Што ќе се случи со најкористениот модел на вештачка интелигенција во светот?

Најбогатиот човек на светот, Елон Маск, изјави дека ја повлекува понудата за превземање на непрофитната компанија Open AI за 97,4 милијарди долари, но под еден услов.

Маск изјавил дека ќе ја повлече понудата доколку управниот одбор на калифорниската фирма “ја зачува мисијата за добротворна организација” и се сопре трансформацијата во копорација ориентирана само кон профит.

Во денешниот извештај на американскиот суд во Калифорнија, се наведува дека понудата на Маск да ја купи непрофитабилната организација е сериозно, но дека е спремен да се откаже во случај фирмата и понатаму да сака да ја сочува својата првобитна непрофитабилна стратегија.

Калифорниската компанија за развој на вештачка интелигенција Open AI е основана во 2015 како непрофитабилна организација, а Маск беше еден од нејзините основачи.

Фирмата во 2019 година, после заминувањето на Маск креираше помали одделение за ограничен профит, но непрофитабилното оделение Open AI и понатаму е единствениот контролен акциониер во целата групација.

Open AI во моментов е во процес на реструктурализација во традиционална компнија ориентирана на профит, а Маск, според зборовите на властите, сака да го сопре целиот процес за кој смета дека е предавство на првобитните принципи.

“Ја дизајниравме структурата во Open AI така што ќе можеме да изградиме општа вештачка интелигенција која е безбедна и корисна за целото човештво” се наведува на веб страницата на компанијата.

Фирмата нагласува дека од почетокот било јасно дека проектот ќе бара огромен капитал и дека наскоро се покажало дека донациите нема да бидат доволни, така што се најави основање на профитна организација која би ги следела првобитните цели.

Компанијата на Илон Маск ќе го гради проектот Дубаи луп.

Престолонаследникот на Дубаи, шеикот Хамдан бин Мохамед бин Рашид ал-Мактоум во петокот потпиша договор за изградба на проектот Дубаи луп со инфраструктурната компанија на Илон Маск, компанијата Boring, објави Канцеларијата за медиуми во Дубаи.

Проектот меѓу Управата за автопати и транспорт и компанијата на Маск има капацитет од 160.000 патници на час и должина на патеката која надминува 100 километри (62 милји), се вели во соопштението.

Дубаи луп е брза транзитна мрежа.

Подземниот транспортен систем долг 17 километри ќе има единаесет станици и е дизајниран да превезува повеќе од 20.000 патници на час.

Проектот ќе овозможи директно патување до одредишната станица без застанување помеѓу. Патувајќи со брзина до 160 километри на час, ќе се напојува од електрични возила.

Илон Маск претходно ги потврди плановите за партнерство со Дубаи за развој на проектот, додека зборуваше на самитот на светските влади, преку видео врска, во четвртокот.

Футуристичкиот транспортен систем ќе ги поврзе главните центри низ Дубаи, намалувајќи го времето на патување помеѓу клучните точки во емиратот на само неколку минути.

Ерик Шмит со предупредување до светот поврзано со развојот на вештачката интелигенција.

Ерик Шмит, поранешниот извршен директор на Google, изрази сериозна загриженост за ризиците поврзани со развојот и злоупотребата на вештачката интелигенција (ВИ) од земји кои претставуваат значителни безбедносни закани.

Според него, земји како Северна Кореја, Иран и Русија можат да користат технологии со вештачка интелигенција за да развијат биолошко оружје или да ги искористат за други опасни намери.

Шмит ја нагласи потребата од внимателен владин надзор над технолошките компании кои развиваат напредни модели на ВИ, но исто така предупреди дека прекумерната регулација може да го забави напредокот на иновациите во овој сектор. Тој ја поддржа политиката на САД за контрола на извозот на моќни микрочипови, кои се основа за многу системи за ВИ, за да се спречи брзиот напредок на ривалските земји во оваа област.

Еден од најголемите ризици што Шмит ги посочи е можноста за „биолошки напад од злонамерни актери“, кои можат да злоупотребат ВИ за да создадат катастрофални последици. Тој изрази загриженост дека ВИ би можела да биде користена од страна на „злонамерни личности“ за да им наштетат на невини луѓе, на што се потсети на нападите на 11 септември и терористичките акции на Осама бин Ладен.

Иако Шмит е за регулирање на ВИ, тој нагласи дека важно е да се најде баланс помеѓу владината контрола и поддршката на иновациите. Според него, приватните компании играат клучна улога во развојот на ВИ, а владите мора да разберат што прават овие компании без да ги оптоваруваат со прекумерни регулативи.

Тој исто така предупреди дека премногу регулација, особено во Европа, може да го успори напредокот на технологијата која, според него, претставува најважната револуција по откривањето на електричната енергија. Шмит заврши со напомена дека, иако технолошките компании разбрале влијанието на ВИ, нивната проценка на вредностите може да се разликува од онаа на владите.