Без електрична енергија утре ќе бидат корисниците од дел од општините Аеродром, Сарај и Кисела Вода, а задутре корисниците од Општина Карпош.

Како што информираат од Регионалниот центар за управување со кризи на Град Скопје, поради планирани зафати во електро дистрибутивната мрежа, без напојување со електрична енергија, утре од 7:00 до 16:00 часот ќе бидат корисниците од улиците „Божин Николов“, „Хаџи Трајко“ и „Горно Лисиче“, во делот кон селото Долно Лисичче.

Од 8:30 до 16:00 часот, корисниците од објектите во околината на Езеро – Треска во Сарај, а од 11:00 до 15:00 часот без струја ќе бидат корисниците од дел од улицата „Милан Мијалковиќ“.

Во вторник, 24 декември, од 19:00 до 12:00 часот без струја ќе бидат корисниците од дел од улицата Струшка во Општина Карпош.

Мигрантите играат сè поважна улога на пазарите на труд со високи плати, според податоците објавени неодамна од Меѓународната организација на трудот (МОТ) со седиште во Женева.

Во Северна, Јужна и Западна Европа, уделот на вработени мигранти се зголеми меѓу 2013 и 2022 година од 22,5 отсто на 23,3 отсто.

Уделот на мигрантите во работната сила е особено висок во Европа, Северна Америка и арапските земји.

Дел од причината е стареењето на населението во овој регион. Мигрантите ги преземаат работните места на пензионираните, а побарувачката за старатели за стари лица расте.

Терминот „мигрант“ се однесува на секој кој работи надвор од својата матична земја.

Добри две третини од нив се вработени во услужните дејности, во споредба со приближно половина од домашното население, покажуваат податоците.

Во 2022 година, учеството на мигрантите во вкупната работна сила во светот беше 4,7 проценти. МОТ го процени вкупниот број на мигранти во светот на 284,5 милиони. Околу 255,7 милиони биле постари од 15 години, значи работоспособни. Од нив, 167,7 милиони се вработени, 30 милиони повеќе од 2013 година.

Курир.рс

Градоначалникот на Битола, Тони Коњановски, денес ја отвори новата зимска манифестација „Зимска приказна“ на Пелистер, која ја обедини природата, традицијата и заедницата. Со повеќе од 1.000 посетители и учество на над 20 локални производители, настанот претставува голем успех за промоцијата на зимскиот туризам во Битола и околината.

„Ова не е само уште еден настан – ова е симбол на љубовта кон нашата Баба Планина и кон сè што таа претставува за нас. Битола го отвора своето срце за сите љубители на зимата, авантурите и автентичната македонска традиција,“ изјави Коњановски.

Кулминацијата на денот беше отворањето на „Куќа имам на Пелистер“, инспирирана од стиховите на Јонче Христовски, која ќе стане нов симбол на зимските манифестации во регионот.

Од лизгалиштето во центарот на Битола до снежните авантури на Пелистер, оваа иницијатива создаде нови можности за локалните производители и за развој на туризмот.

„Битола станува нова зимска дестинација. Благодарност до Националниот парк Пелистер, локалните производители и сите што помогнаа да ја оживееме оваа идеја. Заедно ја пишуваме новата зимска приказна на Битола,“ додаде Коњановски.

Со планови за проширување на настанот и во наредните години, „Зимска приказна“ има потенцијал да стане централна точка на зимскиот туризам во Македонија.