Претседателот на САД, Доналд Трамп, синоќа му испрати предупредување на украинскиот претседател, Володимир Зеленски, да не се повлекува од договорот за ретки минерали, нагласувајќи дека во тој случај може да се најде „во големи проблеми“.

„Видов дека тој (Зеленски) се обидува да се повлече од договорот за минерални ресурси. Ако го направи тоа, ќе биде во голема неволја. Ќе има сериозни проблеми“, изјави Трамп.

Трамп врши притисок врз Зеленски да потпише договор кој ќе дозволи на американските компании да експлоатираат украински минерални ресурси, додека истовремено се преговара за примирје помеѓу Украина и Русија.

„Се договоривме за тоа, а сега тој (Зеленски) сака повторно да преговара. Тој сака Украина да стане членка на НАТО. Но, тој никогаш нема да стане членка на Алијансата и тој тоа добро го разбира. Затоа сега бара нови преговори“, изјави Трамп.

На 28 март, по добивањето на новиот американски нацрт-договор, кој според Зеленски е „значително проширен“, украинскиот претседател изјави дека Киев нема да прифати договор за ретки минерали ако тој ја загрози интеграцијата на Украина во Европската Унија.

Според последниот американски предлог, Киев треба да му ги испрати на Вашингтон сите приходи од заедничкиот инвестициски фонд, кој ќе ги контролира украинските ресурси, додека Украина не ја отплати американската воена помош со камата. Во нацрт-договорот се вели дека Украина нема да добие безбедносни гаранции, а ќе биде обврзана да придонесе во фондот со приходи од природни ресурси, кои ќе бидат управувани од државни и приватни компании.

Предложениот договор предвидува Вашингтон да има приоритет при купување на ресурси, како и враќање на средствата испратени во Украина од 2022 година, со годишна каматна стапка од 4%, пред Украина да може да пристапи до приходите на фондот.

За управување со фондот ќе биде задолжена американската корпорација за меѓународен развој, а фондот ќе има пет члена во одборот, од кои тројца ќе бидат назначени од САД и двајца од Украина. Средствата ќе се заменуваат за девизи и испраќаат во странство.

Митинзите на Рама беа под слоганот „Заедно за Албанија 2030 во ЕУ“.

На островот Крит во саботата и вчера во Атина, албанскиот премиер Еди Рама одржа митинзи и средби со Албанците, кои живеат во Грција во пресрет на парламентарните избори во Албанија на 11 мај, јави дописничката на МИА од Атина.

Со развиорени албански знамиња и овации, албанскиот премиер беше пречекан на собирот во Атина се одржа вчера попладне во сала во културен центар што беше целосно исполнета.

Митинзите на Рама беа под слоганот „Заедно за Албанија 2030 во ЕУ“.

Во саботата албанскиот премиер беше во градот Ханија на островот Крит, каде што во спортска сала одржа митинг за Албанците, кои живеат и работат на островот, а според грчките медиуми, најавил дека Албанија сака да отвори Конзулат на островот за да им го олесни конзуларниот дел на албанските државјани од Крит и да не треба да патуваат во Атина.

Првата средба на Рама со Албанците кои живеат во Грција беше лани во мај кога во Атина одржа митинг во рамките на неговата турнеја во неколку европски земји.

Лидерот на партијата Македонска алијанса за европска интеграција (МАЕИ), Васил Стерјовски, кој е кандидат за пратеник на отворената листа на Социјалистичката партија (СП) за Корчанскиот округ во Албанија, за Топ ченел зборуваше околу договорот меѓу двете партии за изборите на 11 мај.

„Изразуваме благодарност до Социјалистичката партија што ни даде можност, направивме договор меѓу двете партии и добивме место на отворената листа за Корчанскиот округ – рече Стерјовски.

Тој додаде дека според договорот, Социјалистичка партија гарантира дека ќе ги унапреди правата на македонската заедница во Албанија и дека ќе се зголемат инвестициите во регионите каде што живее македонското население.

„Нашите барања ќе бидат исполнети за изучување на македонскиот јазик таму каде што постојат услови низ целата територија на Република Албанија“, посочи тој.

Телевизијата наведува дека „за пратеникот кој достојно го претставуваше македонското малцинство во Собранието во претходниот состав”, Изборниот законик останува проблематичен во однос на можностите за малите партии, особено за малцинствата, кои според него, треба да имаат свое место во парламентот.

Стерјовски е единствен кандидат Македонец во цела Албанија зашто ниедна партија или коалиција нема кандидирано Македонец на своите листи.