Connect with us

Инфо +

Од 1 јануари ќе плаќате три пати поголем данок за вашите викендици!

Published

on

Со измените на законот за данок на имот предвидено е трипати повисок данок за куќа или стан што не се користат, што значи граѓаните кои се сопственици на викендици ќе треба да плаќаат повеќе данок.

Планот на Владата е овие законски измени да стапат во сила од 1 јануари следната година. Даночните експерти сметаат дека овие измени ќе паднат на грбот на оние граѓани кои веќе си ги плаќаат давачките и дека со овие измени нема да се помогне во зголемено полнење на општинските каси. Тие велат дека овие зголемени давачки нема да имаат никакво значење за приходите на општините, а тоа е главната цел за која се прават измените.

Во владиното соопштение кога беше објавен предлог измените на законот за прогресивно оданочување на имотот е наведено дека се очекува да прикажат позитивно влијание врз општинските каси. Со него се опфаќа недвижен имот кој е во сопственост на државата или на општините, општините во Градот Скопје и на Градот Скопје, како и во сопственост на физички и правни лица, а кој не се користи подолго од шест месеци во текот на една година, ќе се зголеми за три пати во однос на стапките пропишани со законот.

„Со одредби од овој закон се пропишува и дека државата, општините, општините во Градот Скопје и Градот Скопје, како и физичките и правни лица кои нема да пријават дека одреден недвижен имот не го користат ќе платат данок кој ќе биде за пет пати повисок од пропишаниот“, соопштуваат од Владата.

Целиот текст прочитајте го со клик ТУКА.

Свет

Ова не и се свиѓа на Европа: Откриено е кога ќе прекине војната помеѓу Русија и Украина?

Published

on

Специјалниот пратеник на американскиот претседател Доналд Трамп за Украина и Русија Кит Келог изјави дека мировниот план за Украина би можел да биде завршен за неколку дена или недели.

“Морате да ни дадете малку простор и време, но не мислам на шест месеци, туку неколку дена или недели”, изјавил тој во Минхен.

Келог изјавил дека моментално постои двоен пристап кон мировните преговори, со претставници на САД кој се во врска со Русија, и претставници на САД со Украина и сојузните нации, пренесуваат странските медиуми.

Келог напомена дека работи во името на други групи и додаде, спротивно на претходните сугестии на САД, да Украина и Европа мора да бидат дел од тие преговори.

Специјалниот пратеник додаде дека САД се уште не се подготвени да ги изнесат барањата за обезбедување на безбедносните гаранции на Украина во рамките на преговорите.

“Морате да ги поведете сојузниците со себе. Дали тие (Украина и Европа) ќе играат улога? Секако дека да. Не можете тоа да го направите без било кој”, изјави тој.

Келог потоа појаснил дека претставниците од ЕУ можеби физички нема да бидат на масата во текот на мировните преговори, но дека интересите на регионот ќе бидат земени во предвид.

“Сакаме да обезбедиме тоа да биде траен и одржлив мир”, заклучи Келог.

Европските политичари повеќе пати барале да бидат вклучени во преговорите за ситуацијата со Украина.

Германската министерка за надворешни работи Аналена Бербок во четвртокот изјави дека мирното решение на конфликтот мора да ги вклучи и претставниците од Европа.

Кандидатот за канцелар од опозиционата партија Фридрих Мерц, преговорите денес ги нарече неприфатливи доколку се случат без присуство на претставници од ЕУ и Киев.

Италијанскиот министер за надворешни работи и заменик премиерот Антонио Тајани исто така изјави дека Европа не треба да игра споредна улога во моќните преговори.

Претседателите на Русија и САД, Владимир Путин и Доналд Трамп во средата одржаа телефонски разговор кој траеше речиси час и половина.

Според зборовите на прес-секретарот на рускиот претседател Дмитриј Песков, лидерите разговарале за прашања кои се однесуваат на размена на државјани на двете земји, како и решавањето на ситуацијата во Украина. Тој истакна дека Вашингтон е главнната конекција со Москва, кога е во прашање прекинувањето на конфликтот.

Истовремено, после разговорот помеѓу Путин и Трамп, ниту Кремљ, ниту Белата Куќа не спомнаа било каква улога на Европа или Украина во идните преговори.

Лидерите се сложија да го продолжат личниот контакт, вклучувајќи и организирање на личен состанок.

Според зборовите на Песков, Ријад е спомнат како можна локација за состанокот помеѓу Путин и Трамп во текот на нивниот телефонски повик.

Continue Reading

Европа

Првиот човек на НАТО го предизвика Путин, дали рускиот претседател ќе возврати?

Published

on

Марк Руте, генералниот секретар на Алијанската на Минхенската безбедносна конференција изјави дека рускиот претседател Владимир Путин не би се осмелил да нападне земја-членка на НАТО.

Генералниот секретар рече дека е оптимист за односите меѓу Европа и САД. Тој исто така изјави дека не верува оти Русија ќе нападне земја од НАТО, но предупреди дека доколку се осмели да го стори тоа, НАТО ќе одговори со сета своја цврстина и сила. Подвлече и дека САД и Европа остануваат на истите позиции за иднината на Украина.

„Имаме јасен заеднички став дека Украина треба да ја има најдобрата можна почетна позиција во мировните преговори, дека треба да продолжи испораката на оружје и обуката на украинските војници, но и дека исходот од мировните преговори треба да биде дека Украина е суверена држава која никогаш повеќе нема да биде нападната од Русија, од Владимир Путин“, рече генералниот секретар на НАТО.

Во исто време, британскиот министер за надворешни работи Дејвид Лами рече дека ќе ги охрабри американскиот претседател Доналд Трамп и украинскиот претседател Володимир Зеленски да го продлабочат своето партнерство во иднина.

Лами рече дека најдобрата гаранција за безбедноста на Украина од идната руска агресија е вклучувањето на американската индустрија, бизнис и одбранбените капацитети во нејзината иднина.

Continue Reading

Европа

Тројански коњ во 21-ви век: Руската војска добила наочари, експлодираат штом се вклучат

Published

on

Кациги за контрола на дронови со пластичен експлозив.

Руските војници неодамна добиле пратка на посебни кациги за контрола на дронови – проблемот е во тоа што биле подесени да експлодираат чим се вклучат.

Непознати лица се обиделе да извршат саботажа на рускиот воен персонал со испраќање на серија од овие “наочари” долж хуманитарните линии, кои би се детонирале кога ќе се вклучат, пренесе руската агенција Tass.

Како што додале од агенцијата, ова го потврдил официјален претставник на руската компанија која се занимава со развој и испорака на опрема за електронско војување, Игор Потапов.

“Кога целата серија е отворена, во сите производи е пронајден спакуван пластичен експлозив”, додал Игор Потапов.

Тој ги повика воените лица на исклучителна внимателност при примање на хуманитарна помош од непознати.

“Посебно би сакал да напоменам и на сите да им пренесам дека за хуманитарна помош е секогаш потребна детална проверка доколку стигнува од непознати субјекти. Имаме доста луѓе кои се занимаваат со хуманитарна помош и сите се прилично познати, но кога ќе се појави некои хуманитарец со желба да помогне, тоа е сјајно, меѓутоа таквите луѓе мора детално да се проверат” изјавил Потапов.

Continue Reading
Advertisement
Advertisement

Трендинг

Copyright © 2024 Булевар.мк