Големата музичка ѕвезда Светлана Цеца Ражнатовиќ синоќа приреди незаборавен концерт во Врање, исполнет со емоции, хитови и спектакуларна атмосфера.

Фолк дивата привлече внимание со впечатлив изглед — во мини шорцеви и со долга, пуштена коса — но најмногу реакции предизвика еден неочекуван гест. Во текот на настапот, Цеца го зеде македонското знаме од Кутлеш, симбол кој се користеше во деведесеттите години, и гордо го рашири пред публиката.

„Нема поубава глетка од тоа кога ќе го подигнам знамето на друга држава во мојата земја. Браво, браво!“ – рече таа пред воодушевената публика.

Таа додаде дека знамето го добила од еден од своите пратечки вокали кој е од Македонија: „Сега е со мене, себична сум кога е во прашање мојата публика.“

Настанот предизвика реакции на социјалните мрежи, каде дел од публиката го поздрави гестот, додека други го сметаат за провокација.

Погледнете го начинот на кој лозарите од Бургундија се борат против ниските температури.

Доцните мразови се особено штетни за земјоделските култури, па земјоделците на различни начини се обидуваат да го спасат она од кое живеат. Токму поради ова, земјоделството како бизнис под отворено небо го има еден од најопасните, скриени „непријатели“, поточно временските услови, кои колку што можат да бидат поволни, можат да наштетат и на одредени култури.

Импресивните сцени на големи маслени свеќи распоредени меѓу лозите го обиколија светот, но суштината е дека овој вид на работа е многу макотрпна. Таквите грејачи се всушност ефективни на температури до -5◦C, но не и пониски.

Францускиот претседател Емануел Макрон  денеска ги осуди новите смртоносни напади на Русија во Украина и повика на „силни акции“ доколку Москва продолжи да „го отфрла мирот“.

Тие руски напади мора да престанат. Потребен е прекин на огнот што е можно поскоро. И силна акција доколку Русија продолжи да бара да добие време и да го отфрли мирот, напиша Макрон на социјалната мрежа Х, без да прецизира за каква акција ќе се работи.

Европејците би можеле да воведат дополнителни санкции за да го задржат притисокот врз Русија и да ја охрабрат да започне мировни преговори.

Украинскиот претседател Володимир Зеленски изјави денеска дека бројот на руски воздушни напади против неговата земја „се зголемува“ и дека притисокот врз Русија се уште е недоволен.

Конкретно, Украина бара поголеми економски санкции, кои Русија се обидува да ги ублажи.

Додека пред речиси еден месец Украина го прифати предлогот на претседателот на САД Доналд  Трамп за целосен и безусловен прекин на огнот за 30 дена и ние работиме со сите наши партнери на начини да обезбедиме мир, Русија ја продолжува војната со нов интензитет, не обрнувајќи внимание на цивилите, рече Макрон.