Нуркачите од дното на едно руско езеро го извлекле телото на 43-годишен Русин, кого неговата сопруга цела ноќ неуспешно се обидувала да го добие.

Мажот заминал од дома претходната вечер, откако се скарал со сопругата за нејзината мајка.

Според медиумите, жената во петокот наутро отишла во полиција велејќи дека телефонот на нејзиниот сопруг е исклучен. Фактот што мажот не контактирал повеќе од 8 часа бил алармантен.

Несреќниот човек ги изгубил нервите кога сопругата му рекла дека мајка ѝ доаѓа на гости за Велигден. Московјанецот бил толку вознемирен од оваа вест што се скарал со својата сакана и ја предупредил дека ќе оди до езерото и ја треснал вратата.

До утрото сопругата не добила никаква вест од него. Кога повикала полиција, нуркачите почнале да трагаат и го извлекле телото на несреќниот маж од водата.

Авион на „Делта ерлајнс“ кој требаше да полета од пистата на аеродромот во Орландо попладнево ненадејно се запали, поради што патниците беа евакуирани.

Шокантна видео снимка го прикажува моментот кога патнички авион се запалил додека бил паркиран на пистата.

Од него одеднаш почна да излегува чад, објави Ерлајв. Патниците биле итно евакуирани. 

Неофицијално, пламенот избувнал од еден од моторите на авионот.

Украинскиот претседател Володимир Зеленски ја обвини Русија дека го прекршила Велигденскиот прекин на огнот повеќе од 2.000 пати, но исто така нагласи дека немало руски воздушен напад во текот на денот.

„Руската армија го прекрши примирјето што го прогласи (Владимир) Путин повеќе од 2.000 пати. Сепак, денеска немаше предупредување за воздушен напад“, рече Зеленски на Телеграм.

Зеленски предложи да се продолжи примирјето за триесет дена кога станува збор за напади со беспилотни летала и ракетни напади врз цивилната инфраструктура.

„Доколку Русија не се согласи на таков чекор, тоа ќе биде доказ дека планира да продолжи со она што уништува човечки животи и ја продолжува војната“, напиша Зеленски на X.

Кремљ претходно објави дека рускиот претседател Владимир Путин не издал наредба за продолжување на велигденскиот прекин на огнот во Украина.

Руското Министерство за одбрана објави дека Украина повеќе од илјада пати го прекршила примирјето.