Претседателката на Република Македонија, Гордана Сиљановска-Давкова, присуствуваше на свечената академија по повод 10-годишнината од основањето на Средното училиште на Град Скопје „Шаип Јусуф“.

Таа ја истакна важноста на образованието и постигнувањата на учениците, нагласувајќи дека вложениот труд на наставниците и учениците е препознаен и вреднуван. Во рамките на настанот беше прикажан документарен филм за патронот на училиштето, а училишниот оркестар ја воодушеви публиката со својата изведба.

Сиљановска-Давкова упати честитки до учениците, наставниците и наградените, истакнувајќи ја својата гордост за нивниот успех.

Дваесет и двегодишна скопјанка вчера била удрена од такси возило откако одбила за превозот од центарот на градот до Чаир да плати 700 денари.

Од Министерството за внатрешни работи денеска информираа дека околу 05:15 часот, 22 годишната Е.Т. се качила во такси возило без ознаки и откако ситгнале во Чаир каде требало да се симне, возачот и побарал да плати 700 денари по што таа одбила со образложение дека тоа се премногу пари.

Во моментот кога почнала да се симнува од возилото, возачот го стартувал возилото по што девојката паднала, а тој се вратил наназад со возилото и ја удрил.

– Е.Т. побарала лекарска помош во Комплексот клиники „Мајка Тереза“. Се преземаат мерки за расчистување на случајот, се наведува во информацијата објавена во дневниот билтен на МВР.

Министерството за внатрешни работи и Јавното обвинителство потврдуваат дека во тек се повеќе полициски акции на територија на земјава, но повеќе детали најавуваат по завршување на акциите.

– Во тек се дејствија на меѓународен заеднички истражен тим, кој на наша територија е координиран од Основното јавно обвинителство за гонење на организиран криминал и корупција. Во тек се повеќе полициски и други дејствија и во овој момент не можат да бидат споделени повеќе детали за да не се наруши постапката. Штом завршат оперативните дејствија, вклучените институции координирано ќе ја информираат јавноста, велат од Јавното обвинителство.

И од Министерството за внатрешни работи за МИА потврдија дека во тек е полициска акција, но повеќе информации најавуваат по завршување на акцијата.

Според дел од медиумите, се работи за акција за откривање и запленување на фалсификувани пари.