Денеска во 00.40 часот во СВР Скопје, Е.П.(23) од Скопје пријавила дека на 26.12.2024 околу 21.45 часот во угостителски објект на подрачјето на Центар, се здобила со повреди откако врз неа паднал звучник, кој бил поставен во објектот.

Излезено е на местото на настанот од полициски службеници од СВР Скопје.

СВР Битола поднесе кривична пријава против 42-годишниот Б.Т. од Битола поради предизвикан пожар.

МВР информира дека на 21.12.2024 пријавениот, во подрум од станбена зграда во Битола, каде живее, предизвикал пожар.

На 26 декември 2024 година, во 22:11 часот, во ОВР Прилеп било пријавено дека на улицата „Браќа Миладиновци“ во Прилеп се случила сообраќајна несреќа. Во несреќата, патничко моторно возило опел со прилепски регистарски ознаки, управувано од 50-годишниот С.М. од Прилеп, излетало од патот.

Возачот бил итно пренесен во Градската болница Прилеп од страна на екипата на Итната медицинска помош, каде му биле констатирани тешки телесни повреди.

На местото на несреќата увид извршила увидната екипа на ОВР Прилеп, која работи на утврдување на причините за несреќата.

Полицијата ги повикува учесниците во сообраќајот на внимателност и почитување на правилата за да се избегнат несреќи од ваков тип.