Теодор Јовевски го фати светиот крст што денеска беше положен во водите на реката Вардар во Скопје од владиката Јосиф. 

Јовевски рече дека првпат се фрла по крстот и се надева дека ќе му донесе среќа, а на другите верници им порача да веруваат во Бога.

Одбележувањето на празникот Богојавление почна во 9 часот во храмот „Рождество на Пресвета Богородица“, каде што чиноначалствуваше владиката Јосиф. По завршување на литургијата владиката Јосиф, заедно со свештенството во поворка се упати кон мостот „Слобода“ каде почна „Водосветот“, а потоа го положи крстот во реката Вардар.

Како што изјавија од Скопската православна епархија, годинава во Скопје беа пријавени над 220 граѓани.

Според верувањата, оној кој ќе го фати крстот, ќе го следи среќа и благослов цела година. Фаќањето на крстот значи соединување на човекот со Христа, а се верува дека со положувањето на крстот, водите стануваат лековити. 

На годинешното празнување на Богојавление Водици, во соборниот храм Свети Кирил и Методиј во Тетово, 32-годишниот Борче Стефановски го фати осветениот крст. Во свечената церемонија присуствуваа голем број верници, кои со молитва и радост го одбележаа овој голем христијански празник. Борче изјави дека му претставува огромна чест и благослов што токму тој го фатил крстот оваа година.

По тринеделен зимски распуст, основците и средношколците утре ќе се вратат на настава во второто полугодие од учебната 2024/2025 година.

Таа ќе заврши на 10 јуни за сите ученици, освен за средношколците во завршна година (матурантите) кои, според календарот за организација на учебната година во јавните средни училишта, ќе учат до 16 мај 2025.

Учебната година нема да биде продолжена како минатата година бидејќи ќе нема пролетен распуст кој беше воведен лани.

За оваа одлука Министерството за образование и наука во оваа учебна година анкетираше наставници, родители и ученици од повисоките одделенија и, како што информираше, мнозинството се изјасниле дека не сакаат пролетен распуст.