклучиво само доколу тоа е прифатливо за населението кое живее на таа улица), а притоа почитувајќи ја соодветната и правична застапеност на заедниците во Тетово, се со цел решавање на проблемот со немање на куќен број и име на улица на голем број на улици во Тетово
2. Прифаќаме да разговараме да се изготви предлог листа на имиња која би се доставила до Владата на РМ, но притоа во таа листа не смее да се најде ниту едно име со кое ќе се наруши угледот на Република Македонија, ќе се повредат националните чувства на граѓаните и ќе се нарушат меѓучовечките и меѓуетнички односи помеѓу заедниците кои живеат во Тетово
3. Дополнително, сакаме да потенцираме дека единствено по претходно добиена согласност од Владата на Република Македонија, листата на имиња може да ја утврди Советот на општината. Определувањето име на улица може да се врши само со одлука донесена од советот на општината со мнозинство гласови од присутните членови на советот на општината, при што мора да има мнозинство гласови од присутните членови на Советот кои припаѓаат на заедниците кои не се мнозинско население во општината. (Бадинтерово мнозинство)

И уште еднаш, по кој знае кој пат да повториме дека ВМРО-ДПМНЕ никогаш нема да постапи спротивно на македонските национални интереси

Со почит.
Советничка група на ВМРО-ДПМНЕ во Советот на Општина Тетово

Синоќа во 23.50 часот во СВР Скопје, И.А.(41) од Скопје пријавила дека околу 18.50 часот на автобуска постојка на подрачјето на Ѓорче Петров, нејзините две малолетни ќерки биле физички нападнати од две други малолетнички.

Полицијата соопшти дека се преземаат мерки за расчистување на случајот.