Најмалку 14 лица загинаа, а десетици се ранети во руски ракетен напад на украинскиот град Криви Рих, изјави регионалниот лидер Серхиј Лисак.

Меѓу загинатите, шест се деца.

Локалните власти потврдија дека балистички проектил паднал во центарот на станбена област, при што бил погоден и детско игралиште. Една од снимките од местото на нападот покажува уништена десеткатна станбена зграда, додека жртвите лежат на патот пред неа.

Овој напад е еден од најсмртоносните врз главниот град на Володимир Зеленски од почетокот на војната. Зеленски изјави дека во нападот биле оштетени најмалку пет згради.

Концернот „Фолксваген“ (Volkswagen) воведе привремено запирање на железничките испораки на автомобили од Мексико и Европа во САД, а поради новововедените увозни давачки на администрацијата на Доналд Трамп, објави денеска Automotive News повикувајќи сè на службена белешка на компанијата до авто-дилерите.

Трамп вчера објави опширни мерки за увоз на стоки во САД. Воведени се основни тарифи од 10 отсто за целата увезена стока. Тарифата за Европската унија е зголемена на 20 отсто, додека за Мексико и Канада на 25 отсто, а за Кина на 34 отсто.

Според изданието, цените на автомобилите Волксваген во САД можат да скокнат значително. Компанијата има намера во цената на возилата да ги додаде и трошоците за плаќање на 25-процентната давачка. Во САД во фабриката во Тенеси, Волксваген ги произведува електричните кросовери ID.4 и теренските модели Атлас. Моделите како ID. Buzz и Голф се увезуваат од Европа, додека Тигуан, Таос и Џета се испорачуваат од Мексико.

Се истакнува дека германските производители на автомобили се меѓу најнастраданите компании од новите давачки на Трамп за увоз на автомобили. Високата побарувачка за профитабилни кросовери и бавниот премин на потрошувачите во САД кон електрични возила го прават овој пазар многу профитабилен за такви компании како Mercedes-Benz AG и Porsche.

Дел од американските медиуми јавија дека Mercedes-Benz веќе размислува за повлекување од продажба во САД на своите најдостапни модели, се смета дека со новите давачки нивната продажба овде би била економски непрофитабилна.

Советниците на американскиот претседател Доналд Трамп кои имаат поостар став кон Русија, стекнуваат се поголемо политичко влијание во Соединетите Американски Држави, пишува весникот Вол Стрит Журнал, повикувајќи се на изјава на претседателот на аналитичкиот центар Саратога фондација, Глен Хауард.

„Советниците на претседателот Трамп, кои се изразито непријателски настроени кон Москва, очигледно добиваат на тежина во политичкиот процес, делумно и поради тоа што Русија го одлага процесот на мирни преговори“, се наведува во текстот на американскиот весник.

Преговори во Саудиска Арабија: Напредок, но и натаму тензија

Да потсетиме, Трамп минатата недела изјави дека разговорите меѓу делегациите на САД, Русија и Украина, кои се одржаа во Саудиска Арабија, постигнале одреден напредок.

Меѓутоа, тој истакна дека, и покрај напредокот кон можеби решение, меѓусебните непријателства сè уште доминираат во односите меѓу страните во конфликтот.