Претседателот на државата Стево Пендаровски на прес конференција се заблагодари на соседна Србија за имунизацијата на македонските граѓани, но порача дека тоа е срам за нашата држава.

„Сликите кои ги гледавме изминатиот викенд во соседна Србија тоа најдобро го илустрираат, и такви слики едноставно не смеат да се повторат. Благодарност до Србија но тоа беше срам за државата наша“, вели Пендаровски.

Шефот на државата додава дека едноставно државата мора да најде начин своите граѓани да ги вакцинира и да им прижи здравствена заштита во државата – пренесе ТВ21.