Судијката што го судеше Васил Јованов убиецот на дизајнерката Фросина Кулачка е разрешена од работната група во министерството за Правда која работела на измени на Кривичниот законик.

Со одлука на министерот за правда Филков судијката Даниела Алексовска Стојановска веќе не е дел од работната група која е формирана во декември 2020 година за измена на Кривичниот законик.

,,Ви се обраќам не само како министер за правда, туку и како граѓанин, родител”. 

Вака министерот Игор Филков ја започна денешната прес-конференција за случајот со трагично загинатата Фросина Кулакова, која минатата недела беше прегазена на булеварот Партизански Одреди во Скопје.

,,Ги повикувам судовите и Судскиот совет за да преземат дејства со кои ќе се преиспита целиот случај со прерано загинатата Фросина. Ве информирам дека денеска донесов одлука да ја разрешам од членство во работна група во Министерството за правда судијката чие име ја бранува јавноста. Таа беше дел од работната група која е формирана во декември 2020 година за измена на Кривичниот законик и беше дел од оптимизираната работна група за брзите измени на Кривичниот законик со кои очекуваме да се отстранат штетните последици предизвикани со измените во 2023 година. Ова го правам за да не се дискредитира процесот којшто е започнат за потребните суштински редорми во правосудството. Крајно време е надлежните институции да покажат дека се подготвени да преземат мерки за лоцирање на виновниците и нивна евентуална одговорност. Одговорност мора да се утврди и тука нема компромиси. Граѓаните очекуваат правда, а институциите се должни да ја испорачаат. Овој случај е само потврда на податоците за оценка на работата на судовите кои беа презентирани пред некој ден. Токму корумпираноста беше детектирана како најголем проблем на судството со најниска оценка”, рече Филков.

СВР Скопје ги известува граѓаните на Скопје дека на 04.02.2025 (вторник) од 06.00 часот поради најавен настан за организирано чествување на раѓањето на Гоце Делчев, што ќе се одржи во црквата „Св. Спас“ во Скопје, ќе бидат преземени мерки за посебен режим на сообраќајот, односно за сообраќај ќе биде затворена ул.„Самоилова“ на потегот од ул.„Иљо Војвода“ (Виадукт-Самоилова) до крстосница со ул.„Прохор Пчински“.
СВР Скопје апелира до граѓаните да ги почитуваат наредбите кои ќе ги даваат полициските службеници.

Градоначалникот на општина Кисела Вода, Орце Ѓорѓиевски, најави уште една значајна капитална инвестиција – изградбата на Home Retail Park, првиот и најголем ритејл парк во Македонија. Оваа инвестиција, вредна 15 милиони евра, ќе биде лоцирана во индустриската зона Пинтија, во близина на Стаклара, и ќе се простира на површина од 35.000 м².

Според Ѓорѓиевски, овој проект ќе внесе нова динамика во локалната економија, создавајќи 300 нови работни места и отворајќи 20.000 м² модерен комерцијален простор. Граѓаните ќе имаат можност да најдат сè што им е потребно за својот дом – мебел, домашни апарати, декорации, градинарска и бањска опрема. Покрај тоа, комплексот ќе располага со 600 паркинг места, како и модерни кафетерии и ресторани.

„Вложувањата од ваков обем го потврдуваат фактот дека Кисела Вода станува сè попосакувана дестинација за бизнисите. Ова не е само инвестиција во објект, туку инвестиција во иднината, во подобар начин на живеење и во економскиот раст на нашата општина“, истакна Ѓорѓиевски.

Отворањето на Home Retail Park е предвидено до крајот на 2025 година, а според Ѓорѓиевски, ова е само почеток на поголема трансформација на Кисела Вода во еден од најдинамичните делови на Скопје.